Hizira 9:6 - Kifuliiru

⁶ nanamúyinginga, kwokuno: «E Rurema wani, keera nagwatwa neꞌshoni, nanateteerwa bweneene. Ndaloziizi kiri noꞌkukuyinamulira amasu. Si amahube giitu gakoli luguusiri ukutambuka amatwe giitu. Amabi giitu, keera gakuhikira yaho mwiꞌgulu.

Hizira 9:6 ပူးပေါင်းရင်းမြစ်များ

Ndondeko 13:13

Neꞌyo munda i Soodoma, abandu baayo bâli riiri banangora-mabi, banâli koli bihuusiri bweneene imbere lya Nahano.

1 Baami 8:47

«Iyo munda i mahanga, hali ikyanya abandu baawe bangayitoneesa boonyene, banatwikire ku byaha byabo, banakuyinginge, ti: “Yayewe! Keera twayifunda mu byaha. Twanahabuka, twanagira ibitalaalwe.”

2 Kutondobola 28:9

Ikyanya abasirikaani baꞌBahisiraheeri bâli kola bu yingira i Samariya, banagwana umuleevi wa Nahano, iziina lyage ye Hodedi, anababwira kwokuno: «Nahano Rurema wa bashokuluza biinyu, keera akarakarira abandu beꞌBuyuda. Kyo kitumiri akababiika mu maboko giinyu. Haliko, mwehe mwaleeza ulugero, mu kubayita-yita buzira lukogo. Buno, ábatuuziri mwiꞌgulu, babona buligo.

Hizira 9:13

«E Rurema witu, buno kandi tukola mu hanwa, bwo tukoli bihuusiri, keera twanayikululira umwama. Kundu kwokwo, tutali mu hanwa ukukulikirana naꞌmahube giitu. Mukuba, twe baguma, ukatuleka tukiri ho.

Hizira 9:15

«E Nahano Rurema waꞌBahisiraheeri, wehe we úkwaniini. Si twehe, nanga! Si tukola banamahube imbere lyawe. Tunakoli sigiiri bandu bagerwa naaho. Hiꞌgulu lyaꞌmahube giitu, ndaaye muguma witu úwangayimanga imbere lyawe.»

Nehemiya 1:6

Aaho! Undege amatwiri, uyuvwe ngiisi kwo ngweti ngahuunira abakozi baawe, Abahisiraheeri. Ndyagagi mukozi wawe. Na buno, ndi mu kutakira úbwakya-úbwayira. «E Nahamwitu, nayaga maashi kwo tukakuhubira. Twe na bashokuluza biitu, twâli kizi yifunda mu byaha.

Hayubu 40:4

«Si ndi mundu ngana! Aaho! Kuti kwo ngakushuvya? Kwoku, ngola ngaaziba akanwa noꞌkuboko.

Hayubu 42:6

Ku yukwo, ngiisi byo nꞌgadeta, buno ngweti ngabidetuula. Ngabwatala haashi mu luvu, na mu munyota-kiiko, mu kuyerekana kwo yago magambo, keera nagatwikira kwo.»

Zaburi 38:4

Ee! Bwo nagira ikyaha, ukoli ndakariiri, kinatume amagala gaani gatakiri magumaana. Kiri naꞌmavuha gaani gatakiri mwoꞌmutuula.

Zaburi 38:5

Ikyaha kyani kigweti kigambwikira, kinanzidohiiri nga muteekerwa muzito.

Kulyoka 32:31

Kwokwo, Musa anagalukira imunda Nahano, anamúbwira: «Yoho wee! Balya bandu, keera bagira ikyaha bweneene mu kuyitulira imigisi mu nooro.

Hisaaya 1:18

Nahano adetaga kwokuno: «Muyije, tuganuulire kuguma. Ibyaha biinyu, kundu byangabiiri bidukwiri, ngabiyeruusa, bibe byeru nga lugungu. Na kundu byangadukumbusiri nga muko, ngabiyeruusa, binabe pepeepe, ngiꞌpamba.

