Hisaaya 57:9 - Kifuliiru

⁹ Muli mu yidadabika amalaasi, kiri naꞌmavuta, gira mugendi simiisa umuzimu Moleki. Munali mu lungika abandu iyo munda neꞌyo munda, kiri neꞌnakwere, mbu bagendi yiloogeza byoꞌkuyikumba.

Hisaaya 57:9 ပူးပေါင်းရင်းမြစ်များ

Migani 7:17

Keera nanabishangira kwoꞌmubadu, naꞌmanemane, neꞌhudi, noꞌmudalasini.

Hisaaya 2:9

Yabo bandu bagaki teezibwa ishoni, banateteerwe. E Rurema, utakolwe kwo wabakoga kiri neꞌhiniini!

Hezekyeri 16:33

«Si abashosi bo batuula baliha babulambe baꞌbakazi! Halikago wehe, we mu honga abashosi ukulyoka imbande zooshi, gira bakizi yiji kusambana.

Hezekyeri 23:16

«Uyo Oholiba, iri akabonaga kwokwo, haaho anayami lungumirwa, analungika abandu imwabo i Babeeri.

Hezekyeri 23:40

«Hali neꞌkyanya bakatumira abashosi ukulyoka i mahanga, banayija. Ohola na Oholiba banagendi yikaraba, banayilaba ku bisike, banayambala noꞌbungeni-ngeni,

Danyeri 11:36

«“Uyo mwami agakizi gira nga ngiisi kwo aloziizi. Agakizi yikuza, mu kudeta kwo ye himiri ngiisi íbiyimbwa ho, íbiri mu yikumbwa. Kiri na Rurema úli hiꞌgulu lya byoshi, agakizi mútuka, mu kukizi deta íbitali nga byo. Uyo mwami agakizi genduukirwa, halinde ku kyanya uburaakari bwa Rurema bugaaba keera bwakoleka. Mukuba, ngiisi íbikashungikwa, bikwaniini bikoleke.

Hosheya 12:1

Beene Hifurahimu keera bambetuza ikinyoma. Abahisiraheeri, si bagweti bagandyalyania. Abayuda nabo, batatwaziizi Rurema, kundu alyagagi Mutaluule, anali mwemeera.

Hosheya 7:11

«Beene Hifurahimu balyagagi nga ngunde íri mu hendwa duba-duba. Bali mu tee tabaaza abandu beꞌMiisiri. Ha nyuma, banabuli gendi tabaaza abeꞌHasuriya.

Bakolosaayi 2:18

Mutanakizi ki yemeera ukutwirwa ulubaaja na ábali mu siima ukuyibiika haashi mu kati koꞌbulyalya. Boohe, bagweti bagayikumba abaganda, banali mu lomboojera bweneene ku mabone go bali mu bona. Banali mu yiheemya ku magambo goꞌbusha-busha, gatanalyosiri imwa Rurema.