Hisaaya 50:2 - Kifuliiru

² Ikyanya nꞌgayija, si ndaaye mundu ye nꞌgagwana! Ikyanya nꞌgayiguza, ndaaye úkayitaba. Aaho! Ka mutoniragi kwo ndashobwiri ukumùkiza? Si ndi mu yami kamya inyaaja mu kudeta naaho! Neꞌnyiiji kwakundi, ndi mu zikamya, libe ishamba, halinde ifwi zooshi zinayami fwa, zinabole.

Hisaaya 50:2 ပူးပေါင်းရင်းမြစ်များ

Ndondeko 18:14

Nahano anashubi deta: «Aahago! Ka hali igambo íritashobokiini imwa Nahano? Si ndaalyo! Kwokwo, ikyanya ngagaluka ku kyanya íkiri nga kino, ku gundi mwaka, Saara agaaba akoli hiiti umwana woꞌbutabana.»

2 Kutondobola 32:15

Ehee! Mutalekage kwo Hezekiya amùtebe. Hatanagire úgamúyemeera. Mu mahanga gooshi, na mu maami gooshi, ndaagwo muzimu úgukahasha ukuguluula abandu baagwo mu maboko gaani, kandi iri mu ga bashokuluza baani. Aahago! Neꞌmizimu yinyu, ka itali yo haahe?”»

Zaburi 106:9

Anahamuliza Inyaaja Ndukula, mwanatulika injira, anabaleeza mwo, hakoli yumiri ngiꞌshamba.

Zaburi 107:33

Nahano âli kizi hindula inyiiji zibe ngiꞌshamba. Kiri neꞌshyoko, anakizi zikamya.

Kulyoka 14:21

Ha nyuma, Musa anagololera ukuboko kwage ku nyaaja. Nahano analeeta ikihuhuuta ukulyoka uluhande lweꞌsheere, kyanakizi huusa bukayu, halinde shesheezi. Irya nyaaja yanabunduuka mwo kubiri, halinde haashi hanakama.

Kulyoka 14:29

Haliko Abahisiraheeri boohe, bâli mali jabuka áhakamiri mu kati keꞌnyaaja, ha kati keꞌbikombo bibiri byaꞌmiiji.

Kulyoka 7:18

Ifwi zooshi íziri mwo, zigayami fwa. Naꞌmiiji gaalwo, ganabe niꞌsiko libi, halinde bitanaki zige kwaꞌBamiisiri bakizi ganywa.»

Kulyoka 7:21

Kyanatuma ifwi zooshi za mu lwiji zigaafwa. Yago miiji ganakizi baya isiko libi. Abamiisiri batanashobola ukuganywa. Yugwo muko, gwanayijula hooshi mu kihugo.

Migani 1:24

Ikyanya nꞌgamùhamagala, si mukalahira ukunyuvwa! Na kundu nꞌgamùtega ukuboko, ndaaye úkandwaza.

Hisaaya 11:15

Nahano agakamya Inyaaja Ndukula, halinde hanaboneke injira íkamiri. Kwokwo, agagolola ukuboko kwage, na mu kutuma imbuusi ngayu ku lwiji Hefuraati. Yulwo lwiji, akola agalubunduula mweꞌnyiiji zirinda, halinde abandu baage banajabuke áhayumiri.

Hisaaya 19:5

Ulwiji Niire lukolaga lugakama ngenene! Lunasigale naaho luumaguka.

Hisaaya 23:11

Nahano keera akagolola ukuboko kwage ku nyaaja, anajugumya amaami mu kihugo. Anagweti agakyula kweꞌnzitiro zeꞌKaanani zihongolwe.

Hisaaya 36:20

Mu mizimu ya yibyo bihugo, guhi úgukabakiza mu maboko gaani? Si ndaagwo! Kwokwo, kiri na Rurema Nahamwinyu atahiiti ubushobozi bwoꞌkumbangirira, halinde ndagwate i Yerusaleemu.”»

Hisaaya 41:28

«Si mu migisi yinyu, yohe, ndaagwo kiri noꞌmuguma úgwangamùhanuula. Ikyanya nꞌgagibuuzagya, yibyo bibuuzo byani, ndaagwo kiri noꞌmuguma úgukahasha ukubishuvya.

Hisaaya 42:15

«Ngashereeza imigazi noꞌtugangazi, bihinduke ishamba. Ibyasi byoshi, ngabiyumya. Ngayumya neꞌnyiiji neꞌbirigo, bihinduke luumagu.

Hisaaya 43:16

Nahano adetaga kwokuno: «Yaho keera nꞌgaberaga injira mu nyaaja. Iyo nyaaja, kundu yâli yisiri, haliko, nꞌgagibunduula mweꞌnjira.

