Hosheya 2:20 - Kifuliiru

²⁰ Ku yulwo lusiku, tuganywana ikihango neꞌnyamiishwa, kiri noꞌtunyuni twa mu kyanyaanya, na byoshi íbiri mu yibulula, gira bitaki shubi mùteera. Ngamùsaagiza kiri noꞌmuheto, neꞌngooti, neꞌzindi siribo ziꞌzibo, lyo mulonga ukuramba mu mutuula.

Hosheya 2:20 ပူးပေါင်းရင်းမြစ်များ

Ndondeko 9:10

Na bwo mukalyoka neꞌbiremwa mu mashuba, ngakigira twe nabyo kwakundi. Kuli kudeta utunyuni, neꞌbitugwa, neꞌnyamiishwa zooshi, na ngiisi kindi kiremwa íkiri mu kihugo.

Hisaaya 2:4

Yibyo binyamahanga, Nahano agakizi bihambuula, halinde banatuule mu kati koꞌmutuula. Ingooti zaabyo, zigaatulwa mweꞌfuka zoꞌkuhinga. Kiri naꞌmatumu, gagaatulwa mweꞌmigushu. Ndaagwo mulala úgugaki gendi lwisa ugwabo, batanâye ki yikomereze kwiꞌzibo.

Hisaaya 62:4

Nahano ayamiri akusiimiri. Kiri neꞌkihugo kyawe, kikola kigaaba nga muhya wage. Ku yukwo, iziina lyawe, litagaki ba Mujandwa, kandi iri Mushaka. Si we kola ugaaba «malega ga Nahano», neꞌkihugo kyawe kigadetwa «muhya wa Nahano».

Yeremiya 24:7

Ngababiika mweꞌkyedu kyoꞌkumenya kwo nie Nahamwabo. Bagangalukira lwoshi, banabe bandu baani. Naani, na mbe ndi Rurema wabo.

Yeremiya 30:10

«E beene Yakobo, muli bakozi baani! Ku yukwo, mutayobohe. E Bahisiraheeri! Mutavunike indege.» Kwokwo, kwo Nahano adesiri. «Ngamùlyosagya mu buja i mahanga. Kiri naꞌbaana biinyu, bagalyoka yo. Beene Yakobo bagashubi tuula ku butoge, mu kati koꞌmutuula. Ndaanaye mugoma úgashubi bateera ikyoba.

Yeremiya 32:41

Yukwo kugenduukirwa kwabo, kugakizi njambaaza. Ku kasiisa mu kino kihugo, ngashubi babyala mwo, halinde banagenduukirwe.»

Yeremiya 9:24

Nahano ashubi detaga kwokuno: «Mu siku ízigayija, kundu abandu bangaba batengwirwi ku magala, ngabahana ngana. Kuli kudeta,

Hezekyeri 16:62

Ee ma! Tugashubi nywana ikihango na niinyu, lyo mugaamenya kwo nie Nahano.

Hezekyeri 16:8

«Iri nꞌgashubi yiji lenga ho uli, nanabona kwo leero ukoli hisiizi imyaka yoꞌkukundwa nga munyere. Kwokwo, nanakuyajuulira kwoꞌmulondo gwani, gira mbwikire ubusha bwawe. Twananywana ikihango twembi, kwo ugaaba mukaanie. Kwokwo, kwo nie Rurema Nahamwinyu ndesiri.

Hezekyeri 34:25

«“Kwokwo, twe naꞌbandu baani, tuganywana ikihango, halinde banatuule mu mutuula. Ngabalyokeza inyamiishwa ndangi mu kihugo, lyo balonga ukuramba mwiꞌshamba buzira mbuzi-mbuzi, banakizi gwejera mu kishuka.

Hezekyeri 34:27

Ibiti bya mu ndalo zaabo, bigakizi tongeka kweꞌbitumbwe. Neꞌndalo zaabo zinayere bweneene! Booshi banalongage ukuramba mu mutuula mu kihugo kyabo. «“Na balya ábaki konirwi mu buja, ngavungula iminyororo yabo, na mbafuushule mu bushobozi bwa basheebuja. Haaho, lyo bagaamenya ku kasisa kwo nie Nahano.

Hezekyeri 38:23

Kwokwo, lyo ngayereka ibinyamahanga ngiisi kwo ndi mukulu, na ngiisi kwo ndi mweru. Kwokwo, lyo bagaamenya ku kasiisa kwo nie Nahano.»

Hosheya 13:4

«Mumenyage kwo ho nꞌgamùlyokeza mu kihugo kyeꞌMiisiri, nie Nahano Rurema winyu. Ndaanaye gundi Rurema, átali nienyene. Ndaanaye gundi Lukiza ye mugweti.

Hosheya 2:19

E Bahisiraheeri! Kundu halyagagi amaziina ga kwingi-kwingi geꞌmigisi ya Baali, gooshi ngagashaaza mu tunywa twinyu, halinde mutaki shubi gadeta.

Hosheya 6:6

«Byo ndoziizi, kutali kutangirwa amatuulo. Si ndoziizi kwo mukizi kundana. Na ndoziizi mube munyiji bwija, kwo nie Rurema. Yukwo, kwo kuhimiri ukukizi ndangira amatuulo goꞌkusiriiza.»

