Hisaaya 57:13 - Kifuliiru

¹³ Aaho! Iyo migisi yinyu, ikyanya mugagitabaaza, ikabaagage yo igamùtabaala! Si iri mu yehuulwa neꞌmbuusi. Kiri neꞌkyanya mugagifuuhira umuuka, gugagiyehuulira hala. Si ngiisi ábali mu ba banyegamiiri, boohe, bo bagahyana ikihugo, kuguma noꞌmugazi gwani mweru.

Hisaaya 57:13 ပူးပေါင်းရင်းမြစ်များ

2 Baami 3:13

Ikyanya bakahika, ulya Hirisha anabuuza mwami waꞌBahisiraheeri: «Biki byo undoziizi kwo? Ugendi buuza abaleevi ba yisho, kiri naꞌba nyoko.» Mwami waꞌBahisiraheeri, ti: «Twe baami kwo tuli bashatu, Nahano yenyene ye katukuumania. Halikago buno, tukola tugabiikwa mu maboko ga mwami weꞌMohabu.»

Hayubu 21:18

Boohe, batali mu yehuulwa nga byasi, batanali mu kumuulwa neꞌkihuhuuta.

Zaburi 1:4

Si balya banangora-mabi, nanga! Boohe, bali mu saazibwa ngana, nga biguhulu íbiri mu yehuulwa neꞌmbuusi.

Zaburi 118:8

Tukwaniini tukizi tibitira Nahano, ho twangalangaalira abandu.

Zaburi 125:1

Luli mu yimbwa na ábali mu zamuukira i Yerusaleemu. Ngiisi ábabiisiri Nahano kwoꞌmulangaaliro, bali mu ba ngoꞌmugazi Sayuni. Yugwo mugazi, gutâye shagale. Si gugayama guli ho, halinde imyaka neꞌmyakuula.

Zaburi 37:11

Haliko abatuudu, boohe, bo bagahaabwa ikihugo, banakishagalukire mu kati koꞌmutuula.

Zaburi 37:22

Ngiisi bo Nahano ali mu gashaanira, bo bagahyana ikihugo. Haliko, ngiisi bo agweti agadaaka, boohe, bagashereezibwa.

Zaburi 37:29

Ngiisi ábakwaniini, bo bagahyana ikihugo, banakituule mwo imyaka neꞌmyakuula.

Zaburi 37:3

Haliko wehe, ukizi biika umulangaaliro imwa Nahano, unakizi gira amiija. Kwokwo lyo ulonga ukutuula mu kihugo, unabe nga kibuzi íkiragiiri mu ndagiriro mu mutuula.

Zaburi 37:34

Ukizi langaalira Nahano, unakizi múkulikira. Kwokwo, lyo agakukuza, halinde unatwale ikihugo. Haliko, balya banangora-mabi boohe, ugaabona ngiisi kwo bashaazibwa mwo.

Zaburi 37:9

Ngiisi banangora-mabi, bagaki twibwa mu kihugo. Haliko ábabiisiri Nahano kwoꞌmulangaaliro, boohe, bagakihyana.

Zaburi 58:9

Ee! Banyerere nga kweꞌkishongo kiri mu nyerera mwiꞌzuuba. Banabe ngiꞌbunda íryashalamuka, buzira kubona izuuba.

Zaburi 84:12

Nahano Rurema ye mulengeerwe gwitu, ye na siribo yitu. Agweti agatugashaanira, iri anatugingika. Ee! Ngiisi ábayamiri bali buzira mahube, ndaakyo kindu kiija kyo ali mu bayima.

Migani 28:25

Umuzizi weꞌbindu ali mu kizi vyula imilongwe. Si úbiisiri umulangaaliro imwa Nahano, yehe agagenduukirwa.

Hisaaya 11:9

Mu mugazi gwani mweru, batagaki komeresania, kandi iri kushereezania. Nga kweꞌnyaaja iyijwiri mwaꞌmiiji, kwo na kwokwo, neꞌkihugo kyoshi kigayijula mwaꞌbandu ábakoli yiji Nahano.

Hisaaya 14:32

Aaho! Yizo ndumwa ízilyosiri mu Bafirisiti, kutagi kwo tugabashuvya? Tubabwirage kwokuno: «Akaaya keꞌSayuni, Nahano yenyene keera akakasikamya. Abandu baage bakeni, bagakizi katibitira mwo, halinde balongage ukulangwa bwija.»

Hisaaya 25:4

Ikyanya abandu bakolaga noꞌbukaholwe, uli mu balanga. Ee! Uli mu langa abakeni ku kyanya bakoli goozirwi. Abagoma, ikyanya bakola mu bahonda-honda, balyagagi nga kihuhuuta kikayu, íkiri mu yipukula ku kibambaazi, kandi iri ngiꞌdugumbo yiꞌzuuba írigweti ligakizi babaza. Kundu kwokwo, ukiri mu bakingira.

Hisaaya 40:24

Yabo batwali balyagagi nga mbuto. Ikyanya ziri mu byalwa, zinatondeere ukumera. Haliko, ikyanya ziri mu yisa imizi mwiꞌdaho, haaho, ali mu zifuuha, zinayami bogama. Imbuusi ngayu iri mu yami ziyehuulira hala nga byula!

Hisaaya 41:16

Ee ma! Yabo bagoma, mugakizi bayeluula, halinde ikihuhuuta kinabatwale hala. Si mwehe, mugasigala mugweti mugashambaalira Nahano, munakizi huuza Rurema waꞌBahisiraheeri, ulya Mutaluule.

