Hisaaya 52:5 - Kifuliiru

⁵ Aahago! Kituma kiki muki gweti mugatindimazibwa kandi? Si abagoma biinyu bakiri mu mùhonyoleza! Bayamiri bali mu jambuura iziina lyani ubwakya-ubwayira. Kwokwo, kwo nie Nahano ndesiri.

Hisaaya 52:5 ပူးပေါင်းရင်းမြစ်များ

2 Samweri 12:14

Kundu kwokwo, kirya kyaha kiyerekiini kwo wagayiriza Nahano bweneene, halinde kiri naꞌbagoma baage bagakizi múgayiriza. Ku yukwo, uyo mwana wawe agaafwa.»

Zaburi 44:12

Ukatutangaga nga bibuzi íbigagendi baagwa, wanatushabulira hala mu mahanga.

Zaburi 44:16

Ndi mu mala umulege-rege gwoshi ndeteriirwi. Amalanga gaani gayijwiri ishoni.

Zaburi 74:10

E Rurema, ugaleka abagoma bagenderere ukukushekeereza halinde mangoki? Aahago! Ka bagagenderera ukutuka iziina lyawe halinde imyaka neꞌmyakuula?

Zaburi 74:18

E Nahano, ukengeere ngiisi kwaꞌbagoma bâli kizi kugayiriza. Kundu bali bahwija naaho, si bâli kizi kushekeereza!

Kulyoka 3:7

Nahano anashubi múbwira: «Abandu baani, bakola mu libuuka bweneene mu kihugo kyeꞌMiisiri. Basheebuja baabo, bali mu balibuza ku kahaati. Yago malibu gaabo gooshi, ngabwini, na nyuvwiti na ngiisi kwo bagweti bagaalira. Na buno, ngweti ngabahahalira.

Hisaaya 22:16

«E Sebuna, maki gano? Biki byo ugweti ugaagira? Nyandagi úkakuhanguula kwo uyihumbire ishinda hano? Aahago! Kituma kiki ugweti ugagiyibaajira mu luno lwala?

Hisaaya 37:28

«Wehe, ngoli yiji ngiisi ho utuuziri. Nyiji ngiisi kwo uli mu yingira, na ngiisi kwo uli mu huluka. Na kwakundi, nyiji ngiisi kwo ukoli ndakariiri.

Hisaaya 37:6

anababwira: «Mugendi bwira nahamwinyu kwo Nahano adeta kwokuno: “Kundu yabo bakozi ba mwami weꞌHasuriya banduka, utayobohe.

Hisaaya 47:6

Balya bandu baani, nꞌgatee barakarira, nanabahana mu kuleka bagwatwe mu maboko gaawe. Naawe, utanabakejeerera. Kiri naꞌbashaaja mu kati kaabo, wanakizi babetuza imiteekerwa mizito-mizito.

Hisaaya 51:20

Abaana baawe, Nahano Rurema keera akabarakarira, anabakanukira bukayu. Buno, bakola ngoꞌtusa útwagwatwa mu mutego. Bagweti bagaholera mu njira, banakoli gilambamiri mwo.

Hisaaya 51:23

Yulwo rusoozo, ngolaga ngaluheereza ngiisi ábagweti bagamùlibuza. Si bâli kizi mùbwira: “Gwejeraga buubi, gira tukutandale kwo!” Wanabategaga umugongo, ibe nga njira yo bagafina-fina kwo.»

Hisaaya 52:3

Nahano adetaga kwokuno: «Ikyanya mukagendi ba baja, mutakagulwa neꞌfwaranga. Kwokwo, kiri na mu kushubi guluulwa, ndaazo ízigatangwa.»

Yeremiya 50:17

«Abahisiraheeri balyagagi nga bibuzi. Indare zigweti zigabahiiva, iri zinabashaabula. Ubwa mbere, bakashaabulwa na mwami weꞌHasuriya. Noꞌbuzinda, mwami Nebukandeneza weꞌBabeeri, ye kabavungula amavuha.»

Kimombo 1:21

Abandi bayuvwiti ngiisi kwo ngweti ngagongeera. Kundu kwokwo, ndaaye úkangebagana, mbu ayiji mboleeza. Abagoma baani, ikyanya bakayuvwa ngiisi kwo wandibuza, banatondeera ukushambaala. Ewe! Si keera ukatulagaania ulusiku lwaꞌbagoma biitu nabo bagalibuuka kwo! Aaho! Yulwo lusiku, luhikage duba!

Kimombo 2:3

Ikyanya Nahano akashavuraga, anayami vuna-vuna imisi yaꞌBahisiraheeri. Kyo kitumiri abagoma bakabateera, atanatami bashwira mbu abatabaale. Yabo bandu baage, anayami basingoola mu muliro, halinde ikihugo kyabo kyoshi, anakijigiivya.

Hezekyeri 20:14

«Halikago, nanashubi shiginya ukubahaniiriza, gira iziina lyani litayiji kengeera lyagayirizibwa mu binyamahanga. Mukuba, bikayibonera ngiisi kwo nꞌgahulusa Abahisiraheeri mu kihugo kyeꞌMiisiri.

Hezekyeri 20:9

Haliko, nanaleka ukugira kwokwo, gira iziina lyani litayiji kengeera lyagayirizibwa mu bandu beꞌgindi milala bo batuliinwi. Mukuba, yabo bandu bakayibonera ngiisi kwo nꞌgayitanga mu Bahisiraheeri, ku kyanya nꞌgabahulusa mu kihugo kyeꞌMiisiri.

Sefaniya 1:10

Nahano adetaga kwokuno: «Yulwo lusiku, hagayuvwikana ikimboloogo ukulyokera ku lwivi lweꞌFwi. Bagakizi bululuka na mu luhande luhyahya lwaꞌkaaya. Noꞌlunganga lugayuvwikana mu tugangazi.

Barumi 2:24

Biri nga kwo biyandisirwi, ti: «Mwe Bayahudi, mwe mutumiri iziina lya Rurema ligweti ligashembuulwa mu bandu beꞌgindi milala.»

Batwi beꞌmaaja 18:3

Yumwo, banayami menyera yugwo musore gwoꞌMulaawi kwiꞌzu lyagwo, banakebaanuka, banagubuuza: «Ewe! Nyandi úkakuleeta ino munda? Na biki byo ugweti ugaakola yo? Kituma kiki uli hano?»