Hizira 6:14 - Kifuliiru

¹⁴ Abakulu baꞌBayahudi banagenderera ukuyubaka, banagenduukirwa bweneene. Banakizi shigwa naꞌmagambo goꞌmuleevi Hagayi, kuguma noꞌmuleevi Zakariya mugala Hido. Iri hakazinda, banayusa ukuyubaka irya nyumba ya Rurema waꞌBahisiraheeri, nga kwo akababwira. Banakizi kulikira kwakundi, na ngiisi kwo balya baami beꞌPerisiya bakakyula. Kuli kudeta Kiiro, na Dariyo, na Serikisi.

Hizira 6:14 ပူးပေါင်းရင်းမြစ်များ

Hizira 3:8

Iri bakahisa imyaka ibiri neꞌmyezi ibiri bakoli tuuziri i Yerusaleemu, banatondeera ukuyubakulula inyumba ya Rurema ahandu haayo. Yugwo mukolwa, gukagirwa na Zurubaberi mugala Shalityeri, kuguma na Yeshuha mugala Yozadaki, na beene wabo abagingi, naꞌBalaawi, na ngiisi ábakashaaga i buhungiro. Yugwo mukolwa, banabiika Abalaawi ábakoli hiiti myaka makumi gabiri neꞌngingwe, gira baguyimangire.

Hizira 4:24

Kwokwo, mu Yerusaleemu, umukolwa gwoꞌkuyubakulula inyumba ya Rurema gwanayami yimanga lwoshi. Batanaki gugendereza, halinde ukuhisa ku kyanya Dariyo weꞌPerisiya akahisa imyaka ibiri atwaziri.

Hizira 4:3

Haliko, Zurubaberi na Yeshuha, naꞌbimangizi beꞌmbaga, banabashuvya kwokuno: «Nanga, maashi! Mwehe, ndaayo ngoome yo muhiiti imwitu mu kuyubakulula inyumba ya Rurema. Si iri nyumba ya Nahano Rurema waꞌBahisiraheeri! Twenyene naaho, twe tukwiriiri ukugiyubakulula, nga kwo mwami Kiiro weꞌPerisiya akakyula.»

Hizira 5:1

Mu yizo siku, umuleevi Hagayi, bo noꞌmuleevi Zakariya mugala Hido, banatanga ubuleevi kwiꞌziina lya Rurema waꞌBahisiraheeri. Mukuba, ye wâli hiꞌgulu lyabo. Yubwo buleevi, banabumenyeesa Abayuda ba mu Yerusaleemu, kiri na mu kihugo kyabo kyoshi.

Hizira 5:13

Kundu kwokwo, ikyanya mwami Kiiro âli kiri noꞌmwaka muguma atwaziri i Babeeri, lyo akatuhanguula kwo tuyubakulule inyumba ya Rurema.

Hizira 5:2

Kwokwo, Zurubaberi mugala Shalityeri, bo na Yeshuha mugala Yozadaki, banashubi tondeera ukuyubakulula inyumba ya Rurema i Yerusaleemu. Naꞌbaleevi bo bâli ririinwi, banabatabaala.

Hizira 6:3

«Mwami Kiiro, ikyanya âli ki riiri mu mwaka gwage gwa mbere atwaziri, akakyula kwokuno: «Inyumba ya Rurema i Yerusaleemu, ikwaniini iyubakululwe, gira abandu balonge ho bagakizi tangira amatuulo goꞌkusiriiza. Bakwiriiri bayubakululire ku zeezirya ndaliro za kare. Iyo nyumba, igaaba neꞌkimango kyeꞌmeetere makumi gabiri na zirinda. Na mu matambi, ziri zeezo meetere makumi gabiri na zirinda.