Hisaaya 45:20

«Mwe mukafuushukaga mu mahanga! Mukuumane kuguma, munanyijire. Bandu baguma bali mu gugumira imigisi, ikanabaajwa mu biti naaho! Haliibwi! Si balyagagi bahwija naaho! Irya migisi, kundu itashobwiri ukubakiza, si bakiri mu gitabaaza.

Hisaaya 49:8

Nahano adetaga kwokuno: «Ku kyanya íkikwaniini, ngakuyuvwa. Na ku lusiku lwoꞌbukize, ngakutabaala. Ngakizi kulanga, unabe we ganywaniisa abandu baani ikihango. Unayubakulule ikihugo, halinde abandu banashubi tuula mwo.

Hisaaya 56:7

Yibyo binyamahanga, ngabileeta ku mugazi gwani mweru, na mbishambaaze mu nyumba yani yaꞌmahuuno. Ikyanya bigatanga amatuulo goꞌkusiriiza lwoshi, kuguma naꞌgandi matuulo, yibyo byoshi biganzimiisa. Inyumba yani igakizi buuzibwa: Nyumba yaꞌmahuuno imwaꞌbandu beꞌmilala yoshi.

Hisaaya 60:21

«Mweshi mugakizi gira íbikwaniini, munahyane ikihugo imyaka neꞌmyakuula! Mugaaba ishibwe lyo nꞌgayibyalira. Mukuba, nꞌgamùbumba naꞌmaboko gaani, gira mukizi mbuuza.

Hisaaya 65:11

«Haliko mwe bandi, si mukola mu njajaaka nie Nahano, munayibagire i Sayuni, umugazi gwani mutaluule. Mukola mu yikumba ibindi-bindi íbiri mu yikumbwa, iri munabitangira neꞌdivaayi, mbu lyo mulonga umudaaho.

Hisaaya 65:25

Yaho ku mugazi gwani mutaluule, ndaaye úgakomeresibwa, kandi iri kuyitwa. Imirunga neꞌbibuzi bigaragirira kuguma. Indare zigakizi yahirirwa nga ngaavu. Halikago umujoka gwohe, ibyokulya byagwo, lugaaba luvu naaho.» Kwokwo, kwo Nahano adesiri!

Hisaaya 65:9

Ngakizi gashaanira Abahisiraheeri, beene Yakobo. Abaana baabo bagahyana ikihugo kyani. Yikyo kihugo, ngiisi bo nꞌgatoola, bo bagakihyana. Balyagagi bakozi baani, bo baganakituula mwo.

Hisaaya 66:20

«Yabo bandu, kwokwo kwo bagagalula beene winyu booshi ukulyoka mu mahanga. Booshi banayije halinde i Yerusaleemu, ku mugazi gwani mutaluule. Baguma bagayijira ku fwarasi, naꞌbandi ku punda, naꞌbandi ku ngamiya, naꞌbandi mu magaare. Yabo booshi, bagaleetwa ngiꞌtuulo írikwaniini imwani.

Yeremiya 2:28

Aahago! Iyo migisi yo mukayibaajira, hayagi iri? Ngahwe! Ikyanya mugakizi goorwa, leka ibe yo igakizi mùkiza. E Bayuda, imigisi yinyu iluguusiri bweneene, nga kwoꞌtwaya twinyu tuli.

Yeremiya 22:20

«E beene Yuda, muzamuukire ku migazi yeꞌLebanooni, iri munaliruuka. Muyidehereze ku nduulu, halinde ihike i Bashaani. Munagendi berangira uluhande lweꞌmigazi yeꞌHabariimu. Si abiira biinyu booshi, keera bakaminikwa!

Yeremiya 22:22

Abimangizi biinyu booshi, imbuusi igabahuusa kwo, inabashaaze. Kiri naꞌbiira biinyu, bagatwalwa imbohe. Galya mabi gooshi go mwâli kizi kola, gagamùteeza ishoni.

Yeremiya 30:14

Mu booshi ábashubi mùtabiiri, ndaaye úki mùtwaziizi. Si booshi bakoli mùyibagiiri. Amabi giinyu, gakoli leeziri ulugero bweneene. Neꞌbyaha biinyu, bikoli luguusiri. Kwokwo, ngola mu mùharuura nga bagoma baani, keera nanamùhaniiriza, buzira kumùyuvwira indengeerwa.

Hezekyeri 20:40

E Bahisiraheeri! Mweshi, mwâye gendi ngolera ku mugazi gwani mweru, gulya mugazi gwaꞌBahisiraheeri. Kwokwo, kwo nie Rurema Nahamwinyu ndesiri. «Ku yugwo mugazi, ho nâye mùyakiirire. Ho nganalinda kwo mundeetere amatuulo giinyu gooshi, ngiisi ágakwaniini, ganabe mataluule.

Hosheya 13:3

Yabo bandu, bwo bakagiraga kwokwo, baganyerera nga luuta lwa shesheezi, banamale nga kimi, ku kyanya izuuba liri mu tunduuka. Bagayeluulwa nga byula ha kiyeluuliro. Banabe nga kyusi, íkiri mu huluka imbuga mu kulenga ha kaazo.

Zakariya 7:13

Anakyulaga, ti: «Ikyanya nꞌgabahamagalaga, batanandwaza, kyanatuma nabo, ikyanya bakandabaaza, ndanabayakula.

Batwi beꞌmaaja 10:14

Na bwo keera mukatoola imigisi yinyu, ibe yo mugendi takira. Inabaagage ye gamùkiza mu gano malibu.»