Hisaaya 9:18 - Kifuliiru

¹⁸ Kwokwo, Nahano woꞌbushobozi bwoshi, akoli rakiiri, anakola agajigiivya ikihugo. Gulya muliro, agaguduulika mu bandu, gira basingooke ngana. Ndaanaye mundu úgaagira mbu akejeerere mwene wabo.

Hisaaya 9:18 ပူးပေါင်းရင်းမြစ်များ

1 Baami 16:21

Abahisiraheeri banagabulikana mwo kubiri. Baguma baabo, banayemeera Tibuni mugala Ginati, kwo ye gaaba mwami. Abandi banayemeera Homuri.

Zaburi 37:20

Si balya banangora-mabi boohe, bagaahera. Abagoma ba Nahano bagayumaguka ngoꞌtwaso mu ndalo, bananyerere nga kyusi.

Zaburi 68:2

E Rurema, uyimukage, unashaabule abagoma baawe. Ngiisi ábakushombiri, bakizi puumukaga imbere lyawe.

Zaburi 83:14

E Rurema wani, ubafuuhe ngana, bayehuuke nga lukungu. Bakizi ba nga bifuma íbigweti bigayehuulwa neꞌmbuusi.

Hisaaya 1:31

Mu kati kiinyu, abanamisi bakola bagaaba nga byasi byumu! Imikolezi yabo yoshi, igaaba nga shashala. Balya booshi, kuguma neꞌmikolezi yabo, bagasingookera mu muliro, ndaanaye úgaahasha ukuguzimya.

Hisaaya 1:7

Ibinyamahanga bikola mu mùshahula imimbu, bikabuli singoola utwaya twinyu, halinde ikihugo kinashereezibwe lwoshi. Kundu kwokwo, mugweti mugabaloleera naaho.

Hisaaya 26:11

E Nahano, yabo babi, kundu ukolaga ugabahana, haliko, batakutwaziizi. Aaho! Ubayerekage ngiisi kwo ukuuziri abandu baawe, halinde banateezibwe ishoni. Na bwo ubikiiri abagoma baawe umuliro, ugire ubajigiivye mwo.

Hisaaya 27:4

Iyo ndalo, ndakiri mu girakarira. Kundu kwokwo, iri nangagigwana mweꞌmigenge neꞌmihanda-njovu, yoki, ngayiji gilwisa, halinde na ngisingoole.

Hisaaya 3:5

Abandu bagakizi libuzania, halinde ngiisi mundu anakizi hagana noꞌmutuulani wage. Imisore, igakizi shundeeza abashaaja, noꞌtufwa-busha, tugakizi shundeeza abanalushaagwa.

Hisaaya 30:30

Nahano agategeesa abandu amatwiri, balonge ukuyuvwa izu lyage lya kahebuuza. Banabone ngiisi kwoꞌbushobozi bwage bugaakola ku buraakari. Agashonooka mu muliro gwoꞌkujigiivya byoshi. Anayije neꞌkihuhuuta kikayu íkiri mu vuduka mweꞌnvula nyingi yoꞌlugungu.

Hisaaya 30:33

Uyo mwami waꞌBahasuriya, Nahano âli mali gwanwa ashungika kwo agamújigiiviza i Topeti. Ee! Iyo munda, iri ikirimbi-rimbi, kinayisiri. Yikyo kirimbi-rimbi, kiri mwiꞌbengesheeshe lyoꞌmuliro, gunali mweꞌshaali nyingi. Yugwo muliro, Nahano agaguyasa, mu kugufuuha noꞌmuuka gwage, gunayami yaka nga lwiji úluli mwoꞌmuliro.

Hisaaya 33:12

Abandu biinyu bagalashwa mu muliro nga migenge. Gugabajigiivya, halinde banasigale munyota-kiiko.

Hisaaya 33:14

Abanabyaha ba mu Sayuni, batatwaziizi Rurema. Kyo kitumiri bakoli yobohiri, banakola mu juguma. Bali mu deta, ti: «Yugu muliro, si guli mu jigiivya ngana-ngana! Aahago! Nyandagi úwangaki tuula ho? Si guyamiri guli mu yaka bweneene. Aaho! Nyandagi úwangaki guyigooyera?»

Hisaaya 5:24

Keera bakajanda amigirizo ga Nahano, anali ye Mwene Ubushobozi. Ee! Kundu Umutaluule waꞌBahisiraheeri agweti agaadeta, si batamútwaziizi. Ku yukwo, bagashereezibwa ngana, nga kwoꞌmuliro guli mu boyola ikishuka. Bagaaba nga mbuto yeꞌmizi ikoli boziri, na nga kwoꞌtwaso, tuli mu yehuulwa nga lukungu.

