Hisaaya 9:16 - Kifuliiru

¹⁶ Yabo booshi, bakoli bihuusiri, banakoli yifuuziri mu bitalaalwe, banakola mu deta íbitali nga byo. Kyo kitumiragi Nahano ataki shambaliiri imisore yabo. Kiri neꞌfuuvi zaabo, na banamufwiri baabo, atakiri mu bakejeerera. Kundu kwokwo, ubute bwage butazi hooha. Aki bangwiri ukuboko kwage, mu kulooza ukuhana abandu baage.

Hisaaya 9:16 ပူးပေါင်းရင်းမြစ်များ

2 Kutondobola 30:27

Iri hakatama, abagingi naꞌBalaawi banayimanga, banahuunira yabo bandu imwa Rurema, gira abagashaanire. Yago mahuuno gaabo, iri Nahano akagayuvwa, anagayemeera. Mukuba, ali yolya útuuziri mwiꞌgulu, áhatalwirwi.

Hisaaya 10:4

Si mwâye gendi bunda mu mbohe, kandi iri muminikwe kuguma na ábali mu yitirwa mwiꞌzibo. Kundu kwokwo, ubute bwa Nahano bugaaba butazi hooha. Agaaba aki bangwiri ukuboko kwage, mu kulooza ukuhana abandu baage.

Hisaaya 19:14

Yibyo birongoozi, Nahano keera akabibiika mwoꞌbuyingi-yingi. Kwokwo, ngiisi byo bakola mu hanuulana, biri bya kuhaburana naaho. Keera bakalalusa ikihugo kyeꞌMiisiri, halinde abandu baakyo bakola nga balalwe ábali mu gaaya-gaaya mu bishazi byabo.

Hisaaya 3:12

Ibirongoozi byanuke, bo bakola mu ndibugiza abandu baani. Si abakazi bo bakoli batwaziri! E bandu baani, si abimangizi biinyu keera bakamùhabura, mutanakiri mu gira íbikwaniini.

Hisaaya 5:25

Nahano akoli rakariiri abandu baage, anakoli bangwiri ukuboko kwage, gira abahane. Kiri neꞌmigazi ikoli gweti igajugumbana. Neꞌbirunda bikoli luuzirwi mu njira ngiꞌjolera. Kundu kwokwo, ubute bwa Nahano buki yasiri. Akoli bangwiri ukuboko kwage, gira ahaniirize abandu baage.

Yeremiya 18:21

«Ku yukwo, ulekage abaana baabo bafwe niꞌshali. Nabo boonyene, uleke abagoma baabo babayite neꞌngooti. Bakaabo bafwirwe naꞌbaana, kiri na bayiba! Abashaaja bafwe neꞌkiija, neꞌmisore iyitwe ku ngooti mwiꞌzibo.

Yeremiya 23:13

«Abaleevi ba mu kihugo kyeꞌSamariya, nꞌgabona kwo bakoli bihuusiri bweneene. Ikyanya bâli kizi tanga ubuleevi, bâli kizi butanga kwiꞌziina lyoꞌmuzimu Baali. Banahubiisa abandu baani, halinde nabo banakizi yifunda mu byaha.

Yeremiya 9:4

Ngiisi mundu agweti agaateba uwabo. Ndaanaye úli mu deta ukuli. Abayuda keera bakayikomeereza ukukizi beesha. Na mu kukizi gira ibyaha, keera bayiluhya.

Hamoosi 2:4

Nahano adetaga kwokuno: «Abayuda, bagweti bagayifunda mu byaha. Aahago! Ukubahana, ngola ngabahana ngana-ngana! Si bâli kizi jajaaka imaaja zaani, batanakizi kulikira imigeeza yazo. Ngiisi kwo bashokuluza baabo bâli kizi yikumba imizimu yeꞌbibeesha, kwo nabo keera yabahabura.

Mika 3:5

Nahano adetaga kwokuno: «Mwe baleevi, si mulyagagi beꞌbibeesha naaho, munagweti mugakizi yigiriza abandu íbitali nga byo. Ikyanya muli mu ba muhaabirwi ibyokulya, munayami deta kwokuno: “Hagaaba mutuula!” Si iri abandu batangamùheereza byo muloziizi, munayami deta kwaꞌbagoma baabo, bayami balwisa.

Mataayo 15:14

Ku yukwo, yabo Bafarisaayo, mutakizi batwaza! Si biri birongoozi íbihumiri! Imbumi, iri yangarongoora iyabo, si zombi zigatibukira mu kishimo!»

Baheburaniya 7:7

Tunayiji-yiji kwoꞌmukulu ye mu kizi gashaanira úli mwiꞌdako lyage.