Hisaaya 59:12

E Nahano, twâli kizi kola amabi imbere lyawe. Ibyaha biitu biyerekiini kwo twahuba, binagweti bigatulega. Yibyo byoshi, tubiyiji-yiji ku bweranyange.

Yeremiya 3:3

Kyo kitumiri keera nahangika invula. Si invula ya mahona-nvula itakiri mu nia! Kundu kwokwo, mukiri mu gokomoza ngoꞌmushule. Ndaanazo shoni mugweti, kiri neꞌhiniini!

Yeremiya 31:19

E Nahano! Twâli mali habuka, twanayijamburiisa, iri tunayiteeza ishoni. Ee! Ku kyanya twâli ki riiri baanuke, tukavujuuka mu bitali nga byo. Halikago ha nyuma, twanatumburukwa, twanayemeera kwo tuli banabyaha. Na buno, tukolaga mu gerania, iri tunakugalukira.”»

Yeremiya 51:9

Ibinyamahanga byanashuvya: «Tukagira mbu tukize i Babeeri, haliko shoobe! Muleke, tuyigendere, ngiisi muguma mu kihugo kyabo. Si Abababeeri, ibihano byabo bikoli luziri bweneene, binahisiri mu kibungu!»

Yeremiya 6:15

Ibitalaalwe byo bali mu gira, ka bikabateera ishoni? Aahabi! Kiri noꞌkuyiyubaara, ndaakwo! Ku yukwo, ikyanya ngaahana abandi, nabo ngabahanira kuguma. Balya booshi baganyanyagwa haashi.» Kwokwo, kwo Nahano adesiri!

Yeremiya 8:12

Ikyanya bali mu gira ibitalaalwe, ka biri mu bateera ishoni? Aahabi! Si boohe, ndaazo shoni bahiiti, kiri neꞌhiniini. Kiri noꞌkuteteerwa ndaakwo! Ikyanya ngaahana abandi, nabo ngabanyanyaga haashi. Ee! Bagaagwa mu yeyo nguuke.» Kwokwo, kwo Nahano adesiri!

Kimombo 3:42

«E Nahano, tukakuyihindulira ngana-ngana, twanakizi huba imbere lyawe. Yago gooshi, uki gakengiiri.

Hezekyeri 16:63

Ngamùkoga amabi gooshi go mwâli kizi gira. Neꞌkyanya mugakizi gakengeera, munagwatwe neꞌshoni bweneene, munateteerwe. Mutaganaki shubi fyodoka ukudeta irindi igambo.» Kwokwo, kwo Rurema Nahamwitu adesiri.

Balaawi 26:40

«Hali ikyanya abandu baani bagayiji yilega ibyaha byabo, kiri neꞌbya bashokuluza baabo. Banayemeerage kwo bakambubira bweneene, na kwo bâli kizi haasa-haasa imbere lyani.

Luka 15:21

Uyo mwana, anabwira yishe: “E daata, nꞌgahubira Rurema, na naawe kwakundi! Ndanaki kwiriiri ukudetwa kwo ndi mugala wawe.”

Luka 18:13

«Ulya mubuguza, yehe anayisunga hala. Atanalooza kiri noꞌkuyinamula amasu hiꞌgulu. Si anayinama mu kati keꞌshoni, anahahala bweneene hiꞌgulu lyeꞌmikolezi yage mibi, anadeta: “E Rurema maashi, ndyagagi munabyaha! Ungejeerere, we kongwa!”»

Barumi 6:21

Aahago! Bunguke buki bwo mwâli kizi longa mu kuyifunda mu byaha? Si ndaabwo! Biri mu ba naaho bya kuleetera abandu ulufu! Na buno, birya byaha byo mwâli kizi gira, bikola mu mùteeza ishoni!

Bwigule 18:5

Mukuba, ibyaha byako, keera byayilunda-lunda halinde ukuhika mwiꞌgulu. Halinde buno, Rurema aki bikengiiri.