Hisaaya 44:27

Amabenga gaꞌmiiji, ngagahamuliza, ti: “Mukame! Kiri neꞌnyiiji ziinyu, ngazikamya.”

Hisaaya 51:10

Na kundu inyaaja yâli yisiri bweneene, we kagikamya. Ukagibera mweꞌnjira, halinde abandu baawe banajabuka.

Hisaaya 54:6

Rurema adetaga kwokuno: «Wâli riiri ngoꞌmukazi úkayangwa akiri musore, halikago yiba anayiji múyimula, wanaba ukoli jengiirwi bweneene. Kundu kwokwo, ndi mu shubi kuhamagala.

Hisaaya 59:1

Ku kasiisa, ukuboko kwa Nahano kutabuziri ubushobozi bwoꞌkumùkiza, atanali bitwitwi mbu atamùyuvwirize.

Hisaaya 59:16

Neꞌri akalooza umundu woꞌkutabaala abandu baage, atanamúbona, kyanatuma agasoomerwa. Kwokwo, yenyene agakoleesa ubushobozi bwage, mu kuyiji kiza abandu baage. Ukuli kwage kwanamúsikamya,

Hisaaya 63:13

Ikyanya akarongoora abandu baage, banalenga heꞌnyaaja iyisiri. Bâli riiri nga fwarasi íziri mu lenga mwiꞌshamba buzira kudendebagana.

Hisaaya 64:6

Mu kati kiitu, ndaaye úgweti úgahuuna kwiꞌziina lyawe. Ndaanaye uli mu kebukwa, mbu akuhuune ulukogo. Si keera watuhindulira ingoto, wanalekaga ibyaha biitu bitushereeze!

Hisaaya 65:12

«Yayebe! Ngolaga ngamùyitiisa neꞌngooti. Kwokwo mweshi, mugagooka, bakabuli mùtongeera. Mukuba, ikyanya nꞌgamùhamagala, mutananyitaba. Ikyanya nꞌgadetaga, mutanandwaza. Mwanakizi yilala mu bitalaalwe imbere lyani. Ee! Mukayitoolera ukukizi gira ibyagaza.

Hisaaya 66:4

Ku yukwo, nienyene ngatoola ibihano byabo. Binalole ku biri mu bakanga bweneene. Kundu ndi mu bahamagala, si ndaaye úli mu kizi nyakula. Na kundu ndi mu bahanuula, shoobe! Si bagweti bagayilala mu bitali nga byo imbere lyani, mu kulooza ukunyaagaza.»

Yeremiya 14:9

Si ubonesiri ngoꞌmundu úwakanguka ikiteero, na nga ndwani ítaki hiiti imisi yoꞌkuguluula abandu! E maashi Nahano! Si uki tuuziri mu kati kiitu, tunayijikiini kwo tuli bandu baawe! We kongwa we! Buno, utatujandirire.»

Yeremiya 35:14

Yabo Barekabu, si batali mu nywa idivaayi, halinde zeene, bwoꞌyo Yonadaabu akabalahiza yo. «Haliko niehe, kundu nyamiri ndi mu mùganuuza ubwakya-ubwayira, si mutali mu ndwaza.

Yeremiya 35:15

Ndi mu kizi mùtumira abakozi baani, abaleevi, ti: “Mutwikire ku mabi giinyu, munakizi gira íbikwaniini. Mutwikire noꞌkuyikumba imizimu, halinde mulonge ukutuula mu kihugo kyo nâli mali gwanwa namùheereza, mwe na bashokuluza biinyu.” Kundu kwokwo, mutagweti mugandwaza, mutananzimbahiri.

Yeremiya 5:1

Nahano adetaga kwokuno: «Mugende mu njira za mu kaaya keꞌYerusaleemu, munaloozagye mwoꞌmundu muguma naaho úli mu gira amiija, anabe afitiirwi ku bikwaniini. Mulenge hooshi, mu ngiisi mufulege, kiri na mu tuguliro. Neꞌri mwangamúbona, lyoki kano kaaya, ngakakejeerera.»

Yeremiya 7:13

Kwo na kwokwo niinyu, mwe Bayuda, muki gweti mugaagira byebyo-byebyo byaha. Na kundu nâli kizi mùberangira, mutananyakula. Nanâli kizi mùkengula, mutanandwaza! Kwokwo nie Nahano ndesiri.

Yeremiya 7:27

«E Yeremiya, yibyo byoshi, ugendi bibwira Abayuda. Kundu kwokwo, batagakutwaza. Na kundu ugabahamagala, si batagayitaba.

