Hosheya 2:17 - Kifuliiru

¹⁷ Ngamúgalulira indalo zaage zeꞌmizabibu. Na njubi hindula Indekeera yaꞌMakuba, imúbeere nga mulyango gwoꞌkugenda iwa mulangaaliro. Haaho, agakizi ngunda bweneene, nga kwo âli kizi gira mu busore, ikyanya nꞌgamúguluula mu kihugo kyeꞌMiisiri.»

Hosheya 2:17 ပူးပေါင်းရင်းမြစ်များ

Zaburi 16:4

Ngiisi ábali mu yifunda mu byeꞌmizimu, bali mu yiyushuulira umwizingeerwe. Si niehe, ikyanya bagagendi gitangira amatuulo, ndâye bayibiike kwo. Amaziina gaayo, kiri noꞌkugadeta, gatâye huluke mu kanwa kaani.

Kulyoka 15:1

Lyeryo Musa, naꞌbaabo Bahisiraheeri booshi, banayimbira Nahano yulu lwimbo: «Ngayimbira Nahano, bwo ye kwaniini ukuhuuzibwa bweneene. Ifwarasi na ábali mu zigendera kwo, keera abakamiza mu nyaaja.

Kulyoka 23:13

«Yaga magambo gooshi go nakubwira, ukizi gira umwete gwoꞌkugasimbaha. Utakolwe mbu utabaaze imizimu. Kiri naꞌmaziina gaayo, gatahuluke mu kanwa kaawe.

Yeremiya 10:11

Yabo banamigisi, mugendi babwira kwokuno: «Iyo migisi, itali yo ikalema igulu neꞌkihugo. Si igamalaga lwoshi, itanaki boneke mu kihugo, kandi iri mwiꞌgulu.»

Yeremiya 2:2

kwo ngendi menyeesa abatuulaga beꞌYerusaleemu, ti: «Ngi kengiiri kweꞌkyanya mwâli ki riiri nga muhya-kazi wani, mwâli nvitiirwi kwo bweneene. Mwâli njagalukiiri. Neꞌkyanya nꞌgamùleeza mwiꞌshamba, mwanakizi ngulikira, kundu ndaazo mbuto ízimeziri mwo.

Zakariya 13:2

Nahano woꞌbushobozi bwoshi, adetaga kwokuno: «Ku kirya kyanya, ngashaaza imigisi mu Bahisiraheeri. Kiri naꞌmaziina gaayo, gagayibagirwa lwoshi-lwoshi. «Ngazimiiza abaleevi beꞌbibeesha, kiri neꞌmizimu íri mu bakoleesa.

Yoshwa 23:7

«Abandu beꞌgindi milala ábaki sigiiri mu kihugo, mutakizi bakombeera. Naꞌmaziina geꞌmigisi yabo, mutakolwe mbu mukizi gakoleesa. Mutakizi gabiika kweꞌndahiro, mutanakizi giyikumba. Kiri noꞌkugadeta, mutakizi gadeta.

Yoshwa 7:26

Ulya Hakani, banamúlundaga kwaꞌmabuye mingi bweneene. Yago mabuye ganakiri ho, halinde zeene. Ha nyuma, uburaakari bwa Nahano bwanahooha. Yaho handu, halinde zeene, iziina lyaho Akabanda kaꞌMalibu.