Hosheya 10:3 - Kifuliiru

³ Ha nyuma, bagayiji deta, ti: «Íbitumiri tutahiiti mwami, bwo tutâli simbahiri Nahano. Na kundu uyo mwami angabiiri ho, bikagi byo angatugiriiri?»

Hosheya 10:3 ပူးပေါင်းရင်းမြစ်များ

Ndondeko 49:10

Abayuda bayamiragi bali neꞌngoni yeꞌkyami. Itaganalyoka mu magulu ga mwami wabo, halinde ukuhisa ku kyanya ulya úgikwaniini agaahika. Yehe, ibinyamahanga byoshi bigakizi músimbaha.

2 Baami 15:13

Ikyanya mwami Hazariya akahisa imyaka makumi gashatu na mwenda atwaziri i Buyuda, mu kihugo kyeꞌHisiraheeri banayimika Salumu mugala Yabeeshi. Uyo Salumu, anahisa umwezi muguma, atwaziri i Samariya.

Zaburi 118:9

Ee! Buli bwija ukutibitira Nahano, ho twangalangaalira abatwali beꞌkihugo.

Zaburi 12:4

Bagweti bagakizi yikangaata, iri banahenderezania. Banali mu deta: «Tugakizi beesha ngana, halinde lyo tuhima. Nyandagi úwangaki tuhangirira? Tukizi deta naaho ngiisi kwo tuloziizi.» E Nahano, balya booshi, ubagire bahulike, shee!

Hisaaya 5:19

Si bakola mu naakira Rurema kwokuno: «E Nahano, uvwarukage! Ngiisi byo ukatulagaania, ubigirage, gira tubiyibonere. Bwo uli Mutaluule waꞌBahisiraheeri, ukwizagye ishungi zaawe, gira nyiitu tuzimenye.»

Hosheya 10:15

«E bandu beꞌBeteeri, maashi! Si mukoli bihuusiri. Kwokwo, niinyu mugaminikwa ngana! Mango ulusiku lwoꞌkutwibwa kweꞌmaaja lwahika, lyo mwami waꞌBahisiraheeri naye agayami yitwa.»

Hosheya 10:7

Abasamariya kuguma na mwami wabo bagatwibwa, banatwalwe nga hiti íhiri mu yehuulwa ku nyaaja.

Hosheya 11:5

«Abahisiraheeri kundu bâli bandu baani, si bakalahira ukungalukira. Kyo kitumiri mwami weꞌMiisiri ye gashubi ba mwami wabo. Baganakizi kolera na mwami weꞌHasuriya.

Hosheya 13:10

Aahago! Mwami winyu ali hayi? Lekagi, abe ye gayiji mùkiza! Mu kihugo kiinyu, abatwali biinyu bali hayi? Si mwenyene mukambuuna bo, ti: “Utuheerezagye mwami kuguma naꞌbatwali biitu.

Hosheya 13:11

Kyanatuma ngamùheereza mwami, haliko kukaba ku buraakari bwani. Uyo mwami, ku bwobwo buraakari, nanashubi yiji múlyosa.”

Hosheya 3:4

Kwokwo, kwaꞌBahisiraheeri bagaramba isiku nyingi, buzira mwami, na buzira batwali. Kiri ukutanga amatuulo kugaaba ndaakikwo. Kwakundi, indundo zaꞌmabuye, naꞌbagingi, neꞌmigisi, neꞌbikolanwa byoꞌkukizi hanuusa Rurema, bigaaba ndaakibyo.

Mika 4:9

Aahago! Kituma kikagi mugweti mugabanda akashiba? Ka mutaki hiiti mwami? Ka keera mwateera abitegeereza? Si mukoli lyaniirwi, nga mukazi úkoli gweti úgaliibwa noꞌmukero!

Yohana 19:15

Lyeryo, yabo booshi banayitulikania, mu kuyamiza, ti: «Umúzimiize! Umúzimiize! Umúyitire ku kibambo!» Pilaato anababuuza: «Ka nimúyitire ku kibambo, anali mwami winyu?» Abakulu baꞌbagingi banamúshuvya: «Ndaaye gundi mwami ye tugweti, átali Kahisaari naaho!»

1 Samweri 12:25

«Haliko, iri mwangahaasa-haasa ukugira amabi, mwe na mwami winyu, mugayami minikwa.»