Hisaaya 60:2 - Kifuliiru

² Lolagi! Ikihulu kya namudidi kikoli yidisiri mu mahanga gooshi, kinakoli bwikiiri abandu baago booshi. Haliko mwehe, Nahano ali mu mùtunduukira kwo. Noꞌbulangashane bwage bukoli mùbonesiri mwo.

Hisaaya 60:2 ပူးပေါင်းရင်းမြစ်များ

1 Baami 8:11

kiri mwoꞌbulangashane bwa Nahano. Yubwo bulangashane bwanayaka bweneene, halinde abagingi batanaki longa ubulyo bwoꞌkugira umukolwa gwabo.

Zaburi 102:16

E Nahano, ibinyamahanga bigakizi juguma imbere lyawe. Abaami baabo, banakizi kugingika.

Zaburi 80:1

Izaburi ya Hasafu, imwoꞌmwimangizi waꞌbimbi. Luli mu yimbwa neꞌnanga.

Hisaaya 2:5

E beene Yakobo, muyijage, tukizi genda mu mulengeerwe gwa Nahano!

Hisaaya 4:5

Ha nyuma, Nahano agabwikira umugazi Sayuni, kuguma naꞌbandu booshi ábagukumaniri kwo. Emwe! Mwiꞌzuuba, agaleeta ikibungu kyeꞌkyusi. Na bushigi, analeete umuliro, halinde ubulangashane bwa Nahano bunakizi ba kibwikwa.

Hisaaya 58:10

Si ábashalisiri, mu kizi bashaluula. Na ábali mu libuzibwa, mukizi bakuya-kuya. Kwokwo, lyo mugakizi moleka mu kihulu. Ee! Mugakizi langashana, ngiꞌzuuba lya kalenge-renge.

Hisaaya 58:8

«Iri mwangakizi gira kwokwo, mugatanguula nga mulengeerwe gwa ku lukula. Munayami kira, buzira kutindirira. Imikolezi yinyu miija, igakizi gwanwa imbere liinyu, naani na ngizi mu kulikira ngweti ngamùlanga noꞌbulangashane bwani.

Hisaaya 62:1

Bwo nguuziri akaaya keꞌYerusaleemu bweneene, ngagenderera ukukizi kadetera, ndanâye hulike. Ee! Akaaya keꞌSayuni, ndagaleka ukukahuunira, halinde mbone kwo kaguluulwa, kanatanguule nga mulengeerwe gwa ku lukula. Íbikwaniini bikizi boneka mu kati kaako. Noꞌbukize bunakizi kayaka mwo ngiꞌtara.

Hisaaya 66:11

Mugakizi holeera, munayigute, ngoꞌmwana úgweti úgayonga ibeere. Mugakizi longa akanyabungaka keꞌbindu byayo biija, ubulangashane bwayo bunakizi mùshambaaza.

Hisaaya 8:22

Ngiisi ho bagakizi lola, bagalonga naaho ubuhanya, neꞌkihulu, naꞌmakuba mingi-mingi. Na ha nyuma, boonyene banalashwe mu kihulu kya namudidi.

Yeremiya 13:16

Mukizi huuza Rurema Nahamwinyu, átazi mùyingiza mu kihulu, mútanazi siitara mu migazi hiꞌgulu lyeꞌkihulu. Kundu mulangaalire kwoꞌmulengeerwe gugamùtanguulira, haliko hali ikyanya angamùtumira ikibungu kiiru, neꞌkihulu namudidi.

Hezekyeri 10:4

Na ngiisi ho birya biremwa byâli riiri, hanaboneka ubulangashane bwa Nahano, bwanagendi beera ku mulyango gweꞌyo nyumba. Kirya kibungu kyanayami kwira mwiꞌrya nyumba ya Rurema yoshi. Kiri noꞌlubuga lwanayami keyengana noꞌbulangashane bwage.

