Hosheya 14:4 - Kifuliiru

⁴ Abahasuriya boohe, batashobwiri ukutukiza. Tutanganaki langaalira ifwarasi ziꞌzibo. Kiri neꞌyo migisi yo tukayibaajira twenyene, tutagaki shubi gitabaaza, ti: “We Rurema witu!” Si imwawe naaho, yo munda ifuuvi iri mu bonerwa indengeerwa!»

Hosheya 14:4 ပူးပေါင်းရင်းမြစ်များ

Zaburi 10:14

Kundu kwokwo, ubwinagi ngiisi kwaꞌbandu bagweti bagalibuuka, iri banayingira mu makuba. Ngiisi lusiku uli mu ba ibiringiini ukubatabaala. E Rurema, umundu úli mwoꞌbukaholwe, we ayamiri alangaliiri. We na yamiri uli mu tabaala ifuuvi.

Zaburi 20:8

Bandu baguma, bakoli biisiri umulangaaliro ku magaare giꞌzibo. Abandi, bali mu gubiika ku fwarasi. Haliko twehe, tuli mu gubiika imwa Rurema Nahamwitu.

Zaburi 78:38

Kundu Rurema âli barakariiri, si akakizi yihangirira ku bute bwage, atanaki baminika. Ee! Âli bakejeriiri, anakizi bakoga ibyaha.

Kulyoka 15:26

Anadeta: «Niehe nie Nahano, Rurema winyu. Na ndi nie mu mùkiza. Kwokwo, iri mwangakizi yuvwiriza izu lyani ku bwitonde, ndagamùleetera ikiija, kundu nꞌgakireetera Abamiisiri. Ku yukwo, ikyanya ngakizi mùbwira igambo, mukwiriiri mukizi ndega amatwiri, munakizi gira íbikwaniini imbere lyani. Imaaja zaani, mukizi zisimbaha, nga ngiisi kwo nakyula.»

Hisaaya 12:1

Ku kyanya íkigayija, mugayimba, ti: «E Nahano, ngweti ngakuyivuga. Ee! Kundu wâli koli ndakariiri, haliko, ubute bwawe keera bwamala, unakola mu mboleeza.

Hisaaya 55:1

Ka mukoli nyotiirwi? Aaho! Muyiji nywa amagoloovi! Kundu mwangaba mutahiiti ifwaranga, muyiji gula idivaayi naꞌmata. Emwe! Ndaazo fwaranga zo mugatanga!

Hisaaya 57:18

Yago mabi go bâli kizi gira, keera nꞌgagabona. Kundu kwokwo, ngabakiza, na ngizi barongoora. Bwo bakola mu lira, ngakizi baholeeza,

Yeremiya 14:7

Abandu bakola mu yigaya, ti: «E Nahano, íbitumiri twagooka kwokuno, biri hiꞌgulu lyeꞌbyaha biitu. Mukuba, tukoli kuhubiiri, naꞌmahube giitu galuguusiri imbere lyawe. Kundu kwokwo, ugirage ututabaale we kongwa, halinde iziina lyawe likizi lumbuuka!

Yeremiya 17:14

E Nahano! Ungizagye, lyo ngira lwoshi-lwoshi. Unanguluule, lyo nguluulwa ngana-ngana. Si wehe, we ngweti ngayivuga!

Yeremiya 3:22

Yohoo, e baana bahemu! Mungalukirage ngana, halinde nimùkoge.» Abandu banashuvya, ti: «We Rurema Nahamwitu. Ku yukwo, tukolaga tugakugalukira.

Yeremiya 31:20

Nahano adetaga kwokuno: «Hifurahimu ye fula yani, ninamúkuuziri bweneene. Na kundu ngiri mu múkambira, haliko na njubi kizi múyidula. Umutima gwani, gumúshengukiiri ngana-ngana, na ndoziizi ukumúkejeerera.

Yeremiya 33:6

«Kundu kwokwo, kalya kaaya, nâye ki kakize. Abatuulaga baamwo, ngabalunga inguma zaabo. Kwokwo, banashubi genduukirwa, banakizi tuula mu mutuula.

