Hosheya 12:8 - Kifuliiru

⁸ Abahisiraheeri basiimiragi ukukizi tebana. Bagweti bagakizi koleesa ibigero byoꞌkugungana.

Hosheya 12:8 ပူးပေါင်းရင်းမြစ်များ

Zaburi 49:6

Niehe, kundu nangahikirwa neꞌsiku mbi, na banangora-mabi banabe bagweti baganzokanana, haliko ndâye yobohe.

Zaburi 52:7

Ku kasiisa, Rurema agakunyanyaga haashi, utanâye yinamuke. Agakulyosa mu kaaya kaawe, anakulashe imbuga. Agakushikula mu bagumaana, unagendi beera mu bafwiri.

Zaburi 62:10

Si abandi booshi, balyagagi nga muuka naaho! Abatwali naꞌbagunda, booshi bali busha ngana. Nga booshi bangaleziibwi ku lugero, umuuka gwo muzito.

Migani 11:1

Ikyanya abandu bali mu koleesa ibigero byoꞌkugungana, bali mu yagaza Nahano. Si ibigero byoꞌkuli byohe, biri mu músimiisa.

Migani 30:12

«Bali mu yibona boonyene kwo bali beeru, kiziga batali zaazi yeruusibwa ikikwi.

Migani 30:20

Imikolezi yoꞌmukazi mushule yo yeyi: Ikyanya ali mu yusa ukulya, ali mu yihotola ku kanwa, anadete: «Ndaabwo buhube nakola.»

Yeremiya 2:23

«Kutagi mwangadeta, mbu: “Twehe tutali mu yikumba Baali. Ku yukwo, ndaakyo ikyaha tuhiiti.” Mutee genda mu ndekeera, lyo mubona ibyaha byo mwâli kizi girira mwo. Mulyagagi ngiꞌbuguma lyeꞌngamiya, írigweti ligahura-hura.

Yeremiya 2:35

mugweti mugayihaya, ti: “Twehe, ndaabwo buhube tuhiiti! Nahano atangaki turakarira.” Si mwabeeshaga mu kudeta, mbu: “Twehe, ndaakyo kyaha tuhiiti!” Kwokwo, ngamùhaniiriza ngana-ngana!

Yeremiya 5:27

Inyumba zaabo ziyijwiri ibibeesha, nga kitiri íkiyijwiri utunyuni útwagwatwa. Yabo babi, keera bakagala ngana-ngana, banakola banamisi bweneene.

Hezekyeri 28:5

Mbu na ku njira yoꞌkumenya ukudandaza, ukayilugiza ubugale bwawe. Ehee! Si bwobwo bugale, bwo butumiri ukola mu yikangaata bweneene!

Hosheya 13:6

«Haliko, ikyanya nꞌgamùheereza ibyokulya, mwanayiguta. Haahago, mwanatondeeza ukuyikangaata, mwanayami nyibagira lwoshi-lwoshi.

Hosheya 14:1

Abatuulaga beꞌSamariya bakahuba, banayiyogookola Rurema wabo, kyanatuma bagaahanwa. Bagayitwa ku ngooti. Naꞌbaana baabo, bagahondwa-hondwa. Na bamaawe ábakoli hiiti inda, bagabunduulwa amabunda.

Hosheya 4:8

Ikyanya abandu baani bali mu tanga amatuulo goꞌkukogwa ibyaha byabo, abagingi banabuli longa byo bagaalya. Kyo kinatumiri baloziizi kwaꞌbandu bingi bakizi yifunda mu byaha.

Hamoosi 8:5

Munagweti mugaadeta mbu: «Ulusiku lukulu lweꞌmbaluko yoꞌmwezi, lulengage duba, kuguma noꞌlusiku lweꞌSabaato, lyo tukizi shubi guliisa ingano, iri tunagunga abakeni! Tugakizi gungana ku bigero. Neꞌkishingo, tugakishonia. Ee! Ukulooza noꞌkutalooza, tugakizi gungana!

