Hosheya 2:15 - Kifuliiru

¹⁵ Uyo mukazi, ngola ngamúhaniiriza. Mukuba, âli kizi yokera imigisi yoꞌmuzimu Baali umubadu. Anakizi yilimbiisa neꞌmbete, noꞌbuhembe, anatibitire imunda balya bakundwa baage. Si niehe, anayami nyibagira lwoshi-lwoshi!» Kwokwo, kwo Nahano adesiri!

Hosheya 2:15 ပူးပေါင်းရင်းမြစ်များ

1 Baami 16:31

Birya byaha bya Yerobwamu mugala Nebati, anabibona kwo ndaabyo. Kwokwo, anayanga Yezebeeri umuluzi-nyere wa mwami Hetibaali waꞌBasidooni. Uyo Ahabu anatondeera ukukizi kolera umuzimu Baali, iri anaguyikumba.

Zaburi 106:12

Leero, ngiisi byo Rurema âli mali gwanwa alagaania abandu baage, banabiyemeera, banakizi múyimbira inyimbo zoꞌbwivuge.

Zaburi 129:1

Luli mu yimbwa na ábali mu zamuukira i Yerusaleemu. Ukulyokera mu busore bwani, abagoma bâli kizi ndibuza bweneene. Kwokwo, Abahisiraheeri badetage kiranga:

Hisaaya 65:10

Haaho, bagakizi ragirira ibitugwa byabo mu ndekeera yeꞌSharooni. Neꞌngaavu zaabo, zigakizi vyagira mu yeꞌHakoori. Yaho handu, hagasigala kihugo kya ngiisi ábaloziizi ukukizi ngulikira.

Hisaaya 65:21

Mu yako kaaya, abandu bagakizi yubaka inyumba, banazituule mwo. Ngiisi ábagakizi lima imizabibu, boonyene bagagiyimbula, banagilye.

Yeremiya 2:1

Nahano anashubi nduma,

Yeremiya 2:2

kwo ngendi menyeesa abatuulaga beꞌYerusaleemu, ti: «Ngi kengiiri kweꞌkyanya mwâli ki riiri nga muhya-kazi wani, mwâli nvitiirwi kwo bweneene. Mwâli njagalukiiri. Neꞌkyanya nꞌgamùleeza mwiꞌshamba, mwanakizi ngulikira, kundu ndaazo mbuto ízimeziri mwo.

Yeremiya 29:11

Ee ma! Ngiisi byo nimùshungikiiri, mbiyiji bwija. Yizo shungi zaani, zitali za kumùlibuza, si ziri hiꞌgulu lyoꞌkumùgenduusa. Nie gaatuma mugaaba noꞌmulangaaliro, halinde munagenduukirwe mu siku ízigayija.

Yeremiya 3:4

Buno, mukola mu ndakira kwokuno: “E daata, uyamiri uli mwira witu ukulyokera ubwanuke bwitu.

Yeremiya 32:15

Mukuba, Nahano woꞌbushobozi, Rurema waꞌBahisiraheeri, adetaga na kwokuno: Mu kino kihugo, abandu bâye ki shubi gula mweꞌnyumba, kiri neꞌndalo zeꞌmizabibu, kuguma neꞌzindi ndalo.”

Kimombo 3:21

Kundu kwokwo, hali igambo liguma lyo ngi kengiiri, linali lyo litumiri ngiri noꞌmulangaaliro.

Hezekyeri 16:22

«Yikyo kyanya wâli kizi nyaagaza mu kukizi sambana, utâli ki kengiiri ibya mu bwanuke bwawe, ngiisi kwo wâli bukondwe lwoshi, iri unayivuruguuza-vuruguuza mu muko gwawe!

Hezekyeri 16:60

«Kundu kwokwo, tukanywana ikihango na niinyu, ku kyanya mwâli ki riiri misore. Na buno, tugaki shubi nywana ikindi kihyahya kyeꞌmyaka neꞌmyakuula.

Hezekyeri 16:8

«Iri nꞌgashubi yiji lenga ho uli, nanabona kwo leero ukoli hisiizi imyaka yoꞌkukundwa nga munyere. Kwokwo, nanakuyajuulira kwoꞌmulondo gwani, gira mbwikire ubusha bwawe. Twananywana ikihango twembi, kwo ugaaba mukaanie. Kwokwo, kwo nie Rurema Nahamwinyu ndesiri.

