Hosheya 14:5 - Kifuliiru

⁵ Nahano adetaga kwokuno: «Kundu mutali bemeera, haliko ngamùkiza. Na njubi mùkunda ku mutima gwani gwoshi. Emwe! Ndâye ki mùrakarire kandi.

Hosheya 14:5 ပူးပေါင်းရင်းမြစ်များ

2 Samweri 23:4

haaho, ali nga lukula úwatema, anali ngiꞌzuuba íriri mu tunduuka, buzira kuhangirirwa neꞌbibungu. Ali nga nvula, íri mu meza umuyonga.”

2 Baami 19:30

«Ngiisi ábagasigala mu bandu beꞌBuyuda, bagashubi luguuka, banabe katundu nga kiti kyeꞌmizi ilaaziri mu luvu, kinatongesiri.

Hayubu 29:19

Ngaaba ngeꞌkiti kyeꞌmizi íkalandira mu miiji. Ubushigi bwoshi, ikimi kigabeera ku matavi gaakyo.

Zaburi 133:3

Yubwo buguma buli mu ba nga kimi kya ku mugazi Herimooni, kwo kiri mu hinga ku tugangazi tweꞌSayuni. Kwokwo, kwo Nahano ali mu gashaanira abandu, halinde banalonge ukulama imyaka neꞌmyakuula.

Zaburi 72:16

Utugangazi tuyijule kweꞌmimbu, halinde ikihugo kilongage ukuyera bweneene. Ibiti bikizi tongeka kweꞌbitumbwe, ngeꞌbiti byeꞌLebanooni. Abandu bakizi genduukirwa nga byasi mu ndagiriro.

Zaburi 72:6

Uyo mwami abaagage nga nvula, kwo igweti igaania mu ndangiriro, halinde ikihugo kikizi longa amiiji.

Zaburi 80:9

Ikyanya ukatulyosa i Miisiri, twâli riiri nga mulandira gwawe gweꞌmizabibu. Neꞌkyanya ukatuhisa mu kihugo kyawe, wanayimula mwaꞌbandu beꞌgindi milala, wanatubyala mwo.

Zaburi 92:12

Nꞌgayibonera nienyene ngiisi kwaꞌbagoma baani bakahimwa. Ikyanya bakaliruuka, nanayiyuvwirwa.

Zaburi 92:13

Haliko, ngiisi ábakwaniini boohe, bagweti bagadeha nga kigazi, banali mu kula nga kiti kila kyoꞌmwerezi gweꞌLebanooni.

Migani 19:12

Ikyanya mwami araakara, ali mu ba nga ndare ígweti ígalunduma. Si urukundo lwage, luli mu ba nga kimi íkiri ku katendeezi.

Lwimbo Lwija 2:16

«Umukundwa wani alyagagi weꞌmwani. Na naani ndi weꞌmwage. Ali nga kitugwa íkigweti kigaragira mu twaso tweꞌyungiyungi.

Lwimbo Lwija 4:5

Amabeere gaawe gombi, gali nga tusa twiꞌhasha. Yutwo tusa, tugweti tugaragira mu kati keꞌyungiyungi.

Hisaaya 12:1

Ku kyanya íkigayija, mugayimba, ti: «E Nahano, ngweti ngakuyivuga. Ee! Kundu wâli koli ndakariiri, haliko, ubute bwawe keera bwamala, unakola mu mboleeza.

Hisaaya 18:4

Nahano ambwiraga kwokuno: «Nduuziri mwiꞌgulu, na ndi mu langiiza hooshi mu kihugo. Na nyamiri naaho ndi munyerere. Nyamiragi mbulisiri naaho, ngiꞌzuuba lya kalenge-renge, kandi iri ngeꞌndara ku kyanya kyeꞌmimbu.»

Hisaaya 26:19

Abandu baawe, kundu bakoli fwiri, haliko bagashubi zuuka, banabe bagumaana. E birunda, kundu mukiri mu kuzimu, muzuukage, munabande akabuuli. Kundu indara ikiri mu mùbwikira, haliko iri mu yerekana kwo hagaaba ulusiku luhyahya. Abafwiri bagalonga ukuzuuka bakola bagumaana.

Hisaaya 27:6

Mu siku ízigayija, abandu baani bagaaba nga bameziri imizi. Ee! Abahisiraheeri bagaashoga, banayase kwaꞌkaaso. Neꞌkyanya bagayera, ibitumbwe byabo bigakwira mu kihugo kyoshi.

