Hisaaya 56:2 - Kifuliiru

² Yibyo nadeta, ahiriirwi ngiisi úgabigira, anabe abifitiirwi kwo. Anabe asimbahiri ulusiku lweꞌSabaato, iri anayiyeka ukugira íbitali nga byo.»

Hisaaya 56:2 ပူးပေါင်းရင်းမြစ်များ

Nehemiya 13:17

Kyanatuma ngakanukira abatwali beꞌBuyuda, ti: «Makagi gano? Si mugweti mugagayiriza ulusiku lweꞌSabaato!

Zaburi 106:3

Bahiriirwi ábali mu kulikira ukuli, banakizi gira íbikwaniini isiku zooshi.

Zaburi 112:1

Tukizi huuza Nahano! Bahiriirwi ngiisi ábasimbahiri Nahano, banasimbahiri neꞌmaaja zaage.

Zaburi 119:101

Ngweti ngakizi yihangirira ku ngiisi mabi, gira ndonge ukukizi simbaha Igambo lyawe.

Zaburi 128:1

Luli mu yimbwa na ábali mu zamuukira i Yerusaleemu. Bahiriirwi, ngiisi ábali mu simbaha Nahano, banakizi múkulikira.

Zaburi 34:14

Kwokwo, akwiriiri akizi hangirira akanwa kaage, katakizi deta amabi, atanakizi beesha.

Zaburi 37:27

Kwokwo, utwikirage ku mabi, unakizi gira amiija, halinde lyo utuula isiku nyingi hano mu kihugo.

Kulyoka 20:10

Si ulusiku lwa kalinda lwohe, iri Sabaato ya Nahano Rurema wawe. Ku yulwo lusiku, hatagire hyo ugaakola, aba wenyene, kandi iri mugala wawe, kandi iri munyere wawe, kandi iri muja wawe, kandi iri muja-kazi wawe, kandi iri kitugwa kyawe, kandi iri kinyamahanga íkiri mu mwawe.

Kulyoka 20:8

«Utakizi yibagira ukutaluula ulusiku lweꞌSabaato.

Migani 14:16

Umwitegeereza ali mu simbaha Nahano, iri anayiyeka ukugira ibyaha. Si umuhwija yehe, atali mu twazania, anakizi yifunda mu ngiisi mabi.

Migani 16:17

Abandu biija bali mu yiyeka naꞌmabi. Ngiisi úli mu langa injira yage, ye mu langa noꞌburambe bwage.

Migani 16:6

Ibyaha bigaakogwa ku njira yoꞌkukundana noꞌkuyemeerana. Na mu kusimbaha Nahano, lyoꞌmundu ali mu kizi yiyeka amabi.

Migani 4:13

Ikyanya ndi mu kuyereka ubwitegeereze, ukizi bukania. Utanakizi buleka, mbu bukufuushuke. Ukizi bulanga bwija. Mukuba, bwo buhiiti akamaro ukuhima ibindi byoshi.

Migani 4:27

Utakizi habukira ilulyo, kandi iri ilumosho! Si ukizi yiyeka noꞌkugira amabi.

Mwigiriza 7:18

Kwokwo, ukwaniini ukizi tuula noꞌbwitonde, lyo ulonga ukukizi simbaha Rurema.

Hisaaya 56:4

Si yabo batungule, Nahano adetaga hiꞌgulu lyabo kwokuno: «Abatungule bakwaniini bakizi simbaha ulusiku lwani lweꞌSabaato, banakizi gira ngiisi byo ndoziizi, banabe basimbahiri ikihango kyani.

Hisaaya 56:6

Ibinyamahanga nabyo, hali íbikanyibiika kwo, kwo bigakizi ngolera, binabe binguuziri, iri binakizi nyikumba, binabe bisimbahiri ulusiku lweꞌSabaato, buzira kuluhubira, binabe bisimbahiri ikihango kyani.

Hisaaya 58:13

«Mukwaniini mukizi simbaha ulusiku lweꞌSabaato, mutanakizi lukola kwo nga ngiisi kwo muloziizi. Ee! Yulwo lusiku lwani lweꞌsabaato, mukizi lushambaalira, mu kungolera. Mukizi lusimbahiisa, iri munaleka ukulugira kweꞌmikolwa yinyu. Munalekage ukukizi lulongoola kwo.

Hezekyeri 20:12

Na kwakundi, nanabaheereza neꞌsiku zeꞌSabaato zaani, zikizi ba kyo kimenyeeso ha kati kiitu, halinde bamenye ku kasiisa kwo nie Nahano, na kwo ngweti ngabayeruusa.

Hezekyeri 20:20

Yizo siku zeꞌSabaato zaani, mukizi zisimbaha, halinde zinakizi mùkengeeza kwo nie Nahano Rurema winyu.”

Balaawi 19:30

«Mukizi simbaha isiku zaani zeꞌSabaato. Niꞌheema lyani lyeꞌmihumaanano, mukizi lisimbaha. Niehe, nie Nahano.

Luka 11:28

Yesu anamúshuvya: «Nanga! Si bahiriirwi, ngiisi ábagweti bagayuvwa Igambo lya Rurema, banakizi lisimbaha!»

Luka 12:43

«Ikyanya nahamwabo agabalamuka, iri angagwana ulya mukozi wage aki gweti agaagira kwokwo, iri uyo mukozi agaaba ahiriirwi!

Yohana 13:17

Yago magambo, mukoli gayiji. Aaho! Mugasimbahe, halinde lyo mukizi gashaanirwa!

Barumi 12:9

Mukizi kundana ku mutima úgushenguusiri. Ibibi, mukizi bishomba. Haliko ibiija byohe, mukizi bikania.

Bwigule 22:14

«Bahiriirwi ngiisi ábagweti bagaafula ibyambalwa byabo, gira lyo bahanguulwa ukulenga mu miryango ya yako kaaya. Banagendi lya ku bitumbwe bya kirya kiti kyoꞌbulamu.