Hisaaya 60:9 - Kifuliiru

⁹ Abandu ba mu tulira, nie babiisiri kwoꞌmulangaaliro. Amashuba ukulyoka i Tarasisi gagatee yija gaheesiri abaana biinyu, kuguma neꞌharija zaabo neꞌnooro. Kwokwo, kwo bagagingika Rurema Nahamwinyu, bwo ali Mutaluule waꞌBahisiraheeri. Niinyu, Rurema agweti agamùgingika.

Hisaaya 60:9 ပူးပေါင်းရင်းမြစ်များ

Ndondeko 9:27

Yafeti naye, Rurema amúyushuulire ikihugo. Anakizi tuula mu shumbi za Sheemu. Si Kaanani yehe, ayamage ali muja wabo.»

1 Baami 10:1

Uyo Sulumaani, imyazi yage yanalumbuuka bweneene, halinde abandu banayuvwa ngiisi kwo âli kizi simbaha iziina lya Nahano. Kyanatuma umwami-kazi weꞌkihugo kyeꞌSheeba, naye agayiji mútanduula, gira alonge ukusisa ubwitegeereze bwage, mu kumúbuuza ibibuuzo bikayu-bikayu.

1 Baami 10:22

Mwami Sulumaani âli gweti amashuba mahamu ágâli kizi balamiranwa kuguma naꞌga mwami Hiraamu. Ku ngiisi myaka ishatu, gâli kizi múleetera inooro, neꞌharija, naꞌmahembe geꞌnjovu, neꞌngima, neꞌshengerezi.

1 Baami 22:48

Ku yikyo kyanya, ndaaye mwami úwâli mu kihugo kyeꞌHedoomu. Si mwami weꞌBuyuda, ye wâli kizi tuma yoꞌmwimangizi.

1 Baami 8:41

«Kiri neꞌbinyamahanga, hali ikyanya bangalyoka imwabo, banayiji kuhuuza,

Zaburi 48:7

Bâli koli jugumiri, banalyanirwa ngoꞌmukazi úgweti úgaliibwa noꞌmukero.

Zaburi 72:10

Abaami beꞌTarasisi naꞌba mu tulira, bagakizi múramburira. Abaami beꞌSheeba naꞌbeꞌSeeba, bakizi múleetera amatuulo.

Zaburi 97:1

Nahano ye mwami. Kwokwo, abandu booshi mu kihugo, bakizi shambaala. Abandu ba mu tulira nabo, bakizi shagaluka.

Kulyoka 33:19

Nahano, ti: «Ubwija bwani bwoshi, ngola ngabuyerekana imwawe. Na ngumenyeese iziina lyani, kwo nie Nahano. Ngiisi ye ndoziizi ukukejeerera, ndi mu múkejeerera. Na ngiisi ye ndoziizi ukuyuvwirwa indengeerwa, ndi mu múyuvwirwa zo.

Migani 18:20

Ngiisi byoꞌmundu ali mu deta, biri mu tuma agagenduukirwa. Ee! Ali mu longa akamaro, ukukulikirana na ngiisi kwo ali mu deta.

Hisaaya 11:11

Ku yikyo kyanya, Nahano agashubi golola ukuboko kwage, anagalule abandu baage ábaki sigiiri imbohe mu kihugo kyeꞌHasuriya, na mu kyeꞌMiisiri, na mu kyeꞌPaturo, na mu kyeꞌHendyopiya, na mu kyeꞌHelamu, na mu kyeꞌShinaari, na mu kyeꞌHamaati, kiri na mu tulira.

Hisaaya 2:16

Kiri naꞌmashuba gooshi, kundu galimbisiibwi bweneene, agagashereeza.

Hisaaya 24:15

Na ábali isheere, bagweti bagamúyivuga. Yehe ye Nahano Rurema waꞌBahisiraheeri. Iziina lyage, likizi huuzibwa kiri na mu bandu ba mu tulira.

