Hisaaya 54:1 - Kifuliiru

¹ Nahano adetaga kwokuno: «E Yerusaleemu, ugirage ushambaale. Kundu ulyagagi nga ngumba útazindi buta, na kundu utazindi yuvwa umukero gwoꞌkubuta, haliko ubande akabuuli, awi yiyi yiyi! Kundu uli ngoꞌmukazi úkakorora, haliko we gaaba naꞌbaana bingi ukuhima nakiriri!»

Hisaaya 54:1 ပူးပေါင်းရင်းမြစ်များ

Ndondeko 21:6

Saara anadeta: «Rurema anjambaaza ngana. Na ngiisi úgayuvwa yugu mwazi, naye tugashambaalira kuguma.

Zaburi 113:9

Umukazi, kundu angaba agumbiri, haliko Rurema ali mu múshambaaza mu nyumba yage, anamúheereze abaana. Tukizi huuza Nahano!

Lwimbo Lwija 8:8

«Tugweti mwali witu mwanuke, útazi fundika amabeere. Aahago! Ulusiku agafundikwa, tugamúgirira biki?

Hisaaya 12:6

Mwe batuulaga beꞌSayuni! Mubandire Nahano akabuuli, awi yiyi yiyi! Ee! Ali Mutaluule waꞌBahisiraheeri. Anatuuziri mu kati kiinyu, ku njira ya kahebuuza!»

Hisaaya 24:14

Kundu kwokwo, ngiisi ábasigiiri bagweti bagabanda akabuuli, awi yiyi yiyi! Ábakola imuga, bagweti bagahuuza iziina lya Nahano.

Hisaaya 44:23

Ewe igulu! Uyimbage ku bushambaale. Si Nahano keera akakola bweneene! E kihugo, ukizi banda akabuuli, awi yiyi yiyi! Na niinyu mwe migazi! Muyitulikanie mu kuyimba, kuguma neꞌmbako, neꞌbiti byayo byoshi. Nahano keera akaguluula Abahisiraheeri, beene Yakobo, anabayereka ubulangashane bwage.

Hisaaya 49:13

E igulu! Ubandage akabuuli, awi yiyi yiyi! Na naawe, e kihugo! Ushambaalage. Na niinyu, e migazi! Mukizi yitulikania mu kuyimba. Kundu abandu ba Nahano bâli kizi shundeera, haliko buno, akola mu bayuvwirwa indengeerwa, anakola mu baholeeza.

Hisaaya 49:19

«Ku kasiisa, ikihugo kiinyu kikoli sherebiiri. Utwaya twinyu keera tukasiba. Kundu kwokwo buno, yikyo kihugo kikola kigamùniihira. Balya ábakamùminika, leero bagatibitira hala.

Hisaaya 49:20

Ikyanya mwâli jengiirwi, mwanakizi buta abaana. Halikago buno, balya baana bakola mu mùbwira: “Kino kihugo kikoli tunihiiri. Ugirage utuheereze áhahamu, ho twangagendi tuula.”

Hisaaya 62:4

Nahano ayamiri akusiimiri. Kiri neꞌkihugo kyawe, kikola kigaaba nga muhya wage. Ku yukwo, iziina lyawe, litagaki ba Mujandwa, kandi iri Mushaka. Si we kola ugaaba «malega ga Nahano», neꞌkihugo kyawe kigadetwa «muhya wa Nahano».

Hisaaya 66:7

Umukazi atangabuta umwana woꞌbutabana, átazi yuvwa umukero.

Sefaniya 3:14

E bandu beꞌSayuni! Mukizi yimba kwiꞌzu lihamu. E Bahisiraheeri! Mukizi banda akabuuli, awi yiyi yiyi! E Yerusaleemu! Ushambaale, unakizi shagaluka ku mutima gwoshi!

Zakariya 9:9

E bandu beꞌSayuni! Mushambaalage! E bandu beꞌYerusaleemu! Mubandage akabuuli! Langiizi! Mwami winyu agweti agamùyijira. Uyo mwami, ye kwaniini, anali muhimi. Kuguma na yibyo, ali mutuudu, anashoniri ku punda. Punda wage, akiri mwanuke.

Bagalatiya 4:27

Mukuba, biyandisirwi mu Mandiko Meeru kwokuno: «E ngumba, we tazindi buta! Ugire naawe ushambaale! Kundu utazindi yuvwa umukero gwoꞌkubuta, unabande akabuuli, awi yiyi yiyi! Mukuba, umukazi úkakorora, ye gaaba naꞌbaana bingi ukuhima nakiriri.»

1 Samweri 2:5

Balya ábâli yigusiri, buno bakola mu kolerana, mbu lyo balonga byo bagaalya. Si ábâli shalisiri boohe, buno bakoli yigusiri. Úshuba ngumba, keera abuta abaana balinda. Si ulya útágweti abaana bingi, akola kiguli-guuli.