Hisaaya 51:12 - Kifuliiru

¹² Nahano adetaga kwokuno: «Mumenye kwo niehe, nie ndi mu mùholeeza. Aaho! Kituma kiki muki yobohiri abandu, banali ba kufwa naaho? Si bagaahera nga byasi! Kituma kiki baki gweti bagamùkanga?

Hisaaya 51:12 ပူးပေါင်းရင်းမြစ်များ

2 Baami 1:15

Umuganda wa Nahano anabwira Hiriya: «Uyu musirikaani, mumanukanwe. Utamúyobohe.» Kwokwo, Hiriya anayimuka, banamanukanwa halinde imwa mwami.

Zaburi 118:6

Nahano ali kuguma na naani. Ku yukwo ndayobohiri. Aaho! Kuti kwoꞌmundu angaki ngira?

Zaburi 146:4

Ikyanya bali mu fwagaga, bali mu yami galukira mu luvu. Ku lwolwo lusiku, ngiisi byo batáshungisiri, binayami fwa ubusha.

Zaburi 92:7

Banangora-mabi, kundu bangadeha nga kishuka, banakizi genduukirwa, haliko ubuzinda, bagashereera imyaka neꞌmyakuula. Yibyo byoshi, ibizeeze bitangabimenya. Abahwija batangabisobanukirwa.

Migani 29:26

Abandu bingi bali mu siima ukutabaaza umutwali. Kundu kwokwo, Nahano ye mu baheereza ukuli kwabo.

Hisaaya 12:2

«Lolagi ngiisi kwo Rurema akayiji ngiza! Ye mu mbimira, ye nali mu mbiika mwoꞌbushobozi. Kwokwo, ndagaki yoboha, si ngakizi múbiika kwoꞌmulangaaliro, iri ninamúyimbira.»

Hisaaya 2:22

Aahago! Kituma kiki muki gweti mugabiika umulangaaliro ku bandu? Si booshi bagaafwa! Aaho! Kuti kwo bangaki mùtabaala?

Hisaaya 40:1

Rurema winyu adetaga: «Mukizi holeeza abandu baani. Ee! Mukizi baholeeza.

Hisaaya 43:25

Kundu kwokwo, yibyo byaha biinyu, ndi mu bihotola. Ee! Keera nꞌganabikoga, ndanâye ki shubi bikengeera. Mukuba, kwokwo kwo nꞌgashungika nienyene.

Hisaaya 49:13

E igulu! Ubandage akabuuli, awi yiyi yiyi! Na naawe, e kihugo! Ushambaalage. Na niinyu, e migazi! Mukizi yitulikania mu kuyimba. Kundu abandu ba Nahano bâli kizi shundeera, haliko buno, akola mu bayuvwirwa indengeerwa, anakola mu baholeeza.

Hisaaya 51:3

Kwokwo, naꞌkaaya keꞌSayuni, kundu kakashaka, haliko Nahano agaki kaholeeza, mu kushubi kashakuulula. Kundu kakoli ba ngiꞌshamba, halikago, agaki kahindula, kabe nga ndalo yeꞌHedeni, irya ndalo ya Nahano. Abandu bagakizi kashambaalira mwo, iri banatanga kongwa, mu kuyimba inyimbo zoꞌbwivuge.

Hisaaya 52:9

E Yerusaleemu, kundu ukahongoka, haliko ubandage akabuuli. Si Nahano keera akaguluula abandu baage, anakola mu baholeeza!

Hisaaya 57:11

Aahago! Mukoli yobohiri nyandi, halinde mukizi mbwira ikinyoma? Kituma kiki mutakiri mu ndwaza, kandi iri ukungengeera? Ngeeka mutakiri mu nzimbaha, bwo ngola kyanya ndi munyerere!

Hisaaya 61:2

Ninamenyeese ábajengiirwi kweꞌkyanya keera kyahika kyo Nahano agayerekana kwoꞌbwija bwage. Si abagoma baage boohe, Rurema witu agabayihoola.

Hisaaya 66:13

E Yerusaleemu, ngakizi mùholeeza, nga kwoꞌmukazi ali mu holeeza umwana.

Hisaaya 8:12

«Kundu abandi bakoli yobohiri igambi íryagirwa mu kahwehwe, mbu ligamùmala, halikago mwehe, mutakizi liyoboha.

Yeremiya 38:19

Mwami Zedekiya anabwira Yeremiya: «Hali Abayuda keera ábakayitanga imwa Bababeeri. Kwokwo, ngoli yobohiri kwo bangagendi mbiika mu maboko gaabo, banakizi ndibuza.»

Yeremiya 41:18

Mukuba bâli koli yobohiri Abababeeri, bwo Hishimaheeri mugala Netaniya âli mali yita Gedaliya. Noꞌyo Gedaliya, mwami weꞌBabeeri ye kamútoola kwo ye gaaba mutwali weꞌkihugo.

Hezekyeri 2:6

«E mwana woꞌmundu, utabayobohage, utanakangwe, mbu bwo bakulangamira. Hali ikyanya wangayuvwa kwaꞌmagambo gaabo gakola mu shita nga migenge neꞌmihanda-njovu. Unabe uyiyuvwiti nga útuuziri ha kati keꞌmina. Kundu kwokwo, utakangwe, mbu bwo bakulangamira, kandi iri mbu bwaꞌmalanga gaabo gazizibiiri. Si booshi bakolaga bahuni naaho!

Mataayo 10:28

«Mutakizi yoboha ábagweti bagayita amagala, batanashobwiri ukuyita umutima. Si ukuyoboha kwinyu, kukizi ba ku Rurema, bwo yehe ashobwiri ukushereeza amagala noꞌmutima kuguma, byombi binalashwe i nakwere!

Yohana 14:18

«Ndagamùsiga nga fuuvi! Si ngaki shubi galukira imwinyu.

Mikolezi 9:31

Mu yizo siku, ishengero lyanaba noꞌmutuula hooshi mu poroveesi yeꞌBuyahudi, kiri na mu yeꞌGalilaaya, na mu yeꞌSamariya. Abandu biꞌshengero banakizi kanibwa, iri banakizi simbaha Nahano. Umutima Mweru, gwanakizi batabaala, halinde umuharuuro gwabo gwanakizi yushuuka.

1 Peturu 1:24

Mukuba biyandisirwi kwokuno: «Abandu booshi, bali nga byasi. Noꞌbulangashane bwabo, buli nga bwaꞌkaaso naaho. Ibyasi biri mu bogama, naꞌkaaso kanabugumuke.

1 Samweri 15:24

Sahuli anadeta kwokuno: «E waliha, nayemeera kwo nagira ikyaha. Ngiisi byo Nahano ambwira, ndabitwaza. Kiri naꞌmagambo gaawe, ndagasimbaha. Yaba bandu, nabayoboha, nanakulikira ngiisi byo bambwira.

1 Samweri 17:11

Sahuli naꞌbasirikaani baage booshi, iri bakayuvwa ngiisi kwoꞌyo Mufirisiti agweti agayihaya, banashenguka bweneene neꞌkyoba.

1 Samweri 21:13

Dahudi, iri akayuvwa yago magambo, anatondeera ukuyoboha ulya mwami Hakishi.