Hisaaya 8:7 - Kifuliiru

⁷ «Ku yukwo, mwami weꞌHasuriya, mu kubateera, agayija akundwiri ngoꞌlwiji Hefuraati, kwo luli mu sooka imbibi zaalwo.

Hisaaya 8:7 ပူးပေါင်းရင်းမြစ်များ

Ndondeko 6:17

«Yuvwa! Nienyene, ngaleeta umwijulire gwaꞌmiiji mu kihugo. Kwokwo, lyo ngaminika ibiremwa byoshi íbiri mwiꞌdako liꞌzuuba. Byoshi íbiri mu kihugo, bigayami hera ngana.

2 Baami 19:32

«Nahano adetaga hiꞌgulu lya mwami weꞌHasuriya kwokuno: “Uyo mwami atâye fine mu kano kaaya keꞌYerusaleemu. Kiri noꞌkulasha imyambi, ndaayo agaalasha mwo. Atanâye yije afumbiiti isiribo, ataganalunda uluvu ibutambi lyako, mbu alonge ubulyo bwoꞌkukahongola.

Hizira 4:10

Yabo bandu, bali kuguma neꞌgindi milala íkatwalwa noꞌmutasumbwa, Hosinapaari. Banabungiisibwa mu kaaya keꞌSamariya, naꞌhandi-handi mu kihugo íkiri uluhande lweꞌmuga lwoꞌlwiji Hefuraati.»

Zaburi 72:8

Mwami alonge ukukizi twala, halinde ku nyaaja zooshi, ukulyokera ku lwiji Hefuraati, halinde ukuhisa ku mbeka yeꞌkihugo.

Hisaaya 10:16

Aahago! Nahano woꞌbushobozi bwoshi agatumira abasirikaani beꞌHasuriya ikiija kyoꞌkubajaavya. Kwokwo, ubukalage bwabo, bugamalira mu muliro.

Hisaaya 10:5

Nahano adetaga kwokuno: «Yayewe imwinyu, mwe batuulaga beꞌHasuriya! Zeene, muki fumbiiti ubuhiri mu maboko giinyu. Kiziga! Yago mahiri galyagagi ga kuyerekana ubute bwani!

Hisaaya 11:15

Nahano agakamya Inyaaja Ndukula, halinde hanaboneke injira íkamiri. Kwokwo, agagolola ukuboko kwage, na mu kutuma imbuusi ngayu ku lwiji Hefuraati. Yulwo lwiji, akola agalubunduula mweꞌnyiiji zirinda, halinde abandu baage banajabuke áhayumiri.

Hisaaya 28:15

Mugweti mugakizi yihaya, mbu: «Twehe keera tukanywana ikihango na Narufu, kuguma neꞌnakwere. Kwokwo, irya nguuke, ikyanya igayija, itagaki tugwa kwo. Tugweti tugayilangaalira mu kudeta ibinyoma, na mu kuhendana.»

Hisaaya 28:17

Ngakizi koleesa íbikwaniini, lukizi ba nga lugero lwani. Na ngoleese noꞌkuli, kukizi ba nga nevu yaꞌbuubasi.» Si ubutibitiro bwinyu, buli mu yubakwa ku binyoma. Kwokwo, invula yoꞌlugungu igayiji bushereeza. Umwijulire gunayiji buhongoleka haashi.

Hisaaya 28:2

Lolagi! Yako kaaya, Nahano agalungika ibikalage byaꞌbasirikaani, gira bagendi kateera. Bagayami yija bali nga nvula yoꞌlugungu íyatundwa neꞌkihuhuuta. Yabo basirikaani bagakayifuka mwo ngoꞌmwijulire muhamu gwaꞌmiiji, banakahongoleke haashi.

Hisaaya 43:2

Kundu mwangalenga áhayisiri mwiꞌbenga lyaꞌmiiji, tugaaba tuliriinwi. Na kundu mwangajabuka inyaaja, mutagazika. Na kundu mwangalenga mu muliro, mutâye hiire. Imbigi zaagwo zitâye mùsingoole.

Hisaaya 59:19

Ku yikyo kyanya, Nahano agayija ali nga lwiji úlukundwiri. Umuuka gwage gunabe guli mu luvwarusa. Kwokwo, lyaꞌbandu bagakizi simbaha Nahano, banahuuze ubulangashane bwage, ukulyokera isheere, halinde imuga.

Hisaaya 7:17

«Na naawe kwakundi, Nahano agakizi kulibuza, kuguma naꞌbandu baawe, kiri neꞌmbaga ya yisho. Amalibu mwene yago, gatazindi boneka, ukulyokera haꞌBahisiraheeri bakayihandulana kwo naꞌBayuda. Umwami weꞌHasuriya, ye gayiji mùteera.»