Hizira 6:8

«Neꞌngingwe, namùkomeereza kwo mutabaale ibirongoozi byaꞌBayahudi, gira balonge ukuyubakulula inyumba ya Rurema. Ngiisi byo mugakoleesa, bigashaaga mu kihinda kya mwami. Kuli kudeta, mukizi koleesa byaꞌbandu bagakizi rambura iyo munda uluhande lweꞌmuga lwoꞌlwiji Hefuraati. Kwokwo, lyoꞌmukolwa gutatinda.

Hizira 7:1

Ha nyuma, ikyanya mwami Serikisi weꞌPerisiya âli ki riiri ku butwali, Hizira anashaaga i Babeeri. Uyo Hizira, âli mugala Seraya. Seraya naye, âli mugala Hazariya. Hazariya naye, âli mugala Hirikiya.

Hizira 9:9

«Kundu twâli riiri baja, haliko utakatujandirira mu buja bwitu. Wanatukundiisa imwaꞌbaami beꞌPerisiya. Na hiꞌgulu lyage, tukola kandi bagumaana, halinde tunalonge ukuyubakulula inyumba ya Rurema. Keera twanayubakulula inzitiro zeꞌYerusaleemu, kiri na zeꞌBuyuda.

Nehemiya 6:15

Iri tukaharuura ulusiku lwo tukatondeera kwoꞌmukolwa gwoꞌkuyubakulula inzitiro, twanakoleesa isiku makumi gataanu na zibiri, halinde twanaguyusa. Lwâli riiri mu siku makumi gabiri na zitaanu zoꞌmwezi gweꞌHelulu.

Hisaaya 44:28

Ngadetaga hiꞌgulu lya mwami Kiiro kwokuno: “Kiiro akola agarongoora abandu baani! Ngiisi byo njungisiri, ye gabikwiza.” Uyo Kiiro naye anakyulage kwaꞌkaaya keꞌYerusaleemu kayami yubakululwa, anabwire inyumba yani: “Ewe! Indaliro zaawe, bazibiikage!”»

Hagayi 1:1

Ikyanya mwami Dariyo weꞌPerisiya akahisa imyaka ibiri atwaziri, mu lusiku lwa mbere lwoꞌmwezi gweꞌndatu, Nahano anatuma umuleevi Hagayi imwa guvuruneeri Zurubaberi mugala Shalityeri, kuguma noꞌmugingi mukulu Yoshwa mugala Yozadaki.

Hagayi 1:8

«Muzamuukire mu migazi, munaleete ibiti, munayubakulule inyumba yani. Ee! Iyo nyumba, ngagishambaalira ngana, na ndonge ukukizi huuzibwa mwo.

Zakariya 1:1

Ikyanya Mwami Dariyo weꞌPerisiya akahisa imyaka ibiri atwaziri, mu mwezi gwoꞌmunaana, ino ndumwa ya Nahano ikahikira umuleevi Zakariya mugala Berekiya, mwijukulu Hido. Nahano anadetaga, ti:

Zakariya 1:16

Ku yukwo, nie Nahano woꞌbushobozi bwoshi, nadetaga kwokuno: E bandu beꞌYerusaleemu! Ngamùgalukira, ninamùyereke ulukogo lwani. Inyumba yani igaki yubakululwa, kiri naꞌkaaya kooshi kwakundi.”»

Zakariya 4:9

«Zurubaberi ye kabiikaga ulutaliro lweꞌnyumba ya Rurema, ye ganagiyusa.» Yibyo byoshi, mango biyiji kolekaga, lyo mugaamenya kwo Nahano woꞌbushobozi bwoshi ye kandungika imwinyu.

Zakariya 8:9

Nahano woꞌbushobozi bwoshi adeta kwokuno: «Muyihe ikise! Bwo keera mwatondeera ukuyubakulula inyumba yani, mugiyusagye. Noꞌkulyokera ku lusiku bakatondeera ukuyubaka ulutaliro lweꞌnyumba ya Rurema, mwâli kizi yuvwa ngiisi kwaꞌbaleevi bagweti bagaadeta kwo mugiyusagye!