Hisaaya 42:10

Mukizi yimbiraga Nahano ulwimbo luhyahya! Mukizi múyimbira lwo, hooshi mu kihugo. Mukizi múyimbira, mwe muli mu balama mu nyaaja, na mwe biremwa íbiziri mwo. Mukizi múyimbira, mwe bandu ábatuuziri mu mbeka zeꞌkihugo.

Hisaaya 42:4

Atâye vunike umutima, atanâye hebuure. Agayitanga, halinde abandu booshi balonge íbikwaniini. Kwokwo, ikyanya agayigiriza, ibinyamahanga bigakizi biika amagambo gaage kwoꞌmulangaaliro.

Hisaaya 43:4

Emwe! Yabo bandu bingi, keera nꞌgabatanga, lyo nimùlonge. Mukuba, nimùkuuziri, ninamùsimbahiri. Mwehe, mwe muli neꞌkishingo bweneene imbere lyani.

Hisaaya 43:6

Ngabwira ikisaka neꞌmbembe: “Muleke abandu baani banyijire. Mutabahangirire!” Mungalulire bagala baani na banyere baani, balyoke mu mahanga, heꞌkihugo kihekiiri.

Hisaaya 46:13

Ngiisi íbikwaniini, ngola ngabigira. Bitaganaki tinda, si ngola ngamùkiza bwobuno. Ngola ngakiza akaaya keꞌSayuni. Na mbiike ubulangashane bwani mu Bahisiraheeri.»

Hisaaya 49:1

Mweshi, mwe mutuuziri mu mahanga! Munyuvwirize. Ikyanya ndazi butwa, Nahano âli mali gwanwa ambamagala. Ee! Ikyanya nâli ki riiri mu nda ya maawe, âli mali gwanwa anyinika iziina.

Hisaaya 49:22

Nahano Rurema adetaga kwokuno: «Lolagi! Ngayeheza, mu kuhamagala ibinyamahanga. Ngashinga irembera, kabe kalangikizo imwabo booshi. Bagayija batengetiiri abaana biinyu boꞌbutabana, banabe babetwiri abanyere ku bitugo.

Hisaaya 51:5

Ngola ngamùkiza, namùleetere ibyoꞌkuli. Yibyo byoꞌkuli, ngabileetera kiri neꞌbinyamahanga byoshi, mu kukoleesa ubushobozi bwani. Yabo booshi bakolaga bagandangaalira, halinde mbatabaale.

Hisaaya 55:5

Yibyo binyamahanga, kundu utabiyiji, ikyanya ugabitumira, binakuyitabe. Ee! Bigayija ngana, bwo Nahano keera akakugingika. Ye Rurema wawe, anali Mutaluule waꞌBahisiraheeri.

Hisaaya 57:17

Íbitumiri nꞌgarakarira Abahisiraheeri, bwo bâli kizi gungana, mu kuyilundira ifwaranga. Kwokwo, nanabahaniiriza ku buraakari bwani, nanabahindulira ingoto. Kundu kwokwo, baki genderiiri ukukizi yifunda mu byebyo bitalaalwe.

Hisaaya 60:4

Muyinamulage amasu, munalegamire imbande zooshi! Abandu bakola mu mùkuumanira. Bagala biinyu bakola mu lyoka mu mahanga. Kiri na banyere biinyu, bali mu yija babegesirwi.

Hisaaya 60:6

Ubuso bwingi bweꞌngamiya, bugazinga mu kihugo kiinyu. Zigalyoka i Sheeba, mu mulala gwaꞌBamidyani, na mu gwa Hefa, bakuletiiri inooro noꞌmubadu. Neꞌkyanya bagayijaga, bagayimbira Nahano ku kisegengo.

Hisaaya 66:12

Nahano adetaga kwokuno: «Akaaya keꞌYerusaleemu, ngakaleeta mwoꞌmutuula, gukizi hinga nga lwiji. Ubugale bweꞌmahanga, bugakizi mùyijira, nga lwiji úluyijuliiri. Ngakizi mùkuya-kuya, nga kwoꞌmukazi ali mu kuya-kuya umwana mwanuke. Ali mu múbiika ha kambokwa, anamúlere, iri anamúshaasa.

