Hisaaya 5:6 - Kifuliiru

⁶ Ee! Iyo ndalo, ngagisivya lwoshi-lwoshi. Imizabibu yamwo, itâye ki yahulirwe, kandi iri kuyufirirwa. Igaamera naaho mweꞌmigenge neꞌmihanda-njovu. Nganahangika ibibungu, bitaginiekeze invula.»

Hisaaya 5:6 ပူးပေါင်းရင်းမြစ်များ

1 Baami 17:1

Hâli riiri umuleevi muguma, iziina lyage ye Hiriya. Âli riiri wa mu kaaya keꞌTishibe, ka mu poroveesi yeꞌGiryadi. Uyo Hiriya anabwira mwami Ahabu: «Ndi mukozi wa Nahano Rurema waꞌBahisiraheeri. Nga kwo ayamiri ho, mu myaka ígayija, mu kihugo invula igahangama, kiri neꞌkimi, ukuhisa ku kyanya ngashubi deta.»

1 Baami 8:35

«Hali neꞌkyanya abandu baawe Abahisiraheeri bangakuhubira, kinatume invula igahangama. Haliko ha nyuma, banahindukire hano, banakuhuune iri banahuuza iziina lyawe, banatwikire na ku byaha byabo.

Hayubu 31:40

haaho ngana, imishuugi ikizi mera mwo, kuguma noꞌluhwadete, hatanaki mere ingano, kandi iri ubulo.» Amagambo ga Hayubu, ho gakahekera hano.

Migani 24:31

Iyo ndalo, nanabona kwo yamirwa neꞌmigenge. Neꞌkishuka, keera kyakuluuduka mwo. Kiri neꞌkyogo kyayo kyaꞌmabuye, kyâli mali hongoka.

Hisaaya 24:12

Akaaya kakoli sigiiri biguuka bimaata, neꞌnyiivi zaako keera zavungulwa-vungulwa.

Hisaaya 30:23

Haaho, Nahano agashubi mùniekeza invula ku kyanya íkikwaniini. Munakizi byala imbuto, zinahembe, zinayere bweneene. Kiri neꞌbitugwa biinyu, munakizi biteereza.

Hisaaya 32:10

Ehee! Kundu muki yiyuvwiti kwo mujeberiiri, halikago ha nyuma lyoꞌmwaka muguma naaho, mugashundeera. Ku yikyo kyanya, ndaakiyo mizabibu ígaaba isigiiri, mbu mugiyimbule.

Hisaaya 49:19

«Ku kasiisa, ikihugo kiinyu kikoli sherebiiri. Utwaya twinyu keera tukasiba. Kundu kwokwo buno, yikyo kihugo kikola kigamùniihira. Balya ábakamùminika, leero bagatibitira hala.

Hisaaya 55:13

Ngiisi heꞌmigenge ishubi meziri, hakola hagaamera ibiti byeꞌshindano. Na ngiisi áhashubi meziri imihanda-njovu, hakola hagaamera imihadasi. Yibyo biti biija bigakizi tanga ubumasi hiꞌgulu lyoꞌbulangashane bwa Nahano. Yubwo bumasi butanâye hotolwe, halinde imyaka neꞌmyakuula.

Hisaaya 7:19

Yabo bagoma, bagayija balyagagi kandaharuurwa, banashumbike mu tubanda, kiri na mu nyaala, na mu bishungu-shungu byoshi, kiri na mu ndagiriro zooshi.

Yeremiya 14:1

Ku kyanya invula ikahangama, Nahano anabwiraga Yeremiya kwokuno:

Yeremiya 14:22

Irya migisi yaꞌgandi mahanga, si itashobwiri ukuniesa invula! Ikyanyaanya kyonyene, kitangaginiesa. Si we Rurema Nahamwitu, we gweti úgakizi giniesa! Kwokwo, we tugweti tugabiika kwoꞌmulangaaliro.»

Yeremiya 25:11

Yiki kihugo kyoshi, kigahinduka mushaka. Abahisiraheeri, kiri naꞌbatuulani baabo, booshi bagaahisa imyaka makumi galinda, bagweti bagakolera mwami weꞌBabeeri.

Yeremiya 45:4

«Ku yukwo, Nahano adeta kwo mbwire Baruki kwokuno: “Hooshi mu kino kihugo kyeꞌBuyuda, kundu nꞌgakiyubaka, haliko ngashubi kihongola. Ngiisi byo nꞌgabyala yo, ngashubi bibyaluula.

Kimombo 2:6

Ikyanya Nahano akahongola inyumba yage, ikayami yibumbulika haashi, nga kulya ikitunda kiri mu hongolwa mu ndalo. Akayami bayibagiza isiku ngulu, kiri noꞌlusiku lweꞌSabaato. Na bwo âli rakiiri bweneene, anayami lahira mwami wabo, kiri naꞌbagingi.

Hosheya 3:4

Kwokwo, kwaꞌBahisiraheeri bagaramba isiku nyingi, buzira mwami, na buzira batwali. Kiri ukutanga amatuulo kugaaba ndaakikwo. Kwakundi, indundo zaꞌmabuye, naꞌbagingi, neꞌmigisi, neꞌbikolanwa byoꞌkukizi hanuusa Rurema, bigaaba ndaakibyo.

Hosheya 9:6

Kundu mwangakira Abahasuriya, haliko ikihugo kyeꞌMiisiri kigaki mùhima. Ee! I Mefiisi, yo munda mweshi mugaziikirwa. Kundu mushubi hiiti ibindu byeꞌkishingo, halikago ikishuka kigabimera mwo. Kiri neꞌnyumba ziinyu, zigayijula mweꞌmigenge.

Yuheeri 1:7

Zirya nzige, keera zikateera imizabibu yitu, Zanashereeza neꞌbiti biitu byeꞌmitiini. Zanakizi bibunga, iri zinagimogolola ibyula byayo. Zanasiga amatavi gaabyo meeru-meeru.

Hamoosi 4:7

«Kiri neꞌnvula, nie kamùhangikira yo, myezi ishatu imbere liꞌyimbula. Nꞌgagihangika mu kaaya kaguma, nanaginyeesa mu kandi. Indalo nguma, zanalonga invula. Izindi zanagibula, zanayumaguka.

Luka 21:24

«Abandu baguma, bagayomekwa ingooti. Naꞌbandi, bagagwatwa imbira, banatwalwe mu mahanga gooshi. Kiri neꞌYerusaleemu yonyene, ibinyamahanga bigayiji gikandagira, halinde isiku zaabo zimale.

Bukengeeze 29:23

«Abandu baꞌmahanga gooshi, bagabuuza: “Emwe! Kituma kiki Nahano akayogogoza yiki kihugo mwene yuku? Si agweti agakirakarira ngana-ngana.”

Bwigule 11:6

Yutwo tumasi tuli noꞌbushobozi bwoꞌkuhangika invula ku kyanya kyoshi kyo tugakizi tanga ubuleevi. Tunali noꞌbushobozi bwoꞌkuhindula amiiji gabe muko, na bwoꞌkukizi leeta ngiisi kiija mu kihugo ku ngiisi kihe kyo tuloziizi.