Hisaaya 50:11

Si mwehe mugweti mugatwana umuliro gwinyu naaho, mbu lyo mulonga ukubona! Ngahwe! Gendereragi na gwogwo, gubaagage gwo mugabiika kwoꞌmulangaaliro. Kundu kwokwo, lolagi ngiisi byo Nahano agamùhemba ubuzinda: ikyanya mugagwejera, mugalyanirwa bweneene!

Yeremiya 9:3

«Yehee! Ukizi yiyeka naꞌbiira baawe. Kiri na beene winyu, utayami bayitegera umulundi. Kundu balyagagi beene winyu, si bagweti bamùlyalyania! Kiri na ngiisi mwira, ali kateerania!

Hosheya 13:3

Yabo bandu, bwo bakagiraga kwokwo, baganyerera nga luuta lwa shesheezi, banamale nga kimi, ku kyanya izuuba liri mu tunduuka. Bagayeluulwa nga byula ha kiyeluuliro. Banabe nga kyusi, íkiri mu huluka imbuga mu kulenga ha kaazo.

Yuheeri 2:20

Balya bagoma ábakalyoka imbembe, ngabayimula, na mbashendekeze halinde mwiꞌshamba, áhayumagusiri. Abasirikaani baabo ábali mu tee genda imbere, ngabalasha mu Nyaaja yoꞌMuunyu. Na ábali mu yija inyuma, ngabalasha mu Nyaaja Mediterane. Ibirunda byabo, bigakizi huumura buligo, halinde lirya ibaya lyabyo linakwire hooshi.» Ku kasiisa, Nahano akamùgirira ibitangaaza.

Yuheeri 2:3

Yikyo kiso, umuliro guli mu singoola imbere lyakyo, kiri neꞌnyuma lyakyo. Ngiisi ho guli mu lenga, hanasigale bwanuula. Yibyo bizimu, ikyanya bitâli zaazi lenga, ikihugo kyâli riiri kiija ngana ngeꞌndalo yeꞌHedeni. Haliko, iri bikaba keera byalenga, kyanasigala ngiꞌshamba lya tema-ndime. Emwe! Ndaahyo íhiri mu fuuka imbere lyabyo.

Hamoosi 7:4

Ha nyuma kandi, Rurema Nahamwitu anashubi nyereka agandi mabone. Nanabona kwo akola agaahana abandu baage, mu kubajigiivya noꞌmuliro. Yugwo muliro gwanasingoola kiri naꞌmabenga mahamu geꞌnyaaja, gwanatondeera ukujigiivya ikihugo kyoshi kyaꞌBahisiraheeri.

Hobadiya 1:18

Ku yikyo kyanya, Abahisiraheeri bagaaba nga muliro úguyasiri. Bagasivya abandu beꞌmbaga ya Hesahu lwoshi-lwoshi, nga kishuka. Ndaaye kiri woꞌmuti úgasigala. Kwokwo, kwo nie Nahano ndesiri!»

Nahumu 1:10

Yabo bagoma bagaaba nga ábakoli lalusiri, banakizi bambaajira, banajigimbe nga kishungu-shungu kyumu kyeꞌmigenge, banasiriire lwoshi-lwoshi.

Nahumu 1:6

Ikyanya Nahano ali mu shavura, nyandagi úwangaki labuka imbere lyage? Uburaakari bwage, ikyanya buli mu ba bukoli yasiri, nyandi úwangaki sigala? Uburaakari bwage, buli mu siriiza ngana-ngana. Kiri naꞌmaala, gagweti gagabereka imbere lyage.

Mataayo 25:41

«Haliko, ngiisi ábagaaba bali uluhande lweꞌlumosho, boohe, agababwira kwokuno: “Munjaagirage hano! Mukuba mukoli daasirwi! Mugende mu muliro gweꞌmyaka neꞌmyakuula, gulya úgukabiikirwa Shetaani naꞌbaganda baage.

Bukengeeze 32:22

Uburaakari bwani, buli mu yaka nga muliro, bunali mu yika, halinde i nakwere. Buli mu siriiza íbiri mu mera kwiꞌdaho. Buli mu jigiivya haashi, halinde indaliro zeꞌmigazi.

Baheburaniya 6:8

Haliko idaho, iri lyangamezagya ibiti byeꞌmigenge neꞌmihanda-njovu naaho, iri litaki hiiti kamaro. Hali ikyanya lyangadaakwa. Noꞌbuzinda, linasingoolwe.

Bwigule 14:11

Neꞌkyanya yabo bandu bagagulibuukira mwo, ikyusi kyagwo kigayama kiri mu tutumuka, halinde imyaka neꞌmyakuula. Na íkitumiri biri kwokwo, mukuba bagweti bagayikumba yikyo kirara noꞌmugisi gwakyo, banabe babiisirwi na kwaꞌkamangu kiꞌziina lyakyo. Kinatume, baganayama-yama ubushigi niꞌzuuba bali mu libuuka, buzira kuluhuuka.»