Hisaaya 5:14 - Kifuliiru

¹⁴ Kwokwo, bakoli balindiriiri i nakwere, keera yanayashuula akanwa kaayo. Iyo munda i nakwere, abanalushaagwa beꞌYerusaleemu, kiri naꞌbagunda, booshi bakoli lindiiri ukumanukira yo, kuguma naꞌbalalwe booshi ábagweti bagaagira akalugi.

Hisaaya 5:14 ပူးပေါင်းရင်းမြစ်များ

Zaburi 49:14

Yabo bahwija, kundu bangamenyekana kwo bo bali bitegeereza, banakizi na yilangaalira, haliko ku mbeka, bali mu fwagaga ngaꞌbandi.

Zaburi 55:15

Twâli kizi ganuulira kuguma mu ngoome nyiija. Twanâli kizi gendanwa ku kisegengo, mu kugenda iwa nyumba ya Rurema.

Migani 1:12

Tugabamirangusa, bakiri bagumaana, nga kwokulya Nakuzimu ali mu gira. Babe nga balya ábatibukira mu kirimbi-rimbi.

Migani 27:20

Nakuzimu neꞌnakwere, batali mu yiguta. Kiri naꞌmasu gaꞌbandu, nago, gatali mu haaga.

Migani 30:16

Hali Nakuzimu. Hali niꞌbunda lyoꞌmukazi úgumbiri. Hali niꞌdaho íritali mu yiguta amiiji. Hali noꞌmuliro, úgutali mu deta: «Keera nayiguta.»

Hisaaya 14:11

Kundu ubwa mbere bâli kizi kugingika mu bulangashane, haliko yubwo bulangashane bwawe, keera bwamanulirwa i nakwere. Ibinubi byo bâli kizi kulakiza, kwokwo, nabyo mugamanukanwa yo. Honyo! Ibitwera, kyo kikolaga kyajo kyawe! Imivuuzi, kyo kikola kibwikwa kyawe!

Hisaaya 14:9

«E mwami, i nakwere ikoli shambiiri. Ee ma! Ikyanya ugamanukira yo, igakuyakiira ngana! Iyo munda i nakwere, keera yakuvyulira imizimu, na booshi ábashuba bakulu beꞌkihugo. Igweti igayimusa abaami baꞌmahanga gooshi, bayimangire ku bitumbi byabo byeꞌkyami, gira bakulamuse.

Hisaaya 21:4

Umutima gwani gukola mu puupa. Neꞌkihuumula kikola mu njugumya. Njubi yifwijiri akabigingwe kahikage, lyo mboleera. Si kaako kabigingwe, leero nako kandeera ulushunguti.

Hisaaya 24:8

Ingoma zitakiri mu laka. Noꞌlujongo lwaꞌbanabitalaalwe keera lwamala. Kiri neꞌnzeeze zitakiri mu zihwa ku bushambaale.

Hisaaya 30:33

Uyo mwami waꞌBahasuriya, Nahano âli mali gwanwa ashungika kwo agamújigiiviza i Topeti. Ee! Iyo munda, iri ikirimbi-rimbi, kinayisiri. Yikyo kirimbi-rimbi, kiri mwiꞌbengesheeshe lyoꞌmuliro, gunali mweꞌshaali nyingi. Yugwo muliro, Nahano agaguyasa, mu kugufuuha noꞌmuuka gwage, gunayami yaka nga lwiji úluli mwoꞌmuliro.

Hezekyeri 7:12

Ikyanya keera kyahikaga! Ee! Lulya lusiku lukoli yegiiri. Umuguzi, mutamúleke mbu ashambaale. Umudandaza naye, atakwaniini ajengeerwe. Si yabo booshi, uburaakari bwani bugabatibukira kwo.

Danyeri 5:30

Mu bwobulya bushigi, Berishaaza mwami weꞌBabeeri anayitwa.

Nahumu 1:10

Yabo bagoma bagaaba nga ábakoli lalusiri, banakizi bambaajira, banajigimbe nga kishungu-shungu kyumu kyeꞌmigenge, banasiriire lwoshi-lwoshi.

Habakuki 2:5

Nga kweꞌdivaayi iri mu teberezania, kwo na kwokwo, ngiisi ábagweti bagayikangaata, batagayama ho. Si bali nga nakuzimu, mu kulooza ukumirangusania. Na nga kwo Narufu atali mu yiguta, nabo kwo na kwokwo. Si bagweti bagayikumaniza abandu baꞌgandi mahanga gooshi, gira balonge ukubamirangusa.”

Mataayo 7:13

«Mukizi yingira mu mulyango gwaꞌkafyenge. Mukuba, umulyango úguloziri i nakwere, gwohe guyajabusiri. Neꞌnjira yoꞌkugenda yo, ali namuhirye. Na ábali mu gilenga mwo, bali katundu.

Luka 17:27

Mukuba, ku kyanya kyoꞌyo Nuhu, abandu bâli kizi lya noꞌkunywa. Banâli kizi yanga noꞌkuyangwa, halinde ukuhisa ku lusiku lwo Nuhu akayingira muꞌlya nangungubanga waꞌmashuba. Haaho, umwijulire gwanayijaga, gwanababindikira booshi!

Luka 21:34

«Mukizi ba masu! Mutazidoherwe noꞌbushule, kandi iri indalwe, kandi iri ingerania. Buzira kwokwo, hali ikyanya ibya yulwo lusiku byangayiji mùkanga, nga íbyabashwa noꞌmubashu.