Hosheya 12:1 - Kifuliiru

¹ Beene Hifurahimu keera bambetuza ikinyoma. Abahisiraheeri, si bagweti bagandyalyania. Abayuda nabo, batatwaziizi Rurema, kundu alyagagi Mutaluule, anali mwemeera.

Hosheya 12:1 ပူးပေါင်းရင်းမြစ်များ

Ndondeko 41:6

Ha nyuma, anashubi bona igindi mihuli irinda, ífumiri. Iyo mihuli, imbuusi ngayu yanahuusa mwiꞌshamba, uluhande lweꞌsheere, yanayumaguka.

2 Baami 15:19

Kwokwo, mwami Puuli weꞌHasuriya anateeraga ikihugo kyeꞌHisiraheeri, kyanatuma uyo Menahemu agamúheereza ibilo bihumbi makumi gashatu byeꞌharija, gira amútabaale. Mukuba, Menahemu âli loziizi ukusikamya ubwami bwage.

2 Kutondobola 21:11

Uyo Yoramu akalingaania imbeero zeꞌmizimu ku marango geꞌBuyuda. Iyo mizimu, yanahabura Abayuda, halinde banakizi vujuuka mu bitali nga byo.

Hayubu 15:2

«Umwitegeereza atangaravwanga kwoku, buzira kuyisaliza. Si ugweti ugaadeta naaho amagambo goꞌbusha-busha!

Zaburi 78:36

Si bâli kizi gira mbu bamúlyeryege. Ee! Bâli kizi beesha imbere lyage.

Yeremiya 2:36

«Kutagi muli mu hindula-hindula imitono? Aahago! Kiri naꞌBamiisiri bagamùteeza ishoni, nga kwaꞌBahasuriya keera bakamùteeza zo.

Yeremiya 22:22

Abimangizi biinyu booshi, imbuusi igabahuusa kwo, inabashaaze. Kiri naꞌbiira biinyu, bagatwalwa imbohe. Galya mabi gooshi go mwâli kizi kola, gagamùteeza ishoni.

Yeremiya 7:15

Ngamùyimula mu masu gaani, nga kwo nꞌgayimula balya beene winyu, beene Hifurahimu.»

Kimombo 5:6

Keera tukayibiikaga mu maboko gaꞌBamiisiri naꞌBahasuriya, lyo tulonga byo tugaalya.

Hezekyeri 17:10

Yugwo mulandira, kundu gwangashubi byalwa, haliko gutagaki kula! Si uluhande lweꞌsheere, lugahulukaga imbuusi ngayu, inaguyumye, haahalya mu luvu lwo gukakulira mwo.”»

Hosheya 11:9

Aahago! Buno, ndagaki mùfuka kwoꞌburaakari bwani, ndaganaki mùshereeza. Si nie Rurema, ndali mundu wa kufwa naaho. Niehe, ndi Mutaluule mu kati kiinyu, ndaganamùyijira mu buraakari.

Hosheya 4:15

«E Bahisiraheeri, kundu keera mwayifundaga mu bushule, haliko Abayuda batakwaniini ukubuyifunda mwo! Nanga, maashi! Mutakolwe kwo mwagenda i Girigaali, mutanazamuukire i Beeti-Haweni. Mutanakolwe kwo mwabiika indahiro yeꞌbibeesha, mbu: “Kwiꞌziina lya Nahano úyamiri ho!”»

Hosheya 4:19

Ku yukwo, imbuusi ngayu yaꞌkasuululu igayami bayehuula. Na yago matuulo go bagweti bagatangira imigisi, gagabateeza ishoni.

Hosheya 5:13

«Beene Hifurahimu naꞌBayuda, ikyanya bakabona ngiisi kwo balwaziri, banagendi tabaaza mwami mukulu weꞌHasuriya. Halikago, uyo Mwami atanahasha ukubabuka, atanabakiza.

Hosheya 7:1

Nahano anashubi deta kwokuno: «Ku kyanya ndi mu looza ukukiza Abahisiraheeri, ibyaha bya beene Hifurahimu binabe byo bigashubi boneka. Kiri naꞌmabi gaꞌBasamariya, nago ganayulubuke. Mukuba, bali banabibeesha. Abazimba bagweti bagatula inyumba. Kiri neꞌmbuga, abanyazi bagweti baganyagaza abandu.

Hosheya 7:11

«Beene Hifurahimu balyagagi nga ngunde íri mu hendwa duba-duba. Bali mu tee tabaaza abandu beꞌMiisiri. Ha nyuma, banabuli gendi tabaaza abeꞌHasuriya.

Hosheya 8:7

«Yabo bandu, bakabyala imbuusi. Si mu kuyimbula, bagakizi yimbula ikihuhuuta! Imbuto zeꞌngano, kundu zigweti zigakizi mera mu ndalo, halikago, ndaayo mihuli igakizi bitongeka kwo. Na kundu yangatongesiri kweꞌmbuto, si ibinyamahanga byo bigakizi zirya.