Hisaaya 53:8 - Kifuliiru

⁸ Bakamúbirigisha, banamútwira ulubaaja. Neꞌri hakazinda, banamúyita. Uyo mukozi, ndaanaye mundu weꞌkibusi kyage úkamúhahala, akanayitwa hiꞌgulu lyeꞌbyaha byaꞌbandu baani.

Hisaaya 53:8 ပူးပေါင်းရင်းမြစ်များ

Zaburi 69:12

Ee! Ikyanya ndi mu jengeerwa, bali mu mbonyoleza.

Zaburi 88:5

Bakola mu mbaruura nga mundu muzira misi, na nga mundu úkola úgayikira mu shinda.

Hisaaya 53:12

Uyo mukozi akaharuurirwa kuguma naꞌbanyazi, anayitanga ayitwe, gira lyo abetula ibyaha byaꞌbandu bingi. Ee! Yabo booshi, anabahuunira kwo babikogwe. Kyo kitumiri ngamúgingika nga musirikaani úwahima mwiꞌzibo, analonge iminyago kuguma naꞌbakulu.»

Hisaaya 53:5

Ee! Akabezibwa inguma hiꞌgulu lyeꞌbyaha biitu. Amabi giitu, go gâli tumiri agatitimbwa. Yukwo kuhanwa kwage, kwo kukatuleetera umutuula. Na mu yizo nguma zaage, mwo tukalongera ukukira.

Yeremiya 11:19

Nâli riiri nga kibuzi íkiri mu sholerwa mu kugendi tongeerwa. Lirya igambi lyabo, ndâli yiji kwo liri lya kulooza ukunyita. Banakizi yimokooza, ti: «Ehee! Ulya mwene amagambo, tumúzimiizagye, halinde atakizi ki deta. Ee ma! Tumúyite, halinde ayibagirwe lwoshi mu kihugo!»

Kimombo 3:54

Amiiji ganayami nzooka itwe, kyanatuma ngayiganyira kwokuno: «Yoho wee! Ulwani, leero lwamalaga!»

Danyeri 9:26

«“Ha nyuma lyeꞌyo myaka magana gana na makumi gashatu niꞌna, ulya úkashiigwa amavuta agayitwa. Binaboneke kwo ndaabyo akagira. Ee! Umukulu agayija, anayiji shereeza akaaya kuguma naꞌHandu Heeru bweneene. Neꞌkyanya kyeꞌmberuuka, kigayija duba-duba nga mwijulire. Hanakizi kungula amazibo noꞌbushereeze, nga kwo Rurema akabishungika.

Mataayo 1:1

Yesu Kirisito, bashokuluza baage bo baaba: Yenyene, âli riiri wa mwiꞌkondo lya mwami Dahudi. Dahudi naye, âli riiri wa mwiꞌkondo lya Hiburahimu.

Yohana 19:7

Balya Bayahudi, ti: «Twehe tuhiiti ulubaaja. Na yulwo lubaaja ludesiri kwo akwiriiri ayitwe. Mukuba, keera ayideta kwo ali Mwana wa Rurema.»

Mikolezi 8:33

Akagayirizibwa mu kunyagwa ukuli kwage. Ndaanaye mundu úwangaganuula imyazi yeꞌkibusi kyage, mukuba uburambe bwage bukagitulwa hano mu kihugo.»

1 Peturu 3:18

Kirisito akafwa hiꞌgulu lyeꞌbyaha biinyu lyerirya liguma naaho, gira akamùtwale imwa Rurema. Yehe, kundu âli kwaniini imbere lya Rurema, haliko anayiji fwira abandu babi. Ku luhande lwaꞌmagala gaage, akayitwa. Haliko ku byoꞌmutima, Rurema anamúgira akizi ba mugumaana.