Hosheya 13:1 - Kifuliiru

¹ Yaho keera, ikyanya Hifurahimu âli kizi deta, abaabo booshi bâli kizi múyoboha, iri banajuguma. Mukuba, yabo ye wâli kuliiri abaabo. Halikago, ikyanya bakatondeera ukuyikumba umuzimu Baali, lyo bakayiji yikululira ulufu.

Hosheya 13:1 ပူးပေါင်းရင်းမြစ်များ

Ndondeko 2:17

Si ibitumbwe byeꞌkiti kyoꞌkumenyeesa amiija naꞌmabi, utakolwagwa kwo wabilya. Ulusiku lwo ugabilya kwo, ku kasiisa ugaafwa.»

1 Baami 12:25

Ha nyuma, mwami Yerobwamu anashubi yubakulula akaaya keꞌShekemu mu migazi ya Hifurahimu, halinde kanaba kakomu, anagendi katuula mwo. Ha nyuma kandi, anashaaga ho, anagendi yubaka akaaya keꞌPenweri.

Hayubu 29:21

«Ikyanya nâli kizi hanuula abandu, banakizi bwatala shee, mu kulindirira amahano gaani.

Hayubu 29:22

Neꞌri nꞌgayusa ukubahanuula, batâli ki hiiti byo bagayushuula. Amagambo gaani, bâli kizi gayuvwiriza bwija.

Migani 18:12

Ngiisi úli mu yikangaata, akola agashereezibwa. Si abatuudu, boohe, bali mu longa ulushaagwa.

Hisaaya 66:2

Yibyo byoshi, ka ndali nienyene nie kabibumba? Ee! Birya byoshi, biri byeꞌmwani.» Nahano adetaga na kwokuno: «Umundu úli mu nzimiisa naaho, ali ulya mutuudu, anabe anzimbahiri. Ikyanya ndi mu múbwira igambo, anayami lishishikala kwo.

Hisaaya 7:8

Si akaaya kahamu keꞌHaraamu iri i Damasiki. Noꞌmukulu weꞌDamasiki ali mwami Resini naaho. Na kwakundi, akaaya kahamu keꞌHifurahimu iri i Samariya. Noꞌmukulu weꞌSamariya ali Peka, mugala Remalya naaho. Ha nyuma lyeꞌmyaka makumi galindatu niꞌtaanu, kirya kihugo kyeꞌHisiraheeri, kigaaba kyashahulwa lwoshi-lwoshi. E Ahaazi, umbiike kwoꞌmulangaaliro. Buzira kwokwo, mugaahimwa!”»

Hosheya 11:2

«Haliko, ikyanya nâli genderiiri ukumúhamagala, anakizi nyisunga hala. Anakizi hoza imizimu ya Baali, iri anayokera imigisi yayo umubadu.

Hosheya 2:10

«Uyo mukazi atayijagi kwo nie wâli kizi múheereza byoshi byo âli hiiti, ngeꞌngano, neꞌdivaayi mbyahya, naꞌmavuta. Nie wâli kizi múheereza kiri neꞌharija, neꞌnooro. Kundu kwokwo, birya byoshi, âli kizi bitangira umuzimu Baali.

Hosheya 2:8

«Ku yukwo, uyo mukazi, ngola ngazitira injira zaage neꞌmishuugi. Ngamúsokanania uluzitiro, halinde ataki bone ho agalenga.

Hosheya 8:4

«Yabo bandu, si bâli kizi yiyimikira abaami, buzira kumbanuusa! Banatoolaga naꞌbatwali, buzira kummenyeesa. Bagweti bagakizi tula imigisi mu harija, na mu nooro, kyo kitumiri bagashereezibwa.

Muharuuro 10:22

Ibiso bya beene Hifurahimu, byanakulikira, bali mwiꞌdako liꞌrembera lyabo. Herishama mugala Hamihudi, ye wâli barongwiri.

Muharuuro 13:16

Yabo bo bakulu baꞌBahisiraheeri, Musa akatuma, kwo bagendi gahiriza ikihugo kyeꞌKaanani. (Hosheya mugala Nuuni, Musa akamúyinika iziina lya Yoshwa.)

Luka 14:11

Ee! Umundu, iri angayikuza, agabiikwa haashi. Haliko, iri angayibiika haashi, lyoki lyo agakuzibwa.»

Barumi 5:12

Ibyaha bikayingiraga mu kihugo ku njira ya Hadamu. Neꞌkyanya bikaba bikola mwo, byanakileeta mwoꞌlufu. Kwokwo, kwoꞌlufu lukakwira mu bandu booshi, bwo booshi bâli kizi gira ibyaha.

2 Bakorindo 5:14

Urukundo lwa Kirisito, lwo lugweti lugaturongoora. Mukuba, tuyemiiri kwo Kirisito akafwira abandu booshi. Na buno, booshi bakoli fwiri mu kati kaage.

Yoshwa 3:7

Nahano anabwira Yoshwa, ti: «Zeene, lyo ngatondeera ukukukuza imbere lyaꞌBahisiraheeri booshi. Banamenye kwo tuyamiinwi, nga kwokulya nâli kizi ba na Musa.

Batwi beꞌmaaja 12:1

Ha nyuma, beene Hifurahimu banakuumana, banajabuka ulwiji Yorodaani, banahika i Safooni, banayiji bwira Yefuta: «Ikyanya ukagendi lwisa Abahamooni, kituma kikagi utakatutumira? Buno, tukola tugakuyokera mu nyumba yawe.»

Batwi beꞌmaaja 8:1

Ha nyuma, beene Hifurahimu banalongooza Gidyoni, ti: «Maki gano watugirira? Kituma kiki wagendi lwisa Abamidyani, utanatutumira?» Kwokwo, banamúrakarira bweneene.

1 Samweri 15:17

Samweri anamúshuvya kwokuno: «Kundu wâli kizi salira kwo we toohiri, haliko we kola mu rongoora imilala yaꞌBahisiraheeri. Nahano keera akakushiiga amavuta, mu kukuyimika ube mwami wabo.