Hezekyeri 28:25

«Nie Rurema Nahamwinyu nadetaga kwokuno: Yabo Bahisiraheeri, kundu bâli shabusiri, haliko ngashubi bakuumania booshi. Kwokwo, mango birya binyamahanga byabonaga ngiisi kwo ngagirira abandu baani, lyo bigaamenya kwo ndi mweru. Yabo Bahisiraheeri bagashubi tuula mu kihugo kyabo, kirya kyo nꞌgaheereza Yakobo, umukozi wani.

Hezekyeri 28:26

Bagakituula mwo mu kati koꞌmutuula, banashubi yubaka inyumba, iri banabyale neꞌmizabibu. Ee ma! Yibyo binyamahanga byo babibikiinwi, kundu bibashombiragi, haliko ngaki bihana byoshi, halinde Abahisiraheeri banashubi tuula mu mutuula. Haaho, lyo bagayiji menya kwo nie Rurema Nahamwabo.»

Hosheya 11:1

«Hisiraheeri, ikyanya âli ki riiri mwana mwanuke, nâli múkuuziri bweneene. Umwana wani, nꞌgamúhamagala kwo alyokage i Miisiri.

Hosheya 12:13

Yakobo akatibitira mu kihugo kyeꞌHaraamu. Neꞌyo munda, anakolerana, gira lyo alonga umukazi. Ee! Âli kizi ragirirana ibibuzi lyo amúgonda.

Hosheya 12:9

Yabo beene Hifurahimu bagweti bagayiraata kwokuno: «Twehe, tuli bagale! Si tukoli yigaziizi! Ndaaye úkabona ngiisi kwo tugweti tugagungana. Ndaanalyo igambo lyo twangalegwa kwo.»

Hosheya 13:4

«Mumenyage kwo ho nꞌgamùlyokeza mu kihugo kyeꞌMiisiri, nie Nahano Rurema winyu. Ndaanaye gundi Rurema, átali nienyene. Ndaanaye gundi Lukiza ye mugweti.

Hosheya 2:12

Ngolaga ngamúhogola imirondo yoshi, anasigale bukondwe. Balya bakundwa baage, banabe bagweti bagamúloleera. Ikyanya agateezibwa ishoni kwokwo, ndaaye úgayiji múkiza.

Hamoosi 9:14

Abandu baani, Abahisiraheeri, kundu bâli twazirwi imbohe mu buja, halikago, ngabagalulira i kaaya. Na kundu utwaya twabo twâli mali sherebera, halikago, bagashubi tuyubakulula, banatutuule mwo. Bagakizi byala imizabibu, banagikande mweꞌdivaayi, banaginywe. Kiri neꞌndalo zaabo, bagakizi zilima. Neꞌmimbu yazo, banakizi gilya.

Zakariya 9:12

E mbohe, mwe muki langaliiri! Mugalukirage mu kaaya kiinyu kazitire. Buno, namùlagaania kwokuno: Ku ngiisi malibu gwo mwâli kizi longaga, ngola ngamùgalulira amiija ubugira kabiri.

Muharuuro 21:17

Yaho i Beeri, Abahisiraheeri banayimba yulu lwimbo: «E Kirigo, ushyokage mwaꞌmiiji. Ukizi gayimbira.

Yohana 10:9

«Niehe nie mulyango. Umundu, iri agayingira ku njira yani, agakizibwa. Uyo mundu, agaaba nga kibuzi íkiri mu huluka mu lugo, kinagendi longa ibyokulya mu ndagiriro. Kinashubi yiji yingira.

Mikolezi 14:27

Neꞌri bakaba bakola kandi i Handyokiya, banakuumania abandu biꞌshengero. Banabaganuulira ngiisi kwo Rurema âli kizi kola ku njira yabo, na ngiisi kwo akayigulira ábatali Bayahudi nabo umulyango gwoꞌkuyemeera Yesu.

Yoshwa 7:26

Ulya Hakani, banamúlundaga kwaꞌmabuye mingi bweneene. Yago mabuye ganakiri ho, halinde zeene. Ha nyuma, uburaakari bwa Nahano bwanahooha. Yaho handu, halinde zeene, iziina lyaho Akabanda kaꞌMalibu.

Batwi beꞌmaaja 8:34

Na kundu Nahano Rurema ye kabakiza mu bagoma baabo beꞌmbande zooshi, haliko banamúyibagira.