Hosheya 10:10 - Kifuliiru

¹⁰ Ikyanya ngola ibiringiini, naani ngamùteera. Ngakuumania ibinyamahanga, gira bimùlwise, binamùgire baja. Mukuba, ibyaha biinyu, keera byaluguuka.

Hosheya 10:10 ပူးပေါင်းရင်းမြစ်များ

1 Baami 12:28

Ulya Yerobwamu, ikyanya akahanuusania, anatuliisa imigisi yeꞌnyana zibiri mu nooro, anabwira abandu: «E Bahisiraheeri, nabona kwo keera mwagagara ukukizi zamuukira-zamuukira i Yerusaleemu. Aaho! Imigisi yinyu, iyi! Ye kamùshaaza mu kihugo kyeꞌMiisiri.»

Hayubu 39:10

Iyo mbogo, utangagishweka, gira ikizi kuhingira indalo. Itangakizi kulula ifuka yoꞌkuhinga.

Hisaaya 1:24

Ku yukwo, Nahano akyula kwokuno: «Buno, mukola bagoma baani. Kwokwo, ngola ngamùrakarira, iri ninamùyihoola! Si nie Rurema woꞌbushobozi bwoshi! Na ndi kikalage waꞌBahisiraheeri.

Yeremiya 15:6

Si keera mukanjanda, mwanambindulira ingoto! Buno, ngoli luhiri noꞌkukizi mùyigenderera. Na ngolaga ngamùhana. Kwokwo kwo Nahano adesiri.

Yeremiya 16:16

Nahano ashubi detaga kwokuno: «Lolagi! Yabo Bayuda, keera nalungika abadubi bingi, gira bayiji baloba. Nganaki lungika kiri naꞌbahiivi bingi, bayiji bahiiva ku marango geꞌmigazi, na ku tugangazi, kiri na mu nyaala.

Yeremiya 21:4

Nahano Rurema waꞌBahisiraheeri adetaga kwokuno: «Uyo mwami weꞌBabeeri, kundu mwangamúlwisagya, haliko, ibilwaniiso biinyu, ndaabyo bigaagira. Si yabo Bababeeri bakoli sokaniini inzitiro zaꞌkaaya keꞌYerusaleemu, banakola bagakayifunda mwo.

Hezekyeri 16:37

«Yehee! Yabo bakundwa baawe booshi, uba uki bakuuziragi, kandi iri nanga, ngabakuumania. Kwokwo, mango booshi bakuumana, na nguhogolage imirondo, unayimange imbere lyabo uli busha.

Hezekyeri 16:42

Kwokwo, ubute bwani hiꞌgulu lyawe, noꞌluugi binamale, halinde na mboleere, ndaganaki shubi gwatwa noꞌbute.

Hezekyeri 23:46

«Ku yukwo, nie Rurema Nahamwinyu nadetaga kwokuno: Mukuumanie utupere-pere, tuyiji teera abandu beꞌSamariya naꞌbeꞌYerusaleemu. Babateere ikyoba, banabashahule ibindu.

Hezekyeri 23:9

«Ku yukwo, bwo âli kizi lungumirwa naꞌbakundwa baage beꞌHasuriya, naani nanayami bahebera ye.

Hezekyeri 5:13

«Haaho, lyoꞌbute bwani bugahooha, bunamale. Mukuba umutima gwani gugaaba keera gwaholeera. Abandu banamenye kwo nie Nahano, na kwo ndi mu hana ku buraakari bwani.

Hosheya 10:9

«E Bahisiraheeri, ukulyokera ku kyanya mwâli ki riiri i Gibeya, muyamiri mugweti mugayifunda mu byaha. Kiri na buno, muki biyifuuziri mwo. Si balya banangora-mabi beꞌGibeya bakaminikwa!

Hosheya 4:19

Ku yukwo, imbuusi ngayu yaꞌkasuululu igayami bayehuula. Na yago matuulo go bagweti bagatangira imigisi, gagabateeza ishoni.

Hosheya 4:9

«Yabo bagingi, ngiisi byo bali mu gira, byo naꞌbandi bandu nabo bakola mu kizi gira. Kwokwo, bwo booshi bagweti bagayifunda mu byaha, ngabahaniiriza.

Hosheya 8:1

«BwaꞌBahisiraheeri bakahongolaga ikihango kyani, batanatwaziizi imaaja zaani, abagoma bagayiji bayihwika kwo nga nyunda, mu kubateera, wa vwi! Kwokwo, mugirage mudihirize ibibuga, mu kubakengula!

Hosheya 8:10

Na kundu bakahaana indengu mu bandu baꞌmahanga mingi-mingi, si ngolaga ngabakuumania, gira bakozibwe ngana. Ikyanya umwami mukulu agakizi balibuza, bagakizi kandamirwa mwiꞌdako lyage.

Mataayo 22:7

«Ulya mwami, mbu abonage kwokwo, anashavura bweneene, anayami tuma abasirikaani baage, bagendi minika balya biitani, banajigiivye naꞌkaaya kaabo.

Bukengeeze 28:63

«Yaho kare, Nahano âli siimiri ukumùgashaanira noꞌkumùluza. Haliko buno, agasiima ukumùzimiiza, halinde mutaki be ho. Na kundu akamùheereza ikihugo, haliko agaki mùkuusa mwo.