Hizira 7:21 - Kifuliiru

²¹ «Kwokwo, mulyagagi balaazi beꞌbihinda iyo munda uluhande lweꞌmuga lwoꞌlwiji Hefuraati. Ngiisi byo Hizira agamùhuuna, niehe, mwami Serikisi, namùhanguula, kwo mumúheereze byo. Mukuba, ali mwigiriza weꞌmaaja za Rurema úli mwiꞌgulu.

Hizira 7:21 ပူးပေါင်းရင်းမြစ်များ

Hizira 4:16

«E waliha, tuloziizi ukukukengula kwokuno: Akaaya keꞌYerusaleemu, iri kangayubakululwa, neꞌnzitiro zaako zinashakuululwe, umenye-menye kwo utâye ki be mutwali uluhande lweꞌmuga lwoꞌlwiji Hefuraati.»

Hizira 4:20

Yaho keera mu yako kaaya, mwâli riiri ibikalage byaꞌbatwali. Bo bâli twaziri ikihugo íkiri uluhande lweꞌmuga lwoꞌlwiji Hefuraati. Abandu bâli kizi batangira ikitoolo, noꞌmurambu, neꞌbindu byoꞌkubajabusa imbibi.

Hizira 6:6

Kwokwo, Dariyo anatuma indumwa imunda Tatenayi, guvuruneeri weꞌkihugo kyeꞌmuga yoꞌlwiji Hefuraati, neꞌmwa Shetari-Bozinayi, neꞌmwaꞌbaabo bimangizi, kwokuno:

Hizira 7:1

Ha nyuma, ikyanya mwami Serikisi weꞌPerisiya âli ki riiri ku butwali, Hizira anashaaga i Babeeri. Uyo Hizira, âli mugala Seraya. Seraya naye, âli mugala Hazariya. Hazariya naye, âli mugala Hirikiya.

Hizira 7:22

Ee ma! Bamúhikize kiri itooni zishatu neꞌkitolo zeꞌharija, neꞌngano tooni ikumi, neꞌdivaayi litiri bihumbi bina, naꞌmavuta izindi litiri bihumbi bina, noꞌmuunyu nga kwo baloziizi.

Hizira 7:6

Uyo Hizira, âli riiri mwigiriza. Neꞌmaaja za Musa, zo Nahano Rurema akaheereza Abahisiraheeri, âli ziyiji bweneene. Ikyanya akalyoka i Babeeri, mu kuyija i Yerusaleemu, Nahano bâli yamiinwi. Kyanatuma, ngiisi byo akahuuna mwami, agamúheereza byo.

Hizira 8:36

Ha nyuma, yago magambo go mwami akyula kwo, banagamenyeesa abambali ba mwami, kuguma na baguvuruneeri boꞌkulola uluhande lweꞌmuga yoꞌlwiji Hefuraati. Nabo, ikyanya bakabona íbibagooziri mu nyumba ya Rurema, banakizi batabaala.

Nehemiya 2:7

nanashubi deta kwokuno: «E mwami, iri wangasiima, wangambeereza amaruba, gira ngatwalire baguvuruneeri ábatuuziri i kajabo koꞌlwiji Hefuraati. Ubabwire kwo bakizi ndanga, halinde ngizi lenga bwija, na nyingire i Buyuda.

Zaburi 119:4

E Nahano, ukatuheereza imaaja zaawe, gira tukizi zisimbaha lwoshi-lwoshi.

Danyeri 6:26

Mwami Dariyo anayandikira abandu beꞌmilala yoshi, naꞌbaꞌmahanga gooshi, naꞌbeꞌndeto zooshi kwokuno: «Mukizi longa umutuula, munakizi genduukirwa!