Hosheya 2:14 - Kifuliiru

¹⁴ Na kundu agweti agaadeta kwaꞌbakundwa baage bo bakamúheereza ibindu bingi, ngeꞌmizabibu, neꞌbiti byoꞌmutiini, haliko byoshi, ngayiji bishereeza. Ahandu haabyo, ngahahindula mushaka. Inyamiishwa naaho, zo zigakizi birya kwo.

Hosheya 2:14 ပူးပေါင်းရင်းမြစ်များ

Ndondeko 34:3

Na bwoꞌyo Shekemu âli múvunikiiri bweneene, kyanatuma agatondeera ukumúlevya.

Hayubu 36:16

E Hayubu, Rurema agweti agakufuusa mu nguuke, gira ulonge ukuluhuuka, buzira kukizi hahazibwa. Keera anakubaliza ibyokulya binunu ku kashasha kaawe.

Lwimbo Lwija 1:4

Ngwatiraga ku kuboko gira tugendanwe. Tuvwaruke duba. E mwami, undwalage mu kisiika kyawe.» «E mwami, tugweti tugakushambaalira. Urukundo lwawe tugakizi luhuuza ukuhima idivaayi.» «Balya banyere, ndaabyo íbyangababuza kwo batakuvunikire.»

Hisaaya 30:18

Kundu kwokwo, Nahano ali Rurema woꞌkuli. Analoziizi ukumùgirira amiija, noꞌkumùyuvwirwa indengeerwa. Bahiriirwi booshi ábamúlangaliiri.

Hisaaya 5:5

«Iyo ndalo yani, buno ngolaga ngamùbwira ngiisi kwo ngagigira. Ngahongola inzitiro zaayo, halinde inasherebere, naꞌbandu banakizi gilibata-libata mwo.

Yeremiya 16:14

Nahano ashubi detaga kwokuno: «Mu siku ízigayija, ndaaye mundu úgashubi biika indahiro, mu kudeta: “Nga kwo Nahano ayamiri ho, ulya úkalyosa Abahisiraheeri mu kihugo kyeꞌMiisiri.”

Yeremiya 2:2

kwo ngendi menyeesa abatuulaga beꞌYerusaleemu, ti: «Ngi kengiiri kweꞌkyanya mwâli ki riiri nga muhya-kazi wani, mwâli nvitiirwi kwo bweneene. Mwâli njagalukiiri. Neꞌkyanya nꞌgamùleeza mwiꞌshamba, mwanakizi ngulikira, kundu ndaazo mbuto ízimeziri mwo.

Yeremiya 45:4

«Ku yukwo, Nahano adeta kwo mbwire Baruki kwokuno: “Hooshi mu kino kihugo kyeꞌBuyuda, kundu nꞌgakiyubaka, haliko ngashubi kihongola. Ngiisi byo nꞌgabyala yo, ngashubi bibyaluula.

Hezekyeri 20:10

«Kwokwo, nanabahulusa mu kihugo kyeꞌMiisiri, nanabatwala mwiꞌshamba.

Hezekyeri 20:33

«Nga kwo nyamiragi ho, ngakoleesa ubushobozi bwani, mu kumùhaniiriza ku buraakari. Kwokwo, kwo nie Rurema Nahamwinyu ndesiri.

Hosheya 2:3

Rurema anabwira Hosheya kwokuno: «Ku kirya kyanya, ugakizi buuza beene winyu Hami, (kuli kudeta: bandu baani). Na baali biinyu, mugakizi babuuza Ruhama, (kuli kudeta: bandu bo nguuziri).»

Mika 1:7

Imigisi yamwo yoshi, igahoojwa-hoojwa. Na ngiisi byo bâli kizi gitangira, ngabijigiivya noꞌmuliro. Iyo migisi yoshi, ngagishereeza. Balya bandu beꞌSamariya, si bakalonga ifwaranga ku bushule bwabo! Aaho! Si zeezo fwaranga, zo zigaaba mbembo zaꞌbandi bashule.

Mika 4:10

E batuulaga beꞌYerusaleemu! Mugenderere noꞌkugongeera, iri munabululuka nga mukazi úkola mu liibwa noꞌmukero. Si mukola mugashaagaga mu kano kaaya, munagendi tuula mu mbinga. Ee! Mukola mugatwalwa hala, i Babeeri. Halikago mango muba mukola iyo munda, Nahano agayiji mùkiza, anamùguluule mu maboko gaꞌbagoma biinyu.

Yohana 12:32

Ikyanya ngalengezibwa mu kino kihugo, lyo ngakumaniza abandu booshi imwani.»

Yohana 6:44

Umundu atangayija imwani, Daata átazi múleeta yo. Daata ye kanduma. Neꞌri umundu angayija imwani, ngamúzuula ku lusiku lweꞌmberuuka.

Bwigule 12:14

Haliko, ulya mukazi anahaabwa ibyubi bibiri íbiri nga bya nyunda-mashiiji, gira abalalire mwiꞌshamba heꞌyo daragooni itangahika. Hanali ho Rurema âli mali gwanwa amúteganulira, kwo ho agakizi múlangira ku myaka ishatu neꞌmyezi irindatu.

Bwigule 12:6

Uyo mukazi, naye anayami puumukira mwiꞌshamba. Anahika ho Rurema âli mali gwanwa amúteganulira. Hanali ho agakizi múlangira, halinde ukuhisa ku siku kihumbi na magana gabiri na makumi galindatu.

Batwi beꞌmaaja 19:3

Uyo mukazi, iri akahisa imyezi ina akola ha mwabo, yiba anagendi múbona, gira amúhuune bagalukanwe. Uyo yiba, âli geeziri noꞌmukozi wage, na bapunda babiri. Iri bakahika, uyo muja-kazi anamúyegereza mu mwa yishe. Shevyala, iri akamúbona, anamúyakiira ku mutima úgushenguusiri,