Hisaaya 57:12 - Kifuliiru

¹² Yago mabi, kundu mugweti mugaatona kwo biri biija, haliko ndaabyo gagamùyungula.

Hisaaya 57:12 ပူးပေါင်းရင်းမြစ်များ

Hisaaya 29:15

Yayewe imwa ábali mu gira mbu babishe Nahano byo bashungisiri. Muli mu kola amabi mu kihulu, iri munadeta: «Si ndaaye útubwini! Aaho! Ngiisi byo tuli mu gira, nyandi úgabimenya?»

Hisaaya 44:9

Ngiisi ábagweti bagabaaja imigisi, balyagagi tufwa-busha. Kundu bali mu gihuuza, si ndaako kamaro ko ibahitiiri. Ngiisi ábali mu gitangira ubumasi ziryagagi mbumi, banali bahwija. Yehee! Si bâye teezibwe ishoni!

Hisaaya 58:1

Nahano adetaga kwokuno: «Ukizi banda akashiba! Utanayihangirire! Uyiberekaanie bukayu, kwiꞌzu nga lyeꞌkibuga! Umenyeese abandu baani ngiisi kwo keera bahubira Rurema, mu kukizi yifunda mu byaha.

Hisaaya 64:5

Tweshi tukoli yulubiiri. Na kundu twangatoniri kwo twagira íbikwaniini, haliko imikolezi yitu yoshi, ikola nga mulondo úguyulubiiri naaho. Ibyaha biitu keera byatuyumya, tunakolaga nga bukere úbuli mu yehuulwa neꞌmbuusi.

Hisaaya 65:7

Ee! Ngayihoola ibyaha byabo, halinde kiri neꞌbyaha bya bashokuluza baabo. Si bâli kizi yokera imizimu yabo umubadu ku migazi, na ku tugangazi, banâli kizi ndeegeza heꞌshoni. Kwokwo, ngabahana nga kwo bibakwaniini, ukukulikirana na kwo bâli kizi gira yaho keera.” Kwokwo, kwo nie Nahano ndesiri.»

Hisaaya 66:18

«Byoshi byaꞌbandu bagweti bagaakola, mbiyiji-yiji. Nyiji kiri neꞌnzaliro zaabo. Buno, ngola mu kuumania abandu beꞌmilala yoshi, naꞌbeꞌndeto zooshi, gira babone ubulangashane bwani.

Yeremiya 10:11

Yabo banamigisi, mugendi babwira kwokuno: «Iyo migisi, itali yo ikalema igulu neꞌkihugo. Si igamalaga lwoshi, itanaki boneke mu kihugo, kandi iri mwiꞌgulu.»

Yeremiya 10:14

Si abandu boohe, biri bizeeze, ndaanabyo bayiji! Abatuzi, bali mu yagagala ngana mu kutula imigisi! Si iri ya bibeesha ngana! Ndaabwo bugumaana ihiiti.

Yeremiya 10:15

Ndaako kamaro ko ihiiti. Si iri ya kuhonyoleza naaho. Ikyanya Nahano agagihana, igaahera lwoshi!

Yeremiya 51:18

Ndaako kamaro ko ihiiti. Si iri ya kuhonyoleza naaho. Ikyanya Nahano agagihana, igaahera lwoshi.

Mataayo 23:13

«Yayewe imwinyu, mwe bigiriza beꞌmaaja naꞌBafarisaayo! Si mulyagagi balyalya! Umulyango gwoꞌkuyingira mu bwami bwa mwiꞌgulu, mugweti mugaguyigalira abandu! Mwenyene, mutali mu buyingira mwo. Neꞌkyanya abandi bagweti bagaagira mbu bayingire mwo, muli mu bahangirira. [

Mataayo 23:5

«Ngiisi byo bagweti bagaagira, biri mu ba naaho hiꞌgulu lyoꞌkuyiyeneneka. Ikyanya bali mu yambala utujumba twoꞌkubiika mwaꞌMandiko Meeru, bali mu tuyajabula. Neꞌmirembeezo yeꞌmirondo yabo nayo, bali mu gijolobola.