Habakuki 1:16

Yizo njenga zaabo, bagweti bagaziyikumba, iri banazitumuulira umubadu. Banadete: «Ee ma! Yizi njenga, ziri mu tugaza, tunakola mu zilongera mweꞌbyokulya bingi.»

Zakariya 11:5

Ábali mu kizi bigula bali mu bitongeera, buzira kubona kwo bagira buligo. Na ábali mu kizi biguliisa nabo, bali mu deta: “Kongwa imwa Nahano! Buno, keera twagalaga!” Kiri naꞌbangere baabyo boonyene, ndaayo ndengeerwa babiyuvwitiiri.

Malaki 2:17

Amagambo giinyu mazira kamaro, gagweti gagaluhya Nahano bweneene! Na niinyu, ti: «Kutagi twamúluhya?» Si mugweti mugamúluhya mu kudeta kwokuno: «Umundu, kundu angaba akoli bihuusiri, haliko imwa Nahano, akiri mwija, na Nahano aki múkuuziri.» Munashubi deta na kwokuno: «Ulya Rurema woꞌkuli, alyagagi hayi?»

Malaki 3:13

Nahano adetaga kwokuno: «Si keera mwanduka bweneene! Na niinyu, ti: “Kutagi kwo tukakutuka?”

Luka 10:29

Ulya mundu, analooza ukuyigira nga ye kwaniini imbere lya Rurema, kyanatuma agashubi buuza Yesu, ti: «Aahago! Uyo mutuulani wani, ali nyandi?»

Luka 12:19

Haaho, lyo ngayidesa mu mutima gwani: Aa! Ukoli yisinguliiri akanyamwala keꞌbindu biija! Bigakuhisa ku myaka mingi. Aaho! Uvwagarare! Ukizi lya, noꞌkunywa, iri unashambaala.”

Luka 16:13

«Ndaaye mukozi úshobwiri ukukolera banahamwabo babiri! Iri angakunda nahamwabo muguma, anakizi yitanga imwage, iri agashomba uwabo, noꞌkukizi múgayiriza. Bitaziziri kwo mukizi kolera Rurema, mbu munashubi kizi kolera neꞌfwaranga!»

Luka 16:15

Yesu anababwira: «Mwehe, mugweti mugayigira imbere lyaꞌbandu nga mwe mukwaniini. Kundu kwokwo, Rurema ayiji-yiji íbiri mu mitima yinyu. Ee! Ngiisi byaꞌbandu bali mu huuza, byebyo byo Rurema ali mu negura!»

Bukengeeze 8:17

«Kwokwo, mutakolwe kwo mwayidesa, ti: “Si tukayigaza ku misi yitu twenyene!”

1 Timoteyo 6:17

Iri abandu bangaba bali bagale mu kino kihugo, ubabwire kwo batakizi yikangaata. Ibindu byabo bitabaagage byo bagakizi biika kwoꞌmulangaaliro. Mukuba, ibya mu kino kihugo, biri bya kulenga naaho. Ku yukwo, ubabwire kwo bakizi biika umulangaaliro gwabo imwa Rurema. Mukuba, ye mu tuvwangulira ibindu byoshi, gira tukizi bishambaala mwo.

1 Timoteyo 6:5

Anali mu haliiza abaabo. Abandu mwene yabo, inzaliro zaabo zikoli sherebiiri, banakoli yabiirwi noꞌkuli. Batoniri kwo mu bya Rurema mwo bagalongera ubugale.

Bwigule 3:17

«Mwehe mugweti mugayihaya kwo mukola bagale. Mbu keera mwanayilundira akanyabungaka keꞌbindu. Mbu ndaakyo kindu íkiki mùgooziri. Mutayijagi kwo muli banakahuku! Munali tufwa-busha. Munakekeriiri. Munali mbumi. Munali bukondwe.