Yeremiya 3:17

Ku yikyo kyanya, i Yerusaleemu igakizi detwa Kitumbi kya Nahano. Abandu booshi bagakuumana yo, gira bakizi ngingika. Batagaki ba mindagabika. Si amabi ágalyagagi mu mitima yabo, bagagatwikira kwo.

Yeremiya 30:19

Ngiisi ábagatuula mwo, bagashubi yimba inyimbo zoꞌbwivuge, iri banabanda akabuuli. Ngaaluza abaana baabo, halinde banaluguuke ngana-ngana! Ngabagingika bweneene, ndaanaye úgashubi banegura.

Hezekyeri 39:7

Ngayereka abandu baani Abahisiraheeri ngiisi kwiꞌziina lyani liri lyeru. Ndagaki leka kwo likizi gayirizibwa. Haaho, lyeꞌbinyamahanga bigaamenya ku kasiisa kwo nie Nahano, Rurema Mutaluule waꞌBahisiraheeri.

Mika 4:13

Nahano adetaga kwokuno: «E bandu beꞌYerusaleemu, muyimuke, gira mubakubule. Ngamùshoboleesa, mube nga muhiiti amahembe geꞌbyuma neꞌbinogosho byoꞌmulinga. Kwokwo, yibyo binyamahanga mugabitema-tema bitolo-bitolo. Noꞌbugale bwabo, munayiji bundangira nie Nahano, bwo nie ndwaziri amahanga gooshi.»

Mika 7:12

Yikyo kyanya, abandu biinyu bagayiji mùgalukira. Bagalyoka i Hasuriya, halinde mu twaya tweꞌMiisiri, kiri ku lwiji Hefuraati. Baganalyoka ku nyaaja, na ku migazi íri hala.

Sefaniya 2:11

Kwokwo, agababiika mweꞌkyoba bweneene, anashereeze imizimu yoshi mu kihugo kyabo. Abandu baꞌmahanga gooshi bagakizi yikumba Nahano, ngiisi bandu mu kihugo kyabo.

Zakariya 14:14

Balya Bayuda, bagaalwa ha Yerusaleemu. Baganashahula ibindu bya birya binyamahanga batuliinwi, ngeꞌnooro, neꞌharija, neꞌbyambalwa byeꞌkishingo.

Luka 2:32

Yubwo bukize guli mulengeerwe gwoꞌkuyerekana injira yawe mu batali Bayahudi, halinde abandu baawe Abahisiraheeri bagingikwe.»

Yohana 17:26

Mukuba, keera nꞌgakumenyeesa mu kati kaabo. Nganagenderera ukukizi kumenyeesa imwabo, halinde yulwo rukundo lwo unguuziri, nabo lubayame mwo. Na naani nienyene, mbayame mwo.»

Mikolezi 9:15

Nahano, ti: «Gendaga naaho! Uyo mundu, nienyene keera namútoola kwo abe mukozi wani. Agakizi genda ali mu menyeesa iziina lyani mu batali Bayahudi, na mu baami baabo, kiri na mu Bayahudi kwakundi.

Bagalatiya 3:26

Bwo mweshi mukoli yemiiri Yesu Kirisito, mukola baana ba Rurema.

Bagalatiya 4:26

Haliko twehe, maawe kali kaaya keꞌYerusaleemu ákali mwiꞌgulu. Na koohe katatuuziri mu buja!

Yoshwa 9:9

Banamúshuvya: «Twe bakozi baawe! Tukalyoka mu mahanga ágali hala ngana. Twayija, bwo tukayuvwa ngiisi kwiꞌziina lya Rurema Nahamwinyu, ligweti ligahuuzibwa. Keera twanayuvwa ngiisi kwo âli kizi gira mu kihugo kyeꞌMiisiri.