Hosheya 12:7 - Kifuliiru

⁷ Kwokwo buno, mugalukirage Rurema winyu! Munakizi múyegamira. Mukizi kundana, iri munakizi gira íbikwaniini.

Hosheya 12:7 ပူးပေါင်းရင်းမြစ်များ

Ndondeko 49:18

«E Nahano, ndangaliiri kwo we gangiza.

Migani 11:1

Ikyanya abandu bali mu koleesa ibigero byoꞌkugungana, bali mu yagaza Nahano. Si ibigero byoꞌkuli byohe, biri mu músimiisa.

Migani 16:11

Nahano aloziizi ibigero íbikwaniini. Amabuye miija goꞌkugera mwo, gooshi, gali geꞌmwage.

Hisaaya 3:5

Abandu bagakizi libuzania, halinde ngiisi mundu anakizi hagana noꞌmutuulani wage. Imisore, igakizi shundeeza abashaaja, noꞌtufwa-busha, tugakizi shundeeza abanalushaagwa.

Hisaaya 56:1

Nahano adetaga kwokuno: «Ngola bu mùguluula. Ku yukwo, mukizi twa ulubaaja ku njira íkwaniini, munabe mutungiini. Kwokwo, lyo mubona kwo naani ndi mu gira íbikwaniini.

Hezekyeri 16:3

Unashubi babwira kwo nie Rurema Nahamwinyu nadeta kwokuno: Ikihugo kiinyu kyeꞌnvuukira, iziina lyakyo Kaanani. Yisho, âli riiri Muhamoori. Na nyoko, âli riiri Muhiti-kazi.

Hezekyeri 22:29

Kiri naꞌbagunda bagweti bagakizi gungana, iri banazimbana. Bagweti bagakizi nyukula ibya bakeni ábatashobwiri. Banagweti bagagunga kiri neꞌbinyamahanga, buzira kuyiyubaara.

Hezekyeri 28:5

Mbu na ku njira yoꞌkumenya ukudandaza, ukayilugiza ubugale bwawe. Ehee! Si bwobwo bugale, bwo butumiri ukola mu yikangaata bweneene!

Hosheya 14:2

E Bahisiraheeri! Si birya byaha biinyu byo bitumiri mukatindimazibwa! Aaho! Mugalukirage Rurema Nahamwinyu!

Yuheeri 2:12

Nahano adetaga kwokuno: «Bwo muki hiiti ikyanya, mungalukirage ku mutima gwinyu gwoshi. Si kikola kyanya kyoꞌkuyishalisa, na kyoꞌkulira, na kyoꞌkujengeerwa.

Hamoosi 2:7

Babwinagi kwaꞌbakeni bali nga lukungu naaho, banagweti bagakizi balibata-libata kwo. Balya bakeni, ikyanya bali mu ba imbere lyaꞌbatwi beꞌmaaja, bali mu bayima ukuli kwabo. Lolaga ibala! Umwana na yishe, bagweti bagashangiira umukazi muguma. Kwokwo, kwo bagweti bagatukiisa iziina lyani, na ndi nie Mutaluule.

Hamoosi 3:9

Ino ndumwa, ugimenyeese mu batuuziri mu butwali bweꞌHashidoodi, na mu bweꞌMiisiri: «Mukuumanage ku migazi ízungulusiri i Samariya, gira muyibonere ngiisi kwaꞌbandu bali mu kamburugu kingi, na ngiisi kwo bagweti bagalibuzania.»

Hamoosi 4:1

E bakazi beꞌSamariya! Munyuvwirize bwija! Si mujeziri ngana nga ngaavu zeꞌBashaani! Munagweti mugakizi vindagaza ábagoozirwi, kiri naꞌbakeni. Mugweti mugakizi bwira bayibalo: «Mutuleterage idivaayi, tunywe!»

Hamoosi 5:11

Ikyanya abandu bakeniri, muli mu shubi balibata-libata. Si ikyanya muli mu batangiisa ingano ku kahaati, lyo muli mu bazimba. Kundu mukakizi yubaka inyumba nyiija zaꞌmabuye mabaaje, mutâye zituule mwo! Na kundu muli mu limiisa indalo zeꞌmizabibu miija, ikyanya bâye gikande mweꞌdivaayi, mutâye ginywe kwo.

Mika 2:1

Yayewe imwinyu, mwe mugwejiiri ku ngingo, iri munashungika kwo mugaakola ibitalaalwe. Yibyo bitalaalwe, bwo muhiitagi ubulyo bwoꞌkubigira, muli mu zinduka ku mutwezi, gira mugendi bikoleesa.

Mika 7:2

Yabo booshi ábâli simbahiri Rurema, batakiri ho. Mu kihugo kyoshi, mutakiri mundu mwija. Si abandu booshi bakola mu yitana. Banagweti bagakizi tegana umubashu.

Zakariya 14:21

Ngiisi nyungu íziri mu Yerusaleemu na mu kihugo kyeꞌBuyuda kyoshi, zigaaba zikoli talwirwi imwa Nahano woꞌbushobozi bwoshi. Ngiisi ábagayiji tanga amatuulo goꞌkusiriiza, bagakizi zikoleesa mu kudeeka inyama. Yulwo lusiku, mango lwahika, abadandaza batagaki labuka mu nyumba ya Nahano woꞌbushobozi bwoshi.

Zakariya 5:8

Ulya muganda, ti: «Uyu mukazi, guli mugani gweꞌbitalaalwe!» Kwokwo, anashubi mútunda mu kitiri, anakitumbikira.

Malaki 3:5

Nahano woꞌbushobozi bwoshi, adetaga kwokuno: «Ha nyuma, ngayiji mùhana. Ngayami yiji lega abanamaleere, naꞌbashule, naꞌbanabinyoma, na ábagweti bagagunga imbembo yaꞌbakozi, na ábali mu kizi libuza banamufwiri neꞌfuuvi, na ábali mu nyima ibinyamahanga ukuli kwabyo, na ngiisi ábatali mu ndwaza.

Yohana 2:16

Kiri na ábâli gweti bagadandaliza mwaꞌmahumba, Yesu anababwira: «Shaazi yaga mahumba yaha! Mutakolwe kwo mwaki gira inyumba ya Daata kabe kaguliro!»

Yakobo 5:4

Yuvwagwi ngiisi kwaꞌbakozi biinyu bagweti bagayamiza! Keera bakakola mu ndalo ziinyu, mutanabahemba. Neꞌkyanya bali mu mùyimbulira imimbu, nabo ukuyamiza kwabo keera kwayuvwikana mu matwiri ga Nahano woꞌbushobozi bwoshi!

1 Samweri 12:3

Na buno nyimaaziri imbere liinyu. Iri hangaba hali igambo libi lyo nꞌgamùgirira, mutangage ubumasi imbere lya Nahano, neꞌmbere lyoꞌyu mwami úwatoolwa. Ka hangaboneka umundu ye nꞌganyaga ishuuli yage, kandi iri punda wage? Ka hali umundu ye nꞌgalyalyania, kandi iri ye nâli kizi libuza? Ka hali umundu úkandulira, mbu lyo ndatwaze ubuligo bwo ali mu gira? Mu kati ka yibi byoshi, mumbwirage, halinde ngalule ngiisi byo nꞌgamùyabiira.»