Yeremiya 5:6

Kyo kitumiri indare mu kishuka zigakizi yiji bateera. Kiri neꞌmirunga ikolaga igakizi yiji basimbukira kwo. Ingwi zikoli bateziri ha nyuma lyaꞌkaaya. Ikyanya umundu ali mu gira mbu ahuluke, zinayami mújanganula. Na íbitumiri biryagagi kwokwo, bwaꞌBayuda bâli kizi yifunda mu byaha, banakizi huna imbere lya Nahano.

Yeremiya 8:22

E balya! Kituma kiki inguma zaꞌbandu baani zitazi kira? Mu kihugo kyeꞌGiryadi, ka mutalyagagi umuti gwoꞌkuzilunga? Ka ndaaye mufumu úki ba mwo?

Hezekyeri 33:14

«“Na kandi, nangora-mabi, iri nangamúbwira ku bweranyange, ti: ‘Ukufwa, ugaafwa!’ Hali ikyanya angatwikira ku byaha byage, anatondeere ukugira ibiija.

Hezekyeri 36:36

«Haaho, ibinyamahanga íbigasigala bimùzungulusiri, bigaamenya ku kasiisa, kwo nie Nahano, na kwo ndi mu yubakulula íbishubi sherebiiri. Na ndi mu byala imbuto mu kihugo íkyâli mali shaka. Kwokwo, kwo nie Nahano ndesiri, kwo nganagira.

Hosheya 11:7

Abandu baani keera bakahiga kwo banjande. Kundu bali mu kizi deta kwo nie riiri hiꞌgulu lya byoshi, haliko ndaaye úli mu mbeereza ulushaagwa mu kati koꞌkuli.

Hosheya 2:19

E Bahisiraheeri! Kundu halyagagi amaziina ga kwingi-kwingi geꞌmigisi ya Baali, gooshi ngagashaaza mu tunywa twinyu, halinde mutaki shubi gadeta.

Hosheya 6:1

Haaho mugaadeta kwokuno: «E maashi, mugirage tugalukire Nahano! Kundu akatujanganula-janganula, haliko ye ganashubi tukiza. Na kundu akatubeza zirya nguma, haliko ye ganashubi tulunga zo.

Sefaniya 3:17

Rurema Nahamwinyu, mutuliinwi. Ali kihagarusi! Aganamùhimira. Ee ma! Agakizi mùsiimira bweneene, muganakizi luhuuka mu kati koꞌrukundo lwage. Agakizi mùshambaalira ku nyimbo, mu kati koꞌmulengo.»

Muharuuro 25:11

«Kundu njubi rakariiri Abahisiraheeri, haliko keera nahooha, hiꞌgulu lya Finehaasi mugala Heryazaari, mwijukulu umugingi Harooni. Mu Bahisiraheeri booshi, ye fitiirwi, kwo ngizi ba nie gayikumbwa naaho. Kyanatuma ndaki bashereeza.»

Muharuuro 25:4

Nahano anabwira Musa kwokuno: «Abimangizi booshi baꞌBahisiraheeri, uyerekane ku bweranyange ngiisi kwo bagweti bagaagira, unabayitire imbere lyani. Kwokwo, lyoꞌburaakari bwani buhooha.»

Barumi 3:24

Kwokwo, na booshi bangakoli kwanana imbere lyage, ku njira yoꞌlukogo lwage. Ee! Yesu Kirisito ye mu tulyosa mu bushobozi bweꞌbyaha biitu.

Bahefeso 1:6

Na bwo Rurema akatubonera ulukogo lwaꞌkahebuuza mu kati ka Kirisito, Umwana wage mukundwa, kyo kitumiri tugweti tugamúhuuza.

2 Timoteyo 1:9

Rurema keera akatukiza, anatuhamagala kwo tube bandu baage beeru. Na íbitumiri agatukiza, kutali mbu bwo twakola bwija. Si bikulikiriini na ngiisi kwo âli mali gwanwa ashungika yenyene. Ikyanya ikihugo kitâli zaazi bumbwa, akalooza ukutubonera ulukogo ku njira ya Yesu Kirisito.

Tiito 3:4

Haliko, iri hakatama, Rurema Lukiza witu anayerekana ulukogo lwage mu kati koꞌrukundo,