Hisaaya 57:11 - Kifuliiru

¹¹ Aahago! Mukoli yobohiri nyandi, halinde mukizi mbwira ikinyoma? Kituma kiki mutakiri mu ndwaza, kandi iri ukungengeera? Ngeeka mutakiri mu nzimbaha, bwo ngola kyanya ndi munyerere!

Hisaaya 57:11 ပူးပေါင်းရင်းမြစ်များ

Zaburi 50:21

Birya byoshi, ikyanya wâli kizi bigira, nâli yihulikiiri. Aahago! Ka kyo kitumiri ukoli toniri kwo ndi nga we? Nanga, maashi! Si buno, ngakukanukira ngana-ngana! Na ngulegeereze ku bweranyange.

Zaburi 78:36

Si bâli kizi gira mbu bamúlyeryege. Ee! Bâli kizi beesha imbere lyage.

Migani 29:25

Ikyanya tuli mu yoboha abandu, tuli mu yingira mu mutego. Si ngiisi úbiisiri Nahano kwoꞌmulangaaliro, yehe atuuziri mu butoge.

Mwigiriza 8:11

Baguma, kundu bagweti bagaagira amabi, halikago batali mu hanwa duba. Kwokwo, lyaꞌbaabo nabo bali mu ba bakoli shungisiri kwo bagendi gagira.

Hisaaya 26:10

Si banangora-mabi, boohe, kundu wangabagirira bwija, ndaazo ngesho nyija zo bali mu yiga. Bagenderiiri naaho ukukizi bihuuka. Na kundu ulyagagi Nahano woꞌbulangashane, si batakutwaziizi.

Hisaaya 30:9

Yabo bandu, kundu Nahano ali mu bayigiriza, si batamútwaziizi. Bali mu yifunda mu bibeesha naaho.

Hisaaya 42:14

Nahano adetaga kwokuno: «Nâli yamiri ndi munyerere. Ee! Nâli hulisiri, shee! Haliko buno, ngolaga ngabanda akaluulu, ngoꞌmukazi úgweti úgaabuta, anabe agweti agayinekeera, iri anahemagira.

Hisaaya 44:20

Aahabi! Inzaliro zaabo, ziryagagi ku munyota-kiiko naaho. Umundu mwene uyo, akoli habusiri, atanganahasha ukuyikiza. Anakoli vujuusiri mu bitali nga byo. Mu kati kaabo, ndaaye úwangatumburukwa, mbu adete: «Yoho wee! Kino nvumbiiti, gulyagagi mugisi kafwa-busha!»

Hisaaya 47:7

Wâli kizi yihaya kwokuno: “Niehe, nyamiri ndi mugoli.” Utâli zaazi kebukwa, mbu uyisalize ku byâye be.

Yeremiya 2:32

Umunyere, si atangayibagira ukuyilimbiisa noꞌbungeni-ngeni bwage! Noꞌmuhya-kazi atangayibagira ukuyambala ikanju lyage lyoꞌbuhya! Halikago abandu baani boohe, bakoli hisiizi isiku kandaharuurwa banyibagiiri.

Yeremiya 3:21

«Abandu bagweti bagayamuluka ku marango. Yayewe! Bahisiraheeri, yabo. Bakanyibagira, nie Rurema Nahamwabo, banakizi vujuuka mu bitali nga byo. Kyo kitumiri bakola mu bululuka, iri banahuuna kwo mbakejeerere.

Yeremiya 38:19

Mwami Zedekiya anabwira Yeremiya: «Hali Abayuda keera ábakayitanga imwa Bababeeri. Kwokwo, ngoli yobohiri kwo bangagendi mbiika mu maboko gaabo, banakizi ndibuza.»

Yeremiya 41:18

Mukuba bâli koli yobohiri Abababeeri, bwo Hishimaheeri mugala Netaniya âli mali yita Gedaliya. Noꞌyo Gedaliya, mwami weꞌBabeeri ye kamútoola kwo ye gaaba mutwali weꞌkihugo.

Yeremiya 42:20

Ikyanya mukambuuna kwo ngendi hanuusa Rurema Nahamwinyu, lyo mukayikululira gobwe-gobwe. Si mukambwira kwo ngiisi kwo agaadeta, kwo muganasimbaha.

Hezekyeri 13:22

«“Yabo bandu, kundu bâli kizi gira íbikwaniini, halikago ku njira ya birya bibeesha biinyu, mwâli kizi bavuna imitima. Si nienyene, ndali nie wâli kizi bavuna yo. Naꞌbandu babi nabo, mwanakizi bashimya kwo bagenderere mu mabi gaabo, halinde batanaki longa ubulyo bwoꞌkuyikiza.

Mataayo 25:25

Aaho! Nanayoboha, nanagendi bisha uludaha lwawe mu kuzimu. Ala! Uludaha lwawe, lwolu!”

Mikolezi 5:3

Uyo Hananiya, ikyanya akahikaga, Peturu anamúbwira: «E Hananiya, maki gano wagira! Kituma kiki waleka Shetaani ayifunda mu mutima gwawe? Ikyanya ukasigalana ku fwaranga zo walonga kwiꞌtongo lyawe, lyo wabeesha Umutima Mweru yenyene!

2 Batesaloniki 2:9

Uyo nangora-mabi, ikyanya agayijaga, agakizi kola ku bushobozi bwa Shetaani, anakizi bugira mweꞌbitangaaza bya kwingi-kwingi, mu kutebana.

1 Timoteyo 4:2

Yago migirizo gaayo, gagaleetwa naꞌbanabibeesha, mu kati koꞌbulyalya. Yabo balyalya, batakiri mu yiyeka ku mabi, bweꞌmitima yabo ikoli hiiziri.

Bwigule 21:8

Haliko, abahemu boohe, ahandu haabo hagaaba mwiꞌrya nyenga yoꞌmuliro kwo guli mu yaka bweneene. Bagalashwa mwo, kuguma na ábatali mu mbiika kwoꞌbwemeere, naꞌbanabitalaalwe, na ábali mu yitana, na ábali mu yerula, na ábali mu logana, na ábali mu yikumba imigisi, na ábali mu beesha booshi. Yulwo, lwo lugaaba ulufu lwa kabiri.»

Bwigule 22:15

Haliko, utubwa tugasigala imbuga lyako, kuguma naꞌbalozi, naꞌbashule, naꞌbiitani, na ábali mu yikumba imigisi, na ngiisi ábakuuziri ibibeesha, noꞌkukizi bideta-deta.