Hosheya 11:6 - Kifuliiru

⁶ «Ingooti zikolaga zigalavya-lavya mu twaya twabo. Abagoma banakizi yifunda mu miryango yabo. Mwomwo, mweꞌshungi zaabo mbi zigahekera.

Hosheya 11:6 ပူးပေါင်းရင်းမြစ်များ

Zaburi 106:39

Bâli kizi yiyulubaza mu kukizi gira ibihigo. Neꞌkyanya bâli kizi kunda imigisi, kwanaba nga kukizi gira ubushule imbere lya Rurema.

Zaburi 106:43

Balya bandu, kundu Nahano âli kizi bakiza, halikago, banagenderera naaho ukukizi huna. Kyanatuma ubuzinda, banashereera mu byaha byabo.

Hisaaya 18:5

Ikyanya mutazi tondeera ukuteerana, ikyanya ishungi ziinyu zikiri mu yera nga mizabibu, haaho, lyo Nahano agayiji mùhahuulira noꞌmugushu. Agamùtwisa nga milandalira yeꞌmizabibu, anamùshaaze yaho, halinde mutwalwe hala.

Hisaaya 27:10

Tulya twaya twaꞌBahisiraheeri, kundu twâli tuzitire leero tugasigala biguuka. Tuganajandwa ngana, halinde tunabe ngiꞌshamba. Ingaavu naaho, zo zigakizi vyagira mwo, zinakizi liisa ibyasi bya mu matavi.

Hisaaya 30:1

Nahano adetaga kwokuno: «E baana baani, yayewe imwinyu, si mulyagagi bahuni! Munali mu yilundira ibyaha ku bindi bingi. Muyamiri muli mu shungika ibyeꞌmwinyu, kundu bitanzimisiizi. Muli mu nywana ikihango neꞌbinyamahanga, buzira kutee hanuusa Umutima gwani.

Hisaaya 9:14

Lirya itwe, bo bashaaja naꞌbanalushaagwa. Noꞌmukira, bo baleevi, kwo bagweti bagabeesha.

Yeremiya 5:17

Balya bagoma, ngiisi byo muli mu yimbula, bo bagakizi birya. Bagakizi lya ibibuzi biinyu, neꞌngaavu ziinyu. Bagakizi lya neꞌmizabibu yinyu, neꞌmitiini. Bagakizi lya kiri na bagala biinyu, na banyere biinyu. Utwaya twinyu tuzitire, muli mu tuyegamira. Kundu kwokwo, yabo bagoma bagatushereeza ngana.»

Yeremiya 50:35

Nahano ashubi detaga kwokuno: «Balya Bababeeri bayitwe ku ngooti, kuguma naꞌbakulu baabo, naꞌbanabwenge baabo!

Kimombo 2:9

Imiryango yaꞌkaaya, keera ikayihongoleka haashi. Akayami vungula-vungula ibyuma byoꞌkugihamika. Abaami baako, kuguma naꞌbaluzi, keera bakatwalwa hala mu mahanga, bagendi ba baja. Neꞌmaaja zaage zitakiri mu kola. Kiri naꞌbaleevi baage, batakiri mu bona amabone ga Nahano.

Hosheya 10:14

Ku yukwo, mukola mugateerwa naꞌkashiba kiꞌzibo. Inzitiro ziinyu zooshi, zigayami hongolwa, nga kwo mwami Salimani akashereeza Beeti-Haribeeri. Kiri na bamaawe, bakanyanyagwa haashi, banafwa kuguma naꞌbaana baabo.

Hosheya 10:6

Yugwo mugisi gukola gugatwalwa mu kihugo kyeꞌHasuriya, gunahaabwe mwami mukulu weꞌyo munda, libe ituulo lyage. Yugwo mugisi, beene Hifurahimu bâli kizi gubiika kwoꞌmulangaaliro, kyo kitumiri bagateezibwa ishoni.

Hosheya 4:16

Mukuba, yabo Bahisiraheeri bakola mindagabika, nga ngaavu yeꞌnjuuke. Aaho! Kutagi kandi kwo Nahano angaki baragira, nga bibuzi mu ndaraara yoꞌmuyonga?

Hosheya 4:17

Si balya beene Hifurahimu, imigisi keera ikabashika! Kwokwo, ngabaleka ngana, bakizi gira nga kwo baloziizi.

Balaawi 26:25

Na ku bwenge mugaaba muhongwiri ikihango kyani, ngamùtibulira mwiꞌzibo. Na kundu mwangagira mbu mugendi yibisha mu twaya, haliko ngamùmwagulira mweꞌkiija, gira mumale, munabiikwe mu maboko gaꞌbagoma biinyu.

Balaawi 26:31

«Utwaya twinyu tuhamu, ngatujigiivya. Na ho mugweti mugayikumbira imigisi, ngahahindula libe ishamba. Na kundu mugakizi ndangira amatuulo goꞌkusiriiza, imishiiriri yago itaganzimiisa.

Balaawi 26:33

Ngamùshabulira mu mahanga. Na nyiji mùminika ku ngooti. Utwaya twinyu, tugahongolwa, halinde ikihugo kiinyu, kinasigale kimaata.

Hamoosi 6:8

Rurema Nahamwitu ashiikiza kwokuno: «Nga kwo nyamiragi nie Rurema, yuku kuyikangaata kwaꞌBahisiraheeri, keera kwanyaagaza ngana-ngana! Inyumba zaabo, kundu ziryagagi ngomu, si keera zannenuuka. Ku yukwo, yaka kaaya keꞌSamariya, ngakabiika mu maboko gaꞌbagoma, banakashereeze kuguma na íbikali mwo byoshi.»

Mika 5:11

Ngashereeza ibiheeko biinyu byoshi, halinde mutagaki ba noꞌmundu woꞌkumùlagula.

Bukengeeze 28:52

«Kundu Nahano, Rurema winyu agamùheereza ikihugo, haliko bagayiji mùteera, banasokanane utwaya twinyu twoshi. Na kundu mulangaliiri inzitiro ziinyu ngomu, kwo zikizi mùsiikira, haliko bagamùlwisa, banazigwise.

Bukengeeze 32:25

Abaana baabo, bagayitirwa mu mitalimbwa. Booshi mu nyumba, bagahuumirwa, banahole. Imisore, imitabana neꞌminyere, igahuumirwa, kuguma naꞌbaana ábakiri mu yonga, kiri naꞌbashaaja.