Hisaaya 7:20

Ku yikyo kyanya, Nahamwitu agakoleesa abandu ukulyoka i kajabo koꞌlwiji Hefuraati. Ee! Mwami weꞌHasuriya agaaba akola nga higembe, anakizi mùkunguula amatwe, kiri neꞌbyoya bya ku magala gooshi, kiri neꞌnyanwa.

Yeremiya 47:2

«Abagoma bakola mu kuumana uluhande lweꞌmbembe. Bali ngoꞌlwiji úlukoli heemiri. Bagaaba ngoꞌlwiji úlugweti lugasavya ngana-ngana! Bagalenga mu ngiisi kaaya, banakumbulule íbiri mu kihugo byoshi. Abandu bagakizi yidehereza mu nduulu, ikihugo kyoshi kinayijule ikimombo.

Yeremiya 51:42

Inyaaja, keera zikaheema, zanabwikira i Babeeri. Na buno, imidunda ikola mu kundula hiꞌgulu lyayo.

Hezekyeri 26:19

«Nie Rurema Nahamwinyu nadetaga kwokuno: E Tiiro! Ngakuhindula ube nga twaya útukasiba. Na ngubindikire naꞌmiiji mingi, halinde ganakusooke itwe.

Danyeri 11:10

«“Ha nyuma, abaana boꞌyo mwami weꞌmbembe bagayibiika ibiringiini ukukunguza izibo. Bagakuumania ikizimya-izuuba kyaꞌbasirikaani, banakwire hooshi mu kihugo kyeꞌkisaka. Ukukundula kwabo, kugaaba nga mwijulire, banagagike halinde na mu kaaya kazitire.

Danyeri 11:22

Ikyanya agayijaga, agaminika akatundu kaꞌbasirikaani. Kiri noꞌmugingi mukulu úkabiikwa ku kihango, naye agayitwa.

Danyeri 9:26

«“Ha nyuma lyeꞌyo myaka magana gana na makumi gashatu niꞌna, ulya úkashiigwa amavuta agayitwa. Binaboneke kwo ndaabyo akagira. Ee! Umukulu agayija, anayiji shereeza akaaya kuguma naꞌHandu Heeru bweneene. Neꞌkyanya kyeꞌmberuuka, kigayija duba-duba nga mwijulire. Hanakizi kungula amazibo noꞌbushereeze, nga kwo Rurema akabishungika.

Hamoosi 8:8

Bwo keera mukakolaga ibitalaalwe mwene yibyo, ikihugo kigajugumbana! Abandu hooshi, bakolaga bagabululuka mu kigandaaro. Ikihugo kyoshi kigajungubana. Kigakizi heema ngoꞌlwiji Niire ku kyanya kyeꞌnvula. Ha nyuma, kinashubi yema.

Hamoosi 9:5

Nahano woꞌbushobozi bwoshi, ikyanya ali mu huma ku kihugo, kinayami jugumbana. Ikihugo kiri mu yami heema ngoꞌlwiji Niire ku kyanya kyeꞌnvula, kinashubi yema. Kwokwo, abandu booshi banayami bululuka mu kigandaaro.

Mika 1:9

Si ikihando kyaꞌbandu baani, kitagaki kira. Yikyo kihando, keera kikahikira i Buyuda, halinde ku nyiivi zaꞌkaaya keꞌYerusaleemu.

Mika 5:4

anakizi bileeta mwoꞌmutuula. Abahasuriya bagayiji teera ikihugo kiitu, banakizi libata ku nyumba ziitu mbamu. Kinatume tugabiika abatwali balinda, bakizi tulanga. Ee! Ibirongoozi munaana, byo bigaturongoora.

Mika 5:5

Yabo batwali, bagaminika Abahasuriya ku ngooti zaabo. Bagagwata ikihugo kyeꞌHasuriya mbira ku ngooti zaabo nyomole. Kwokwo, ikyanya yabo Bahasuriya bagayiji lenga ku mbibi ziitu, gira bayiji tuteera mu kihugo kiitu, yabo batwali bagatukiza mu maboko gaabo.

Nahumu 1:8

Haliko abagoma boohe, agweti agabalandiriza, halinde anabaminike. Ali mu yami bakumbulula nga mwijulire, halinde banaherere mu kihulu, lwoshi-lwoshi.

Luka 6:48

Ali mu ba nga mundu úkalooza ukuyubaka inyumba. Uyo mundu anatee humba haashi bweneene, halinde anahike ku lwala, abuli luyubakira kwoꞌlutaliro. Neꞌkyanya ulwiji lukayijula, amiiji ganayipukula kwiꞌyo nyumba, puku! Kundu kwokwo, itanashagana, bwo yâli dediiri.

Bwigule 17:15

Uyo muganda, anashubi mbwira: «Yizo nyiji zo wabona, zigweti zigagolombera hoꞌyo bulambe woꞌmukazi abwatiiri. Kwo ziri zooshi, ziryagagi kizimya-izuuba kyaꞌbandu ba mu mahanga gooshi, naꞌba mu bihugo byoshi, naꞌba mu ndeto zooshi!