Hosheya 13:6 - Kifuliiru

⁶ «Haliko, ikyanya nꞌgamùheereza ibyokulya, mwanayiguta. Haahago, mwanatondeeza ukuyikangaata, mwanayami nyibagira lwoshi-lwoshi.

Hosheya 13:6 ပူးပေါင်းရင်းမြစ်များ

Nehemiya 9:35

Yabo bashokuluza biitu, bâli tuuziri mu bwami bwabo, banakizi vwagarara mu byoshi byo ukabaheereza. Idaho, lyâli ki riiri mweꞌnagiira, neꞌkihugo kyabo kyanaba kiyajabusiri. Kundu kwokwo, batanakutwaza, banakizi yifunda mu bitali nga byo.

Zaburi 10:4

Agweti agayikangaata, iri anayitoneesa kwo Rurema ndaaye. Kyo kitumiri atali mu múlooza.

Migani 30:9

Mukuba, iri nangagala ukuhima ulugero, hali ikyanya ngakuyibagira, na ngizi deta: “Nahano ali nga nyandi?” Neꞌri nangakena, hali ikyanya nangazimba, na ngengeere nagayiriza iziina lya Rurema wani.

Hisaaya 17:10

E Bahisiraheeri, keera mukahinduliraga Rurema ingoto, anali ye gweti úgamùkiza. Mutaki kengiiri kwo Rurema yiꞌbuye lyo mwâli bishamiri mwo. Si muli mu gendi leeta imbuto nyiija mu binyamahanga, munayiji zibyala.

Yeremiya 5:7

Nahano adetaga kwokuno: «E batuulaga beꞌYerusaleemu, kituma kikagi nangaki mùkejeerera? Si kiri naꞌbaana biinyu keera bakanjanda! Banakola mu kizi biika indahiro kwiꞌziina lyeꞌmigisi, itanakwiriiri ukuyikumbwa. Kundu nâli kizi mùheereza ngiisi íbyâli kizi mùgoora, halikago mwanakizi yifunda mu bushule. Mwanâli kizi shiiba mu nyumba zaꞌbashule.

Hezekyeri 23:35

«Buno, nie Rurema Nahamwinyu nadetaga kwokuno: Keera ukambeereza ingoto, wanayami nyibagira. Wanakizi lungumirwa mu busambani bwawe. Kyo kitumiri ukola mu hanirizibwa.»

Hezekyeri 28:5

Mbu na ku njira yoꞌkumenya ukudandaza, ukayilugiza ubugale bwawe. Ehee! Si bwobwo bugale, bwo butumiri ukola mu yikangaata bweneene!

Hosheya 10:1

Abahisiraheeri bâli riiri nga muzabibu mwija, úgwali kizi joojeka bweneene. Halikago, ikyanya bakalonga ibindu bingi, banatondeera ukukizi yubaka ututanda twa kundi-kundi. Na ngiisi kweꞌkihugo kyabo kyâli kizi genderera ukugala, banakizi limbiisa inguliro zaabo ndaluule zoꞌkuyikumbira kwo.

Hosheya 12:8

Abahisiraheeri basiimiragi ukukizi tebana. Bagweti bagakizi koleesa ibigero byoꞌkugungana.

Hosheya 2:13

Kundu aki gweti agayishambaaza mu siku ngulu, halikago ngazitwikiza zooshi. Kuli kudeta isiku ngulu za ngiisi mwaka, na zeꞌmbaluko yoꞌmwezi, na zeꞌSabaato.

Hosheya 2:7

Nyina alyagagi mukazi kokobola ku bushule. Inda zaabo, ukuziheeka kuli mu múteeza ishoni. Si akadeta: “Ngatibitira naaho áhali abashosi bo nguuziri, na mbayiguze, gira bambeereze ibyokulya, na byo ngakizi nywa. Bambeereze kiri naꞌmavuta geꞌmizehituuni, neꞌdivaayi, kiri neꞌmirondo mihange mu bwoya na mu kitaani.”

Hosheya 4:6

Na íbitumiri abandu baani bakoli gweti bagashereezibwa, bwo babuziri ubumenyi. E bagingi! Bwo mulahiiri ukummenya, naani ngalahira kwo mutakiri bandu baani. Na bwo mutaki twaziizi imaaja za Rurema winyu, naani ndagaki twaza abaana biinyu.

Hosheya 4:7

«Balya bagingi, ikyanya bagweti bagayushuuka, ibyaha byabo nabyo, iri binayushuuka. Kwokwo, ngahindula ulushaagwa lwabo, zibe shoni.

Hosheya 5:14

«Niehe ngateera beene Hifurahimu naꞌBayuda, nga ndare. Ngaaba nga ndare mbamu, inalyagagi ndangi. Ngabajanganula-janganula, na mbatwale ngiisi ho ndoziizi. Ndaanaye úgayiji bafuusa.»

Hosheya 7:14

«Kundu bagweti bagandirira, halikago kuli mu ba naaho ku bulyalya. Si bagweti bagayibulaga-bulaga ku ngingo zaabo. Banali mu yikera-kera, mu kuhuuna imizimu yeꞌmahanga kwo balonge ingano neꞌdivaayi. Banaki genderiiri ukundahira.

Hosheya 8:14

«Abahisiraheeri, keera bakayibagira Umulemi wabo, banayiyubakira inyumba nyiija-nyiija za kahebuuza. Abayuda nabo, keera bakayiyubakira inzitiro ngomu mu twaya twabo. Kundu kwokwo, tulya twaya, ngatujigiivya twoshi, kuguma noꞌbutibitiro bwabo.»

Hosheya 8:4

«Yabo bandu, si bâli kizi yiyimikira abaami, buzira kumbanuusa! Banatoolaga naꞌbatwali, buzira kummenyeesa. Bagweti bagakizi tula imigisi mu harija, na mu nooro, kyo kitumiri bagashereezibwa.

Bukengeeze 32:18

«E Bahisiraheeri, si keera mukagayiriza Lwala, anali ye kamùbuta. Mukayibagira Rurema, anali ye tumiri muli bagumaana.