Hisaaya 54:3 - Kifuliiru

³ Buno, ukola ugatabika uluhande noꞌlundi. Abaana ba mu kibusi kyawe, bakolaga bagahyana utwaya tweꞌbinyamahanga. Na kundu utwaya twabo twâli sigiiragi mushaka, si bakola bagayiji tutuula mwo.

Hisaaya 54:3 ပူးပေါင်းရင်းမြစ်များ

Ndondeko 26:22

Hisake anashubi lyoka yaho, anagendi humba ikindi kirigo. Si kyohe, batanaki kihambirira. Yikyo kirigo, anakiyinika iziina Rehobooti, (kuli kudeta: ndaraara). Anadeta: «Nahano leero atuheereza ino ndaraara, hanali ho twamu gangaaza.»

Ndondeko 28:14

Yabo bandu, banaluguuke, banabaagage kandaharuurwa nga mushenyu, halinde banakwire imbande zooshi zeꞌkihugo. Hiꞌgulu lyawe, na hiꞌgulu lyaꞌbandu ba mu kibusi kyawe, imilala yoshi ya mu kihugo igagashaanirwa.

Ndondeko 49:10

Abayuda bayamiragi bali neꞌngoni yeꞌkyami. Itaganalyoka mu magulu ga mwami wabo, halinde ukuhisa ku kyanya ulya úgikwaniini agaahika. Yehe, ibinyamahanga byoshi bigakizi músimbaha.

Hisaaya 14:1

Nahano agaki shubi kejeerera Abahisiraheeri, beene Yakobo. Ee! Agashubi bayereka kwo ye batooziri, babe bandu baage. Anashubi bagalulira mu kihugo kyabo. Ibinyamahanga nabyo, binayiji bayibiika kwo, halinde booshi banabe bakola boꞌmulala muguma naaho.

Hisaaya 14:2

Yabo Bahisiraheeri, ibinyamahanga byonyene bigakizi bagalula, binabatwale imwabo. Kundu byo byâli kizi vindagaza Abahisiraheeri, haliko leero, Abahisiraheeri bo bagabitwala imbohe mu kihugo kya Nahano, binahinduke baja baabo, naꞌbaja-kazi baabo, halinde banakizi bikoleesa.

Hisaaya 26:15

E Nahano, keera ukayushuula umulala gwitu, wanayushuula kiri neꞌmbibi zeꞌkihugo kiitu. Ku yukwo, tugweti tugakuhuuza.

Hisaaya 45:14

Nahano adetaga kwokuno: «Abamiisiri bagaaba bandu baawe, kuguma naꞌBahendyopiya, naꞌBasheeba. Ibindu byabo, we bigayegukira. Bagakizi yija bakushalagiiri nga mbohe ízishwesirwi neꞌmigufu, banakizi kufukamira, iri banadeta: “Ku kasiisa mutuliinwi na Rurema. Ndaanaye gundi úli ho.”»

Hisaaya 48:19

Aba mu kibusi kyawe, banaluguuke nga mushenyu kwiꞌbuga. Iziina lyabo lyangayamiri imbere lyani.”»

Hisaaya 49:12

Langiizi! Abandu baani bagweti baganyijira, ukulyoka hala. Baguma balyosiri imbembe, naꞌbandi imuga, naꞌbandi ikisaka, halinde mu kihugo kyeꞌMiisiri.»

Hisaaya 49:8

Nahano adetaga kwokuno: «Ku kyanya íkikwaniini, ngakuyuvwa. Na ku lusiku lwoꞌbukize, ngakutabaala. Ngakizi kulanga, unabe we ganywaniisa abandu baani ikihango. Unayubakulule ikihugo, halinde abandu banashubi tuula mwo.

Hisaaya 52:9

E Yerusaleemu, kundu ukahongoka, haliko ubandage akabuuli. Si Nahano keera akaguluula abandu baage, anakola mu baholeeza!

Hisaaya 53:10

Nahano ye kashungika kwo amúfute-fute, anakizi múlibuza, halinde anamúyitiisa hiꞌgulu lyeꞌbyaha biitu. Kundu kwokwo, ulya úkayitwa, ali mukozi wa Rurema, aganaki lama, halinde anabone abandu beꞌbibusi byage. Ngiisi byo Nahano âli mali gwanwa amúshungikira, byo na byebyo uyo mukozi agaagira.

Hisaaya 55:5

Yibyo binyamahanga, kundu utabiyiji, ikyanya ugabitumira, binakuyitabe. Ee! Bigayija ngana, bwo Nahano keera akakugingika. Ye Rurema wawe, anali Mutaluule waꞌBahisiraheeri.

Danyeri 7:27

Haaho, abemeera ba Rurema úli hiꞌgulu lya byoshi banahaabwe ubutwali, noꞌbuhagarusi, noꞌbukulu bwaꞌmaami gooshi ga mu kihugo. Yubwo bwami bwabo, buganayama ho imyaka neꞌmyakuula. Na yabo batwali booshi, bagakizi múyikumba, iri banamúsimbaha.”

Barumi 10:18

Nashubi buuza: Ka kwokwo Abahisiraheeri batakayuvwa hiꞌgulu lya Kirisito? Ishuvyo: Si keera bakayuvwa hiꞌgulu lyage, nga kwo bidesirwi mu Mandiko Meeru kwokuno: «Indumwa yabo, keera ikayuvwikana mu mahanga gooshi. Amagambo gaabo, keera gakahika ku mbeka yeꞌkihugo.»

Barumi 11:12

Kwokwo, yukwo kuhuba kwaꞌBayahudi, noꞌkuyabirwa kwabo, kyo kikatuma Rurema agagashaanira bweneene abandu beꞌgindi milala. Aaho! Ikyanya Abayahudi bagakizibwa, noꞌmuharuuro gwabo gunabe keera gwakwira, ka itali yo haahe kwoꞌbugashaane bugaaba bweꞌngingwe!

Bakolosaayi 1:23

Kwokwo, mugendererage ukukizi kana mu bwemeere bwinyu, halinde lyo musikama lwoshi. Ikyanya mukayuvwa Imyazi Miija, mwanalonga umulangaaliro. Kwokwo, mutakizi jungubana hiꞌgulu lyagwo. Iyo myazi Miija yo yerya íri mu menyeesibwa mu bandu baꞌmahanga gooshi. Na naani nie Pahulu, ngolaga mukozi wayo.