Hosheya 13:14 - Kifuliiru

¹⁴ Yabo bandu, ka ngwiriiri nyiji bakiza mu shinda? Ka mbakize na Narufu? Nanga, maashi! E Narufu! Uleetage ikiija! Na naawe, e Nakuzimu! Uyiji bashereeza! Ee! Ndagaki babonera kandi ulukogo!»

Hosheya 13:14 ပူးပေါင်းရင်းမြစ်များ

Hayubu 33:24

anabe amúyuvwitiiri indengeerwa, anamúbwire, ti: “Mugire mumúkize, ataki shubi yingira mu kuzimu. Mukuba, keera nabona ubulyo bwoꞌkumúguluula mwo.”

Hayubu 41:22

«Ibunda lyakyo, liri mu bwikirwa naꞌmagamba makomu-makomu. Ikyanya liri mu kululwa mu bidaka, liri mu ba nga lyabihinga.

Zaburi 16:10

Bwo ndi mutaluule wawe, utagandekera i kuzimu, utagayemeera kwaꞌmagala gaani gabolere yo.

Zaburi 30:3

E Rurema, Nahamwitu, ikyanya nꞌgakutabaaza hiꞌgulu lyaꞌmalwazi, wanayami ngiza.

Zaburi 49:15

Balyagagi nga bibuzi íbiri mu sholerwa, halinde mu shinda. Narufu ye mungere wabo. Iri bugaakya, ábasimbahiri Rurema bagaaba bo bakulu baabo. Si yabo bahwija, bagaaba bakolaga hala neꞌnyumba zaabo mbamu. Naꞌmagala gaabo, ganayame gaboliiri naaho i kuzimu.

Zaburi 49:16

Haliko niehe, Rurema agangiza mu shinda, na njubi ba mugumaana. Ku kasiisa, yenyene agandyosa mwo.

Zaburi 71:20

Kundu ukanyingiza mu makuba mingi-mingi, haliko, ugaki shubi nvyula, na njubi ba mugumaana. Ee ma! Ikyanya nâli kola bu fwa, wanashubi nyinamula.

Zaburi 86:13

Mukuba unguuziri bweneene. Keera wanangiza mu maboko ga Nakuzimu.

Hisaaya 25:8

Ee! Nahano Rurema agaamala ulufu, halinde imyakuula. Na kundu abandu booshi bakiri mu lira ku migenge, haliko iyo migenge, agagihotola ku malanga gaabo. Na kundu bakateezibwa ishoni mu kihugo, haliko yizo shoni, zigaamala. Kwokwo, kwo Nahano adesiri.

Hisaaya 26:19

Abandu baawe, kundu bakoli fwiri, haliko bagashubi zuuka, banabe bagumaana. E birunda, kundu mukiri mu kuzimu, muzuukage, munabande akabuuli. Kundu indara ikiri mu mùbwikira, haliko iri mu yerekana kwo hagaaba ulusiku luhyahya. Abafwiri bagalonga ukuzuuka bakola bagumaana.

Yeremiya 15:6

Si keera mukanjanda, mwanambindulira ingoto! Buno, ngoli luhiri noꞌkukizi mùyigenderera. Na ngolaga ngamùhana. Kwokwo kwo Nahano adesiri.

Yeremiya 20:16

Ulya mundu, abaagage ngoꞌtwaya two Nahano akashereeza, buzira kutukejeerera. Ku ngiisi mukyo, akizi yuvwa akashiba. Na ngiisi kalenge-renge, akizi yuvwa ulujongo lweꞌkiteero.

Yeremiya 31:35

Rurema, iziina lyage ye Nahano woꞌbushobozi bwoshi! Ye mu yasa izuuba ku bukiiri. Ye nali mu yasa umwezi neꞌndonde bushigi. Ali mu kizi yehuula imidunda, inakizi yipukula ku ngombe yeꞌnyaaja.

Hezekyeri 37:9

Ha nyuma, Nahano anashubi mbwira kwokuno: «E mwana woꞌmundu, utange ubuleevi ku mbuusi yoꞌmubangami, unagibwire kwo Rurema Nahamwitu adeta kwokuno: “E mbuusi! Ushaagage mu mbande zooshi, unayiji fuuhira yaba abafwiri umuuka, halinde balonge ukushubi ba bagumaana.”»

