Hosheya 12:2 - Kifuliiru

² Emwe! Yabo beene Hifurahimu, bali mu shiiba bagweti bagalandiriza imbuusi ukulyoka isheere. Bagweti bagakizi deteereza ibinyoma, iri banayitana. Banagweti baganywana ikihango naꞌBahasuriya. Banagweti bagalungika amavuta geꞌmizehituuni i Miisiri, lyo balonga yoꞌbutabaazi.

Hosheya 12:2 ပူးပေါင်းရင်းမြစ်များ

2 Baami 17:4

Haliko ha nyuma, Hosheya anagira igambi libi, mu kutabaaza mwami So weꞌMiisiri. Kwokwo, atanakizi ki rambulira imwa mwami weꞌHasuriya. Ulya Shalimanezeeri, iri akabona kwokwo, anashweka Hosheya utubangira, anamúlasha mu nyumba yeꞌmbohe.

Hayubu 15:2

«Umwitegeereza atangaravwanga kwoku, buzira kuyisaliza. Si ugweti ugaadeta naaho amagambo goꞌbusha-busha!

Zaburi 78:36

Si bâli kizi gira mbu bamúlyeryege. Ee! Bâli kizi beesha imbere lyage.

Mwigiriza 5:15

Yibi nabyo, biri mu tuvuniisa umutima. Ngiisi kwaꞌbandu bakayija, kwo na kwokwo bali mu galuka. Aaho! Bali mu ba balongaga bunguke buki? Bagweti bagakizi shaha ikyuya naaho, nga mundu woꞌkulooza ukugwata imbuusi.

Hisaaya 10:12

Mwami weꞌHasuriya agweti agayikangaata, kinatume akola mu gira yaga mabi mingi. Kwokwo, ikyanya Nahano agaaba keera ayusa ukuhana umugazi Sayuni, yaho i Yerusaleemu, uyo mwami waꞌBahasuriya naye, lyo Nahano agamúhana.

Hisaaya 10:6

Balya bandu beꞌHasuriya, nie mu batuma, kwo bagendi teera abandu baani! Mukuba, balya bandu baani, keera bambindulira ingoto. Na bwo bakandakarira bweneene, ngahanguulaga Abahasuriya kwo bagendi bateera, banabashahule ibindu. Bagabahinyata-hinyata, nga kwo bali mu hinyata ibidaka mu njira.

Hisaaya 24:21

Ku lwolwo lusiku, Nahano agahaniiriza abatwali ba mwiꞌgulu, anahaniirize kiri naꞌbaami ba mu kihugo.

Hisaaya 3:11

Halikago banangora-mabi, boohe, yayewe imwabo! Bagaahanwa, ukukulikirana naꞌmabi gooshi go bâli kizi kola.

Hisaaya 30:6

Ku biloziri inyamiishwa za mwiꞌshamba lyeꞌkisaka, Rurema adetaga kwokuno: «Abandu baani bali mu genda bahesiizi bapunda neꞌngamiya akanyamwala keꞌbindu, banaberuuze mu namuhirye wiꞌshamba, anali mwaꞌmagoorwa ga kwingi-kwingi, naꞌmakuba. Muli ifiizi zeꞌndare, naꞌmabuguma gaazo. Muli neꞌmijoka yaꞌmanjoka-njoka, neꞌbindi bihuume byeꞌmijoka. Bali mu gendi tengula Abamiisiri, mbu lyo babatabaala. Kundu kwokwo, balya Bamiisiri, ndaabyo bagabahanyira.

Hisaaya 59:18

Mu kugira kwokwo, lyo agaahana abagoma baage, nga kwo bibakwaniini, kiri na ábatuuziri i mahanga. Ee! Ngiisi ábamúshombiri, agabarakarira.

Yeremiya 25:31

Izu lyage, abandu baꞌmahanga gooshi bagaliyuvwa. Mukuba agakizi twa imaaja zaꞌbandu beꞌmilala yoshi. Agabwiririra abandu booshi ngiisi kwo bahubiri. Na banangora-mabi booshi, agabayita ku ngooti!”» Kwokwo, kwo Nahano adesiri.

Hosheya 2:13

Kundu aki gweti agayishambaaza mu siku ngulu, halikago ngazitwikiza zooshi. Kuli kudeta isiku ngulu za ngiisi mwaka, na zeꞌmbaluko yoꞌmwezi, na zeꞌSabaato.