Hisaaya 35:2

Yutwo twaso tugayasa ku bwingi, iri tunayimba ku busiime, noꞌkubanda akabuuli. Lirya ishamba ligaaba likoli limbiri ngana-ngana, ngeꞌmigazi yeꞌLebanooni, na ngoꞌmugazi Karimeeri, neꞌndekeera yeꞌSharooni. Haahago, lyaꞌbandu booshi bagaabona ubulangashane bwa Nahano, banabone kwo Rurema ali wa kahebuuza.

Hisaaya 44:3

E Bahisiraheeri, ikihugo kiinyu, kundu kikoli yumagusiri, haliko, ngakizi kinywisa, na ngishyose mweꞌnyiiji. Abandu beꞌkibusi kyawe, ngabayijuza mwoꞌmutima gwani. Na ngizi bagashaanira, halinde ku bashokuluza baabo.

Hisaaya 45:8

«Ngiisi íbikwaniini, niehe Nahano nie kabibumba. Kwokwo, e igulu! Umanulage ubuhimi, bukizi yija nga nvula. E kihugo! Ikyanya bugayija, ubuyakiire, halinde bunamere. Ee! Ubuhimi noꞌbukize bigamera kuguma. Kwokwo, lyo tulonga ukukizibwa.»

Hisaaya 57:18

Yago mabi go bâli kizi gira, keera nꞌgagabona. Kundu kwokwo, ngabakiza, na ngizi barongoora. Bwo bakola mu lira, ngakizi baholeeza,

Hisaaya 57:19

halinde banakizi nyivuga. «Ngiisi ábali hala, na ábali hoofi kwakundi, yabo booshi, ngakizi baheereza umutuula nirizina, na mbakize.» Kwokwo, kwo Nahano adesiri!

Yeremiya 3:22

Yohoo, e baana bahemu! Mungalukirage ngana, halinde nimùkoge.» Abandu banashuvya, ti: «We Rurema Nahamwitu. Ku yukwo, tukolaga tugakugalukira.

Yeremiya 32:41

Yukwo kugenduukirwa kwabo, kugakizi njambaaza. Ku kasiisa mu kino kihugo, ngashubi babyala mwo, halinde banagenduukirwe.»

Hosheya 6:3

«Emwe! Bwangaba bwija tulongage ukumenya Nahano nga ngiisi kwo ali. Ee! Tukizi gira umwete bweneene, halinde tumúmenye bwija. Na kwo kali kasiisa kwiꞌzuuba liri mu kizi huluka, kiri neꞌnvula iri mu bombeesa idaho ku mahona-nvula, kwo kanalyagagi kasiisa kwo agatushuvya.»

Mika 5:7

Yabo Bahisiraheeri ábasigiiri, bagayiji gingikwa mu mahanga. Bagagingikwa nga ndare mu nyamiishwa za mu lubako, na nga mwana weꞌndare úwayilala mu kiso kyeꞌbibuzi. Iyo ndare, iri mu yami bisimbira kwo, inakizi bijanganula-janganula, ndaanaye úwangabifuusa.

Mika 7:18

Aahago! Hayi ho twangashubi bona ugundi Rurema úkushushiri! Si wehe naaho, we gweti úgakoga ibyaha byaꞌbandu! Ee! Abandu baawe ábasigiiri, utagweti ugakizi loleekeza ibyaha byabo. Utanayamiri ugarakarira abandu baawe halinde imyaka neꞌmyakuula. Haliko, usiimiri ukuyerekana urukundo úlutâye male.

Mataayo 6:28

«Na kituma kiki muki gweti mugagerania ku byo mugayambala? Mulolere ku twaso twa mu kishuka, ngiisi kwo tuli mu kula. Si tutali mu himbuka, tutanali mu yihangira ibyambalwa.

Luka 12:27

«Mulolere ku twaso, ngiisi kwo tuli mu kula. Si tutali mu himbuka, tutanali mu yihangira ibyambalwa. Kundu kwokwo, namùbwiraga kwo kiri na mwami Sulumaani, kundu âli tuuziri mu bulangashane bwaꞌkahebuuza, haliko, atakayilimbiisa nga kaguma kaatwo!

Bahefeso 3:17

Kirisito akizi tuula mu mitima yinyu, iri munakizi múlangaalira. Na kwakundi, ngweti ngahuuna Rurema kwo akizi mùsikamya mu rukundo lwage.

Bukengeeze 32:2

Amigirizo gaani, muleke gafukumuke ku mbuto, nga nvula yoꞌmunjogi-njogi. Amagambo gaani, gashaabuke nga kimi ku kishuka.