Hisaaya 7:23 - Kifuliiru

²³ Mu yikyo kihugo, muli indalo ízimeziri mweꞌmilandira yeꞌmizabibu kihumbi. Yizo ndalo, zanganagulwa ku bingorongoro kihumbi byeꞌharija. Kundu kwokwo, yaho handu hagaamera imigenge neꞌmihanda-njovu.

Hisaaya 7:23 ပူးပေါင်းရင်းမြစ်များ

Ndondeko 3:18

Hiꞌgulu lyawe, idaho likola ligakizi meza imigenge, neꞌmihanda-njovu. Kundu kwokwo, ugakizi yimbula, byo ugaalya.

Hisaaya 32:10

Ehee! Kundu muki yiyuvwiti kwo mujeberiiri, halikago ha nyuma lyoꞌmwaka muguma naaho, mugashundeera. Ku yikyo kyanya, ndaakiyo mizabibu ígaaba isigiiri, mbu mugiyimbule.

Hisaaya 5:10

Ihekitaari zishatu zeꞌndalo yeꞌmizabibu, zigakizi kandwa mweꞌlitiri makumi gataanu naaho zeꞌdivaayi. Ngiisi úgakizi byalaga ibitigiri ikumi byeꞌmbuto zeꞌngano, agakizi yimbula ikitigiri kiguma naaho.»

Hisaaya 5:6

Ee! Iyo ndalo, ngagisivya lwoshi-lwoshi. Imizabibu yamwo, itâye ki yahulirwe, kandi iri kuyufirirwa. Igaamera naaho mweꞌmigenge neꞌmihanda-njovu. Nganahangika ibibungu, bitaginiekeze invula.»

Hisaaya 7:24

Iganakwira mu kihugo kyoshi. Kinatume abandu bagakizi gendi hiiva mweꞌnyamiishwa, bali neꞌmiheto neꞌmyambi.

Yeremiya 4:26

Ikyanya nꞌgalangiiza, nanabona kwiꞌdaho írishuba neꞌnagiira, likola ishamba. Utwaya twoshi, tukola biguuka. Na íbitumiri bigaaba kwokwo, bwo Nahano akoli turakariiri.

Hezekyeri 12:20

Utwaya twinyu, kundu tuki yijwiri abandu, tugasigala biguuka, halinde ikihugo kinasigale kimaata. Kwokwo, lyo mugaamenya ku kasiisa kwo nie Nahano.»

Hosheya 2:12

Ngolaga ngamúhogola imirondo yoshi, anasigale bukondwe. Balya bakundwa baage, banabe bagweti bagamúloleera. Ikyanya agateezibwa ishoni kwokwo, ndaaye úgayiji múkiza.

Hosheya 9:6

Kundu mwangakira Abahasuriya, haliko ikihugo kyeꞌMiisiri kigaki mùhima. Ee! I Mefiisi, yo munda mweshi mugaziikirwa. Kundu mushubi hiiti ibindu byeꞌkishingo, halikago ikishuka kigabimera mwo. Kiri neꞌnyumba ziinyu, zigayijula mweꞌmigenge.

Mataayo 21:33

Yesu anashubi babwira kwokuno: «Muyuvwirize ugundi mugani. Hâli riiri mundu muguma úkabyala indalo yage mweꞌmizabibu. Uyo mundu, anagizungulusa ikyogo, anagihumba mweꞌkishimo kyoꞌkukizi kandira mwo, anagiyubaka na mweꞌkitunda kyaꞌbalaazi íkishuumiri. Ha nyuma, anagitiiza abahiizi, anabalamira i mahanga.

Baheburaniya 6:8

Haliko idaho, iri lyangamezagya ibiti byeꞌmigenge neꞌmihanda-njovu naaho, iri litaki hiiti kamaro. Hali ikyanya lyangadaakwa. Noꞌbuzinda, linasingoolwe.