Hosheya 4:1

E Bahisiraheeri! Muyuvwirizagye ngiisi kwo Nahano agweti agaadeta. Si agweti agamùlega kwokuno: «Emwe! Mutali bemeera, mutanali mu kundana, ndaanaye úki kengiiri kwo nie Rurema ndi ho.

Hosheya 4:9

«Yabo bagingi, ngiisi byo bali mu gira, byo naꞌbandi bandu nabo bakola mu kizi gira. Kwokwo, bwo booshi bagweti bagayifunda mu byaha, ngabahaniiriza.

Hosheya 7:1

Nahano anashubi deta kwokuno: «Ku kyanya ndi mu looza ukukiza Abahisiraheeri, ibyaha bya beene Hifurahimu binabe byo bigashubi boneka. Kiri naꞌmabi gaꞌBasamariya, nago ganayulubuke. Mukuba, bali banabibeesha. Abazimba bagweti bagatula inyumba. Kiri neꞌmbuga, abanyazi bagweti baganyagaza abandu.

Hosheya 7:11

«Beene Hifurahimu balyagagi nga ngunde íri mu hendwa duba-duba. Bali mu tee tabaaza abandu beꞌMiisiri. Ha nyuma, banabuli gendi tabaaza abeꞌHasuriya.

Hosheya 7:2

Yabo bandu batayiji kwo ngweti ngabalangiiza. Si ibyaha byabo, bikoli bazungulusiri. Ee ma! Ngiisi byo bagweti bagaagira, ngoli bibwinagi.»

Hosheya 8:10

Na kundu bakahaana indengu mu bandu baꞌmahanga mingi-mingi, si ngolaga ngabakuumania, gira bakozibwe ngana. Ikyanya umwami mukulu agakizi balibuza, bagakizi kandamirwa mwiꞌdako lyage.

Hosheya 8:13

Abahisiraheeri basiimiri naaho ukubaaga amatuulo geꞌbitugwa, gira lyo bakizi lya inyama. Haliko, imwani yago matuulo gaabo galyagagi ga busha. Bwo bâli gweti bagakizi yifunda mu mabi bweneene, ngakizi gakengeera, na mbahanirize, mu kushubi bagalulira i Miisiri.

Hosheya 8:9

Ikyanya bakagendi tabaaza Abahasuriya, banaba nga punda úgweti úgayangaara. Si keera bakatangira ibindi bihugo ibindu, mbu lyo babalanga.

Hosheya 9:15

Nahano adetaga kwokuno: «Bakatondeerera ukugira amabi i Girigaali. Haaho, ho nꞌganatondeerera ukubashomba. Na bwo baki gweti bagakizi gira amabi, ngabayimula booshi mu kihugo kyabo. Bwaꞌbimangizi baabo bakoli huniri booshi, ndagaaba ngi bakuuziri.

Hosheya 9:9

Mwehe, mugweti mugavwebeeba mu mabi, nga kwaꞌbandu beꞌGibeya bâli kizi gira kare. Yago mabi giinyu, Rurema agakengiiri, aganamùhana hiꞌgulu lyago.

Hamoosi 2:4

Nahano adetaga kwokuno: «Abayuda, bagweti bagayifunda mu byaha. Aahago! Ukubahana, ngola ngabahana ngana-ngana! Si bâli kizi jajaaka imaaja zaani, batanakizi kulikira imigeeza yazo. Ngiisi kwo bashokuluza baabo bâli kizi yikumba imizimu yeꞌbibeesha, kwo nabo keera yabahabura.

Mika 6:2

E malambo! Muyuvwagwe ngiisi kwo Nahano agalegana. Na niinyu mweꞌndaliro zeꞌkihugo, muyuvwirize kwakundi. Nahano agweti ulubaaja naꞌbandu baage. Agweti agabuulania Abahisiraheeri.

Mataayo 16:27

«Umwana woꞌMundu âye yije mu bulangashane bwa Yishe, ali kuguma naꞌbaganda baage, anahembe ngiisi mundu, ukukulikirana na íbyâli kizi kola.

Barumi 2:6

«Aganahemba ngiisi mundu ukukulikirana na ngiisi byo âli kizi kola.»

Bagalatiya 6:7

Mutakizi yiteba, mbu mwangahenduula Rurema! Ngiisi byoꞌmundu ali mu byala, byo na byebyo byo ali mu yimbula.