Hosheya 6:2

«Ha nyuma lyeꞌsiku zibiri, agatuvyula tushubi ba bagumaana. Neꞌri bwangakya, agashubi tugira ngiisi kwo twâli riiri, gira tulonge ukuramba imbere lyage.

Hosheya 7:10

Bwo bagweti bagayikangaata bweneene, bakola bagaalegwa. Kundu kwokwo, batagweti bagangalukira. Batanagweti bagaagira, mbu banjakule.

Malaki 3:6

E beene Yakobo! Niehe nie Nahano! Ndanali mu hinduka. Kyo kitumiri ndakamùminika lwoshi-lwoshi.»

Muharuuro 23:19

Rurema atali nga mundu, mbu abeeshe. Atanali nga mundu mbu ayishuhize. Ngiisi byo agweti agaadeta, ali mu bigira. Na ngiisi byo ali mu lagaania, ali mu bikola.

Barumi 11:15

Abayahudi, bwo bakalahirwa, kyo kitumiri mwe bandu beꞌgindi milala mukanywaniisibwa na Rurema. Aahago! Mango Abayahudi nabo bashubi yemeerwa, ka batagaaba nga balyosiri mu bafwiri?

Barumi 11:29

Neꞌri Rurema angaba keera ahamagala abandu, anabaheereze ibigabi, atangaki bayihindulira.

2 Bakorindo 5:4

Si ikyanya tuki ryagagi mu gano magala, tukiri mu zidoherwa, tunali mu gongeera. Kutali kudeta kwo tuloziizi ukushaaga mu magala giitu, mbu tufwe. Si ibyo tuloziizi, kwo tuyambikwe amagala ga mwiꞌgulu. Ee! Tuloziizi kwo gano magala ga kufwa, gamirwe na íbigayama biri bigumaana!

Bafiripi 3:21

anahindule amagala giitu. Kundu gakiri mu bukaholwe, haliko gagaki ba noꞌbulangashane nga geꞌmwage. Mukuba, ye hiitagi ubushobozi, bunali bwo atwaziri mweꞌbindu byoshi.

1 Batesaloniki 4:14

Twehe, tuyemiiri kwo Yesu akafwa, anazuuka. Kwokwo, ikyanya abandu bali mu fwa mu kati kaage, tuyemiiri kwo nabo, Rurema âye bazuule, banagendi tuulanwa na Yesu.

Yakobo 1:17

Ngiisi kindu kiija kyo tuli mu longa, kinabe kitungiini, kyohe kiri mu lyoka mwiꞌgulu imwa Rurema. Yehe, ali Yishe weꞌmirengeerwe, atanali mu hinda-hinda nga bimbehwa.

Bwigule 20:13

Ngiisi ábakafwira mu nyaaja, zikabayulubula. Narufu na Nakuzimu nabo, banatanga bo bâli gweti. Ngiisi mundu anatwirwa ulubaaja ukukulikirana neꞌmikolezi yage.

Bwigule 21:4

Imigenge yoshi, kundu igakereka mu masu gaabo, agagihotola. Hatagaki ba ulufu, kandi iri ikigandaaro, kandi iri amalira, kandi iri ubulyanirwe. Mukuba, ibya keera byoshi, bigaaba keera byalenga.»

Bwigule 6:8

Nanalangiiza, nanabona ifwarasi yeꞌkivuuzo! Na úwâli gishoniri kwo, iziina lyage ye Narufu. Âli kulikiirwi na Nakuzimu. Yabo bombi, banahaabwa ubushobozi bwoꞌkuyita ikihande kiguma kya kana kyaꞌbandu booshi ba mu kihugo, kuba ku njira yeꞌngooti, kandi iri ku mwena, kandi iri ku kiija, kandi iri ku nyamiishwa.

1 Samweri 15:29

«Rurema ayamiri ho imyaka neꞌmyakuula, atanali mu tebana. Ngiisi byo ashungisiri, atali mu biyishuhiza kwo. Yehe, atali nga mundu, mbu akizi hinduka-hinduka ku nzaliro zaage.»