Hisaaya 5:20 - Kifuliiru

²⁰ Yayewe imwa ngiisi ábakola mu deta kwaꞌmabi go miija, na kwaꞌmiija go mabi! Banadesiragi kweꞌkihulu gwoꞌmulengeerwe, na kwoꞌmulengeerwe kyo kihulu. Banadesiri kweꞌbilulu byo binunu, na kweꞌbinunu byo bilulu.

Hisaaya 5:20 ပူးပေါင်းရင်းမြစ်များ

Hayubu 17:12

Yabo bandu, si bagweti bagaadeta mbu bushigi, gwo mulege-rege. Neꞌkyanya bukola mu yira, banadete mbu mulengeerwe gukola ho.

Kulyoka 23:7

«Umundu, iri angabeesha mu kulegana, utakolwe mbu umúyibiike kwo. Utayite umuzira buhube, anabe akwaniini. Iri wangagira kwokwo, niehe ndagaki kukoga.

Migani 17:15

Ukuheereza umunabuhube ukuli, noꞌkuhana umuzira buhube, yibyo byombi, biri mu yagaza Nahano.

Migani 4:17

Amabi gaabo, byo byokulya byabo. Noꞌbwitani, yo divaayi yabo.

Hisaaya 24:9

Abalalwe batakiri mu yimba, kiri neꞌbilalusa byoshi keera byabalulira.

Hisaaya 29:21

Ikyanya abandu bali mu banganizania, bagaherera kuguma na ábali mu tegana imbere lyaꞌbatwi beꞌmaaja, kiri na ábali mu hana abandu bazira buhube.

Hisaaya 30:10

Kundu bali mu kizi yerekwa amabone, si bayamiri bali mu longooza beene go, ti: “Nanga! Galya mabone giinyu, mugatwikire kwo.” Banakizi naakira naꞌbaleevi kwokuno: “Mulekage ukukizi tumenyeesa íbiri ukuli. Si mukizi tubwira naaho amagambo ágatusimisiizi. Mukizi tubwira ibinyoma.

Hisaaya 32:5

Abahwija batagaki yivugwa mbu bo bakulu. Kiri noꞌtufwa-busha, abandu batagaki tugingika.

Hezekyeri 13:19

«“Si mukola mu ndeeza ishoni imbere lyaꞌbandu baani, lyo mulonga ifune nguma-nguma yoꞌbulo, kandi iri utukoojoka tweꞌmikate. Yabo bandu baani, si basiimiri bweneene ukukizi yuvwiriza ibibeesha. Neꞌkyanya muli mu babwira byo, iri mwabayita. Kundu kwokwo, boonyene batashubi kwiriiri ukuyitwa. Na ábakwiriiri ukuyitwa, boohe muli mu balanga.

Hamoosi 5:7

Si mugweti mugashobania íbikwaniini, Na ngiisi íbiri byoꞌkuli, mugweti mugabinyanyaga haashi.

Mika 3:2

Kundu kwokwo, si mwe mushombiragi amiija, munakuuziri amabi. Mwe munagweti mugakizi shaaza uluhu ku bandu baani, munagweti mugalyosa neꞌminyofu ku mavuha gaabo, banakiri ho!

Habakuki 1:4

Imaaja zitakiri mu simbahwa, zitanakiri mu twibwa ku njira íkwaniini. Halikago, abandu bakola mu zishobania, kyo kitumiri banangora-mabi naaho bo bakola mu sinda.

Malaki 2:17

Amagambo giinyu mazira kamaro, gagweti gagaluhya Nahano bweneene! Na niinyu, ti: «Kutagi twamúluhya?» Si mugweti mugamúluhya mu kudeta kwokuno: «Umundu, kundu angaba akoli bihuusiri, haliko imwa Nahano, akiri mwija, na Nahano aki múkuuziri.» Munashubi deta na kwokuno: «Ulya Rurema woꞌkuli, alyagagi hayi?»

Malaki 3:15

Ukulyokera buno, tubwinagi kwaꞌbanabwikangaate bo bahiriirwi. Si banangora-mabi, bo bajeberiiri! Ee! Bagweti bagakizi naakira Rurema, kwo abahanage iri angahasha. Kundu kwokwo, ndaabyo ali mu bagirira!”»

Luka 16:15

Yesu anababwira: «Mwehe, mugweti mugayigira imbere lyaꞌbandu nga mwe mukwaniini. Kundu kwokwo, Rurema ayiji-yiji íbiri mu mitima yinyu. Ee! Ngiisi byaꞌbandu bali mu huuza, byebyo byo Rurema ali mu negura!»

Bukengeeze 25:1

«Abahisiraheeri babiri, iri bangalongoola, bakwaniini bagendere abatwi beꞌmaaja. Muguma angayera, uwabo anayage.

2 Peturu 2:1

Mu bandu ba keera, mwâli yamiri abaleevi beꞌbibeesha. Kiri na buno, hagaki boneka abigiriza beꞌbibeesha mu kati kiinyu. Bagakizi mùyigiriza amagambo gaabo geꞌbibeesha, ganali goꞌkushereezania. Bagalahira kiri na Nahano woꞌbushobozi bwoshi, anali ye kabaguluula. Yabo, ehee! Bagayikululira gobwe-gobwe, banayami minikwa lwoshi.