Hisaaya 9:4 - Kifuliiru

⁴ Ibiraato byaꞌbasirikaani, kiri neꞌbyambalwa byabo íbiyijwiragi imiko, keera bikakabulirwa mu muliro, byanasingooka.

Hisaaya 9:4 ပူးပေါင်းရင်းမြစ်များ

Ndondeko 27:40

Na kundu ugakizi ramba ku ngooti, haliko ugakizi kolera mulumuna wawe. Kundu kwokwo, ikyanya ugamúyihindulira, lyoki ugaaba wayishwekuula mu butwali bwage.»

Zaburi 125:3

Banangora-mabi batagakizi twala hiꞌgulu lyaꞌbandu biija. Báki be babatwaziri, hali ikyanya yabo biija bangakengeera bakoleesa ubushobozi bwabo mu kugira amabi.

Zaburi 81:6

Yulwo lubaaja, akabaheereza lwo, ku kyanya akateera ikihugo kyeꞌMiisiri. Nanayuvwa izu lyo mundamenywa, liri mu mbwira, ti:

Hisaaya 10:16

Aahago! Nahano woꞌbushobozi bwoshi agatumira abasirikaani beꞌHasuriya ikiija kyoꞌkubajaavya. Kwokwo, ubukalage bwabo, bugamalira mu muliro.

Hisaaya 10:5

Nahano adetaga kwokuno: «Yayewe imwinyu, mwe batuulaga beꞌHasuriya! Zeene, muki fumbiiti ubuhiri mu maboko giinyu. Kiziga! Yago mahiri galyagagi ga kuyerekana ubute bwani!

Hisaaya 14:25

Ikyanya Abahasuriya bagaaba bakola mu kihugo kyani, lyo ngaamala imisi yabo. Ngakizi bahinyata-hinyata ku mugazi gwani. Kundu bâli hesiizi abandu baani umuteekerwa muzito, haliko buno, ngagulyosa.

Hisaaya 16:4

Twe Bamohabu, keera twayimulwa mu kihugo kiitu. Aahago! Mutuhanguule tuyiji tuula mu kihugo kiinyu. Utubishage na banangora-mabi.» Twe Bamohabu, kundu bâli kizi tunyaga, haliko yubwo bunyazi bugaki mala. Ngiisi ábakiri mu tuvindagaza, bâye himwe, banahere mu kihugo.

Hisaaya 47:6

Balya bandu baani, nꞌgatee barakarira, nanabahana mu kuleka bagwatwe mu maboko gaawe. Naawe, utanabakejeerera. Kiri naꞌbashaaja mu kati kaabo, wanakizi babetuza imiteekerwa mizito-mizito.

Hisaaya 49:26

Ngiisi ábali mu mùlibuza, ngakyula kwo balyagage iminyofu yabo boonyene. Na mbanywese noꞌmuko gwabo, halinde gunabalaluse, nga banywa idivaayi yeꞌkishogwe. Niehe, nie Nahano! Kwokwo abandu booshi bagaamenya kwo nie wamùkiza, nanamùguluula. Nie Rurema wa Yakobo, Rurema woꞌbushobozi bwoshi!»

Hisaaya 51:13

Si nie Nahano, nie kamùbumba! Aaho! Kituma kiki wanyibagira? Nie katabika igulu, nanabiika neꞌndaliro zeꞌkihugo. Aahago! Yabo banakahambwa, kituma kiki muki bayobohiri? Kundu bâli kizi mùlibuza, banagire mbu bakizi mùshereeza, haliko leero bakolaga hayi?

Hisaaya 52:2

E Yerusaleemu, umunyere weꞌSayuni! Kundu ushuba imbohe, halikago, uduutule imigufu mwiꞌgosi, unayibugumule ulukungu, unayimuke.

Hisaaya 54:14

Ugakizi sikama mu bikwaniini, halinde utaki hahazibwe naꞌbagoma. Utanaki be noꞌlushunguti, mbu uyobohe ikindu kyoshi. Ikyoba kigaamala.

Hisaaya 9:5

Umwana, keera akabutwa hiꞌgulu liitu. Ee! Tukoli haabirwi umwana woꞌbutabana. Uyo mwana agayimikwa, gira abe mutwali waꞌbandu baage. Anakizi buuzibwa Muhanuuzi wa kahebuuza, na Rurema woꞌbushobozi, na Daata weꞌmyaka neꞌmyakuula, na Muluzi woꞌmutuula.

Yeremiya 30:8

Nahano woꞌbushobozi bwoshi, ashubi detaga kwokuno: «Yulwo lusiku mango lwahika, lyeꞌrya ngata yo bashubi hogesirwi mu magosi, ngagivungula, kiri neꞌrya mirinda.

Yeremiya 48:17

E batuulani baꞌBamohabu! Na niinyu mwe mubayijiriiri! Mubalirire, ma! Mukizi deta, ti: “Kino kihugo, kundu kishubi lumbuusiri, haliko abagoma keera bakiyogogoza. Ubulangashane bwakyo, noꞌbushobozi bwakyo, ndaakibyo!”

Balaawi 26:13

Nie Nahano Rurema winyu. Nie nꞌgamùlyosa mu kihugo kyeꞌMiisiri, gira mutaki be baja. Kundu bâli kizi mùyambika ibyuma mu magosi, haliko keera nꞌgabitwisa, mwanalonga ukukizi genda muganooka-nooka.

Nahumu 1:13

Na kundu mwâli shwesirwi neꞌminyororo yabo, ngagitwisa, batanâye ki mùvindagaze.»