Hisaaya 5:17 - Kifuliiru

¹⁷ Haaho, abandu baage bagaaba nga bibuzi, binakizi liisa ngiisi ho biloziizi. Kiri neꞌbyanabuzi bigayiloogeza ibyokulya haahalya mu biguuka.

Hisaaya 5:17 ပူးပေါင်းရင်းမြစ်များ

Nehemiya 9:37

Kundu tuli mu yeza bweneene mu kino kihugo, haliko abaami beꞌmahanga bali mu yiji tunyaga byo. Yoho wee! Ikyanya twâli kizi yifunda mu byaha, lyo ukababiika hiꞌgulu liitu. «Buno yabo baami, bagweti bagatukoleesa nga ngiisi kwo baloziizi, kiri neꞌbitugwa biitu. Tunakoli hanyagiiri bweneene.»

Zaburi 119:70

Na kundu imitima yabo ikubisirwi, itanali mweꞌndengeerwa, haliko, niehe ndi mu ba njambaliiri imaaja zaawe naaho.

Zaburi 17:10

Si balya banakuhambwa batahiiti ikimino, banayamiri bagweti bagayikangaata naaho!

Zaburi 17:14

E Nahano, ukoleesagye ubushobozi bwawe mu kungiza mu kati kaabo. Si umulangaaliro gwabo guli mu ba ku bya mu kihugo naaho! Haliko, abandu baawe boohe, ukizi bahagiisa. Kiri naꞌbaana baabo, bakizi longa íbiri tiita, halinde ukuhisa kiri na ku bijukulu baabo.

Zaburi 73:7

Bweꞌmitima yabo iri mindagabika, bali mu kizi yifunda mu mabi. Si ubuligo bwo bali mu yitoneesa kwo, buleeziri ulugero bweneene!

Hisaaya 1:7

Ibinyamahanga bikola mu mùshahula imimbu, bikabuli singoola utwaya twinyu, halinde ikihugo kinashereezibwe lwoshi. Kundu kwokwo, mugweti mugabaloleera naaho.

Hisaaya 10:16

Aahago! Nahano woꞌbushobozi bwoshi agatumira abasirikaani beꞌHasuriya ikiija kyoꞌkubajaavya. Kwokwo, ubukalage bwabo, bugamalira mu muliro.

Hisaaya 17:2

Kiri noꞌtwaya twa mu mbande zeꞌHaroweri tugaashaka. Ha nyuma, ibibuzi binakizi ragirira mu njira zaatwo. Ndaanaye mundu úwâye bikakaze.

Hisaaya 32:14

Kiri naꞌkajumiro kagasigala kamaata. Utwaya twoshi, kundu tushuba mwoꞌlujongo, si tugasigala mushaka. Ulwingo lweꞌnaazi, kiri naꞌkaaya kazitire koꞌkutibitira mwo, byombi bigasigala biguuka, halinde imyaka neꞌmyakuula. Linasigale naaho igombaniro lya bapunda ba mu kishuka, neꞌbibuzi binakizi ragirira mwo.

Hisaaya 40:11

Balya bandu baage, ali mu balanga, nga kwoꞌmungere ali mu langa ulukuuli lweꞌbibuzi. Ali mu kizi batengetera mu maboko gaage. Bali nga byanabuzi, bwo batuuziri hoofi-hoofi noꞌmutima gwage. Ngiisi ibibuzi íbikiri mu yoza, ali mu birongoora ku butuudu.

Hisaaya 65:10

Haaho, bagakizi ragirira ibitugwa byabo mu ndekeera yeꞌSharooni. Neꞌngaavu zaabo, zigakizi vyagira mu yeꞌHakoori. Yaho handu, hagasigala kihugo kya ngiisi ábaloziizi ukukizi ngulikira.

Hisaaya 7:25

Na hiꞌgulu lyayo, ngiisi haꞌbandu bâli kizi lima ku tugangazi, batagaki hafina. Si hagasigala naaho ndagiriro zeꞌngaavu neꞌbibuzi.

Yeremiya 5:28

Bakoli jeziri, naꞌmagala gakoli shogahiri. Ibitalaalwe byabo, bitahiiti ho byangahekera. Batali mu bulanira ifuuvi ku njira yoꞌkuli. Naꞌbakeni, bali mu bayima ukuli kwabo.»

Kimombo 5:2

Ngiisi byo tukahyana, ibinyamahanga keera bikatushahula byo, byanatunyaga kiri neꞌnyumba ziitu.

Hosheya 4:16

Mukuba, yabo Bahisiraheeri bakola mindagabika, nga ngaavu yeꞌnjuuke. Aaho! Kutagi kandi kwo Nahano angaki baragira, nga bibuzi mu ndaraara yoꞌmuyonga?

Hosheya 8:7

«Yabo bandu, bakabyala imbuusi. Si mu kuyimbula, bagakizi yimbula ikihuhuuta! Imbuto zeꞌngano, kundu zigweti zigakizi mera mu ndalo, halikago, ndaayo mihuli igakizi bitongeka kwo. Na kundu yangatongesiri kweꞌmbuto, si ibinyamahanga byo bigakizi zirya.

Mika 2:12

«E bandu ba Yakobo, mwe musigiiri, ngamùkuumania kuguma. Ee! Ngamùkuumania, munabeere mu lugo nga bibuzi, munabe nga bitugwa íbiragiiri mu ndagiriro. Ikihugo kiinyu kigashubi yijula mwaꞌbandu bingi.

Sefaniya 2:14

Yako kaaya, kundu kâli gweti kagakizi yikangaata, haliko ibitugwa byo bigasigala mwo, kuguma neꞌnyamiishwa. Banyunda, neꞌnyange-nyange, noꞌtubangarara bigatuula ku nguliro zaako. Banafufulu bagakizi lakira ku twazo twako, kiri na banamujongo bagakizi lakira ku bihamambiro byeꞌmiryango yako. Neꞌbiti byeꞌmyerezi, bigasigala bwalaafwe kwiꞌzuuba.»

Sefaniya 2:6

E Bafirisiti! Yaho ku ngombe yeꞌnyaaja, hagahinduka ndagiriro yeꞌbibuzi. Abangere bagakizi gisha ho, neꞌbitugwa byabo.

Luka 21:24

«Abandu baguma, bagayomekwa ingooti. Naꞌbandi, bagagwatwa imbira, banatwalwe mu mahanga gooshi. Kiri neꞌYerusaleemu yonyene, ibinyamahanga bigayiji gikandagira, halinde isiku zaabo zimale.

Bukengeeze 28:33

«Kundu muli mu himbuukira, mbu lyo mulonga imimbu, haliko ibinyamahanga byo mutayiji, bigamùkuusa yo. Bagakizi mùlibuza, noꞌkumùvindagaza.

Bukengeeze 32:15

«Kwokwo, kundu Abahisiraheeri bakajega, haliko banahuna imbere lyage. Emwe! Bakalya, banajega, banafiika. Ha nyuma, banajanda Rurema wabo, kundu ye kababumba. Bakagayiriza lukiza wabo, kundu ali lwala lukomu.