Yeremiya 8:6

Ngiisi byo bashuba mu deta, nabiyuvwa byoshi. Si bashuba mu ravwanga ngana! Mu kati kaabo, ndaaye úli mu jengeerwa hiꞌgulu lyaꞌmabi gaage, mbu atee yibuuza, ti: “Ala nie! Maki gano ngweti ngaagira?” Si ngiisi muguma wabo, agweti agatibita bwalaafwe mu byaha, nga fwarasi íri mu girigimba mwiꞌzibo.

Danyeri 3:15

Lolagi! Mango leero mwayuvwa izu lyeꞌkibuga, na lyoꞌmuteera-teera, na lyeꞌkinubi, na lyeꞌnzeeze, na lyaꞌkashamba, kuguma na geꞌbindi bikolanwa byeꞌnyimbo, haaho-haaho, mukayami gwa buubi mu kuguyikumba. Neꞌri mwangalahira, mugayami lashwa mu kiberekaana kyoꞌmuliro. Aahago! Ka hakiri ugundi úli mu yikumbwa, úgamùkiza mu maboko gaani?»

Danyeri 3:29

«Ku yukwo, nabiikaga yulu lubaaja imwaꞌbandu ba ngiisi mulala, naꞌba ngiisi ndeto. Ngiisi ábagatuka Rurema wa Shandaraki, na Meshake, na Habedinego, bakwaniini bayami tolwa bitolo-bitolo. Neꞌnyumba zaabo zinahongolwe. Ndaaye gundi woꞌkuyikumbwa úwangakiza mwene yuku.»

Danyeri 6:20

Iri hakaba shesheezi kare-kare, mwami anavyuka, anakwabadukira iwa kishimo kyeꞌndare.

Danyeri 6:27

«Kwokuno nabiika ulubaaja mu bandu ba mu maami gaani gooshi, kwo bakwaniini bakizi yoboha Rurema wa Danyeri, iri banamúsimbaha. Mukuba, ye Rurema úli mugumaana, anayamiri ho imyaka neꞌmyakuula! Ubwami bwage butâye shereere. Ubutwali bwage, butâye heke.

Hosheya 11:2

«Haliko, ikyanya nâli genderiiri ukumúhamagala, anakizi nyisunga hala. Anakizi hoza imizimu ya Baali, iri anayokera imigisi yayo umubadu.

Hosheya 11:7

Abandu baani keera bakahiga kwo banjande. Kundu bali mu kizi deta kwo nie riiri hiꞌgulu lya byoshi, haliko ndaaye úli mu mbeereza ulushaagwa mu kati koꞌkuli.

Nahumu 1:4

Ikyanya ali mu kyula, inyaaja neꞌnyiiji zinayami kama. Kiri neꞌndagiriro nyija zeꞌBashaani, na zeꞌmigazi yeꞌKarimeeri zinagubuuke. Noꞌtwaso tweꞌLebanooni, tunaholoke.

Habakuki 3:8

E Nahano! Ka wâli rakariiri inyiiji? Ka kiri neꞌnyaaja ukazilangamira, halinde uyije mu bibungu, nga úli mwiꞌgaare, neꞌfwarasi zaalyo zikola mu ganga hiꞌgulu lyoꞌbuhimi?

Muharuuro 11:23

Nahano, ti: «E Musa, koꞌbushobozi bwani keera bukaniiha kwo? Buno ukola ugaabona iri igambo lyani liri lyoꞌkuli, kandi iri nanga.»

Mariko 4:39

Yesu anavyuka. Neꞌri akabona kirya kihuhuuta, anakikanukira. Kiri neꞌrya nyaaja nayo, anagibwira kwokuno: «Hulika! Uhoge!» Lyeryo, umunyerere gwanatoola.

Yohana 1:11

Kundu akayija imwabo, haliko beene wabo batanamúyakiira.

Yohana 3:19

«Na íbigaatuma abandu bagaahanwa, bwoꞌmulengeerwe gukayija mu kihugo, halikago batanagusiima. Ikihulu, kyanaba kyo bagakizi siima, bweꞌmikolezi yabo yâli riiri mibi.

Yoshwa 3:16

lyeryo amiiji ganayami yimanga, gatanaki hinga. Galya miiji gooshi ganaheema, ganagira ibenga, halinde mu kaaya keꞌHadamu, hoofi neꞌZaretani. Amiiji ágâli iꞌfwo, ganakizi hingira mu nyaaja yeꞌHaraba (kuli kudeta: mu Nyaaja yoꞌMuunyu). Kwokwo, ganakama ngenene. Abahisiraheeri banalonga ukujabuka áhayumiri, uluhande lweꞌYeriko.