Balaawi 9:23

Musa na Harooni banayingiraga mu lirya iheema lyeꞌmihumaanano. Neꞌri bakahuluka mwo, banashubi gashaanira abandu. Haaho-haaho, ubulangashane bwa Nahano bwanayami tanguula imbere lyaꞌbandu booshi.

Muharuuro 16:19

Koora anakuumania abakulikizi baage booshi ha mulyango gwa lirya iheema, gira bahagane na yabo bombi. Lyeryo ngana, ubulangashane bwa Nahano bwanayami batanguulira booshi.

Mataayo 15:14

Ku yukwo, yabo Bafarisaayo, mutakizi batwaza! Si biri birongoozi íbihumiri! Imbumi, iri yangarongoora iyabo, si zombi zigatibukira mu kishimo!»

Mataayo 23:19

Si mulyagagi imbumi! Aaho! Biki íbikuliiri ibyabo? Ka lirya ituulo, kandi iri akatanda ko liri kwo? Si yako katanda ko katumiri yiryo ituulo likola litaluule!

Mataayo 23:24

E birongoozi íbihumiri! Si muli mu shongoola ihituuku mu magoloovi, munagweti mugaganywera mweꞌngamiya!

Yohana 1:1

Ku ndondeko, Igambo âli kola ho. Uyo Igambo bâli tuliinwi na Rurema, anâli ye Rurema yenyene.

Yohana 1:14

Ulya Igambo, akayiji ba mundu, anayiji tuula mu kati kiitu. Twanabona ubulangashane bwage. Mukuba, âli kininga kya Yishe, anâli yijwiri mwoꞌbugashaane, noꞌkuli.

Yohana 1:18

Ndaaye mundu úzindi bona Rurema. Kundu kwokwo, ulya mwana wage weꞌkininga, ye kayiji tumenyeesa ye, bwo bayamiinwi.

Yohana 8:55

Si mutamúyiji! Haliko niehe nimúyiji! Neꞌri nangadesiri kwo ndamúyiji, iri naaba munabibeesha nga mwehe. Haliko nimúyiji, na nyamiri nzimbahiri amagambo gaage.

Mikolezi 14:16

«Yaho keera, akalekeerera abandu beꞌmilala yoshi, bakizi vujuuka mu ngiisi byo baloziizi.

Mikolezi 17:23

Ikyanya njuba mu genda ngalenga mu kano kaaya, nabona ngiisi byo muli mu yikumba. Nanabonaga kiri naꞌkatanda koꞌkutangira kwaꞌmatuulo, ákayandisirwi kwo yaga magambo: “Imwa úli mu yikumbwa útayijikiini”. Aaho! Uyo ye mugweti mugayikumba buzira kumúmenya, ye na yoyu ye ngweti ngamùmenyeesa.

Mikolezi 26:18

gira ubazibuule amasu, halinde balyoke mu kihulu, na mu bushobozi bwa Shetaani. Banayiji tuula mu mulengeerwe gwa Rurema. Kwokwo, lyo bagaakogwa ibyaha byabo, banabe kuguma naꞌbandi booshi keera ábakayeruusibwa ku njira yoꞌkunyemeera.”

2 Bakorindo 3:18

Kwokwo, tweshi, amalanga giitu gakola mabwikuule, tunakola mu bonekaga mwoꞌbulangashane bwa Nahano! Tunali mu hindulwa, halinde tumúshushe, iri tunakizi yushuuka mwoꞌbulangashane bwage. Yubwo bulangashane, bulyosiri imwa Nahano, anali ye Mutima.

Bakolosaayi 1:13

Rurema keera akatukiza mu bwami bweꞌkihulu, anatuleeta mu bwami bwoꞌMwana wage mukundwa.

1 Peturu 2:9

Haliko mwehe, Rurema keera akamùtoola, anamùhamagala kwo mulyoke mu kihulu, munayingire mu mulengeerwe gwage gwaꞌkahebuuza. Na buno, mukolaga bandu baage. Mukola bagingi mu bwami bwage, munakola mulala mutaluule. Kwokwo, mukwaniini mukizi múhuuza.