Hisaaya 57:14 - Kifuliiru

¹⁴ Nahano adetaga kwokuno: «Muvwaruke, mulingaanie injira! Mugishongaanie, halinde abandu baani balonge ukulyoka mu mahanga.»

Hisaaya 57:14 ပူးပေါင်းရင်းမြစ်များ

Zaburi 68:4

Haliko, abandu boꞌkuli boohe, bakizi shagaluka imbere lyawe. Bakizi ba naꞌmalega, iri banakuyimbira ku bushambaale.

Hisaaya 35:8

Iyo munda igaaba injira mbamu. Iyo njira, iziina lyayo «Njira yaꞌbataluule bali mu lenga mwo». Abandu ba Rurema naaho, bo bagagilenga mwo. Si abanabitalaalwe boohe, batâye hanguulwe. Kiri naꞌbahwija, ndaaye úgagiterekera mwo.

Hisaaya 40:3

Umundu agweti agayiberekania kwiꞌzu lihamu, ti: «Mushongaanize Rurema Nahamwitu injira mwiꞌshamba. Ee! Mugendi múgololera yo, halinde alonge ho agakizi lenga bwija.

Hisaaya 49:11

Imigazi yoshi, ngagibera mweꞌnjira. Iyo njira inakizi lenga áharambagiiri.

Hisaaya 62:10

E batuulaga beꞌYerusaleemu, muhuluke mu kaaya! Ee! Muhulukage, mulingaanize abandu biinyu injira, gira bagaluke. Ngiisi áhali ibihomogolo, muhaseemanie. Na áhali amabuye, mugalyosagye. Mubiike irembera, likizi languula abandu ho bagalenga.

Yeremiya 18:15

Halikago abandu baani, boohe, keera bakanyibagira. Bagweti bagayokera imizimu umubadu. Injira nyiija yo bâli tuuziri mwo, keera bakagijanda, banakola mu vujuuka mu mishodoko.

Barumi 14:13

Ku yukwo, tutakizi ki twirana ulubaaja. Muhige naaho, kwo hatagire ikindu kyo mugakizi siitazania kwo, kandi iri kuhubiisania kwo.

1 Bakorindo 1:23

Halikago twehe, tuli mu yigiriza abandu hiꞌgulu lyoꞌkuyitwa kwa Kirisito ku kibambo. Biri kwokwo, kundu mu Bayahudi, yiryo igambo kiri kisiitaza. Na mu bandu beꞌgindi milala, liri mu bonwa kwo buhwija.

1 Bakorindo 8:13

Ku yukwo, iri mwene witu Mukirisito angagwa mu byaha hiꞌgulu lyeꞌnyama zo ndi mu lya, ndâye ki zilye, gira ndayiji kengeera namúsiitaza.

1 Bakorindo 8:9

Kwokwo, mwe mukoli hangwirwi ku birebe, mukizi lola bwija, mutayiji kengeera mwasiitaza ábatakaniri!

2 Bakorindo 6:3

Tutaloziizi kweꞌmikolwa yitu iyiji kengeera yashembuulwa. Kyo kitumiri tutali mu siitazania.

Baheburaniya 12:13

Na bwo mukola mu shunuka, «mukizi lenga mu njira ízishongiini,» gira lyo mukalonga ukukizibwa. Mutayiji kengeera mwalunguluka.