Balaawi 26:5

«Ikyanya muli mu gesha ingano, kigagenderera, halinde ku kyanya kyoꞌkuyimbula imizabibu. Neꞌkyanya kyoꞌkuyimbula imizabibu kinagenderere, halinde ku kyanya kyoꞌkushubi byala imbuto. Mugakizi longa ibyokulya bya namwingye, munatuule mu kati koꞌbutoge.

Balaawi 26:6

«Ngamùleetera umutuula, munakizi gwejera buzira kuyikanga-kanga. Ninamùyimulire inyamiishwa ndangi. Kiri naꞌbagoma, batagakizi yiji mùteera.

Mika 4:3

Yibyo binyamahanga bingi, kundu biryagagi mwoꞌbushobozi, binatuuziri hala, haliko Nahano agakizi bihambuula. Ingooti zaabyo zigaatulwa mweꞌfuka zoꞌkuhinga. Kiri naꞌmatumu, gagaatulwa mweꞌmigushu. Ndaagwo mulala úgugaki gendi lwisa ugwabo, batanâye ki yikomereze kwiꞌzibo.

Zakariya 9:10

Ngamúshaagiza amagaare giꞌzibo, kuguma neꞌfwarasi zoꞌkugakulula, halinde bitaki bonekage mu kihugo kya Hifurahimu, kandi iri mu Yerusaleemu. Kiri neꞌmiheto yiꞌzibo, ngagivuna-vuna. Umwami winyu, aganywaniisa ibinyamahanga byoshi kuguma, mu kati koꞌmutuula. Ubwami bwage, bugalyokera ku nyaaja nguma, halinde ku gindi, bunalyokere ku lwiji Hefuraati, halinde ukuhisa heꞌkihugo kihekiiri.

Mataayo 11:27

«Daata, keera akanzikiiriza byoshi. Ndaaye úyiji Umwana, átali Daata yenyene. Ndaanaye úyiji Daata, átali Umwana, na ngiisi yoꞌlya Mwana aloziizi ukumúyereka.

Luka 10:22

«Daata, keera akanzikiiriza byoshi. Ndaaye úyiji Umwana, átali Daata yenyene. Ndaanaye úyiji Daata, átali Umwana, na ngiisi yoꞌlya Mwana aloziizi ukumúyereka.»

Yohana 17:3

«Yubwo bulamu bweꞌmyaka neꞌmyakuula, bwo bwobu: bakumenye, kwo we Rurema nirizina. Bamenye na Yesu Kirisito, ulya ye ukatuma.

Yohana 8:55

Si mutamúyiji! Haliko niehe nimúyiji! Neꞌri nangadesiri kwo ndamúyiji, iri naaba munabibeesha nga mwehe. Haliko nimúyiji, na nyamiri nzimbahiri amagambo gaage.

2 Bakorindo 4:6

Rurema akadeta: «Umulengeerwe, gutanguule mu kihulu!» Ye na yoyo ye katanguula mu mitima yitu. Kwokwo, tukoli yiji hiꞌgulu lyoꞌbulangashane bwage, kwo buli ku malanga ga Kirisito.

Bafiripi 3:8

Bitanali byebyo naaho. Si neꞌbindi byoshi kwakundi, ngoli bibwini nga ruhombo. Keera nanabihomba kwo hiꞌgulu lya Nahamwitu Yesu Kirisito. Ukumenya Kirisito, kwo kuhimiri byoshi! Kwokwo, birya bindi, ngoli biharwiri ngiꞌjolera, gira lyo ndonga ibya Kirisito,

Bakolosaayi 1:10

Kwokwo, lyo mulonga ukutuula ku njira íkwaniini imbere lyage. Munalonge noꞌkukizi músimiisa mu kati ka byoshi. Munabe muli mu tabaala abandu baage, iri munakaviiriza ukumenya Rurema.

2 Timoteyo 1:12

Yo na yeyo, yo itumiri ngweti ngalongaga yaga malibu. Kundu kwokwo, ndayuvwiti ishoni. Nyiji Yesu bwija, ninamúbiisiri kwoꞌbwemeere. Na ndi naꞌkasiisa kwo ngiisi byo akanzikiiriza, ashobwiri ukukizi bilanga, halinde ukuhisa ku lusiku lwo agagaluka kwo.

Baheburaniya 8:11

Hatagaki ba mundu úgayigiriza umutuulani wage, kandi iri mwene wabo, ti: “Umenyage Nahano.” Mukuba, booshi bagaaba bakoli nyiji, ukulyokera ku batoohiri mwo, halinde ku bakulu.

1 Yohana 4:6

Si twehe, tuli bandu ba Rurema. Neꞌri umundu angaba ayiji Rurema, ali mu tutega amatwiri. Haliko, iri abandu bangaba batali ba Rurema, boohe, batali mu tutwaza. Kwokwo, kwo tuli mu menya umutima gwoꞌkuli, na gweꞌbibeesha.

1 Yohana 5:20

Tuyiji kwakundi kwoꞌMwana wa Rurema keera akayija, anatuheereza ubumenyi, gira lyo tulonga ukumenya Rurema nirizina. Na buno, tukoli tuuziri mu kati kaage, bwo tukoli tuuziri mu kati koꞌMwana wage Yesu Kirisito. Yehe ye Rurema nirizina. Anali ye ryagagi mwoꞌbulamu bweꞌmyaka neꞌmyakuula.