Hisaaya 5:13 - Kifuliiru

¹³ Abahisiraheeri, bwo batanyiji, kyo kitumiri bagatwalwa imbohe. Abatwali baabo, kiri naꞌbagunda booshi, bagayuvwa umwena, bananyoterwe, halinde banakizi fwa.

Hisaaya 5:13 ပူးပေါင်းရင်းမြစ်များ

2 Baami 17:6

Iri mwami Hosheya akahisa imyaka mwenda atwaziri, ulya mwami weꞌHasuriya anagwata akaaya keꞌSamariya, anatwala Abahisiraheeri imbohe, halinde i Hasuriya. Baguma baabo, anababiika mu kaaya keꞌHala. Naꞌbandi, anababiika i Gozani, hoofi noꞌlwiji Habori. Naꞌbandi, anababiika mu twaya tweꞌMediya.

Migani 10:21

Umundu úkwaniini, amagambo gaage gali mu tabaala abandu bingi. Si abahwija boohe, bwo babuziri ubwenge, kyo kitumiri bali mu fwa duba.

Hisaaya 1:3

Emwe! Ingaavu ziyiji sheebuja. Kiri na bapunda bayiji ho bali mu liira. Si Abahisiraheeri boohe kundu balyagagi bandu baani, haliko batanyiji, batanasobanukiirwi.»

Hisaaya 1:7

Ibinyamahanga bikola mu mùshahula imimbu, bikabuli singoola utwaya twinyu, halinde ikihugo kinashereezibwe lwoshi. Kundu kwokwo, mugweti mugabaloleera naaho.

Hisaaya 23:9

Úwashungika kwoku, ali Nahano woꞌbushobozi bwoshi. Yaba bandu, kundu bâli kizi yikangaata, haliko Rurema analooza ukubatindimaza. Na kundu bâli gweti bagashaagwa, halikago anashungika ukubateeza ishoni.

Hisaaya 27:11

Yabo Bahisiraheeri balyagagi nga matavi ágayumuusiri. Ikyanya gali mu konyoka, abakazi banakizi yiji gashenya. Yabo Bahisiraheeri balyagagi bizeeze, ndaanalyo igambo basobanukiirwi. Kundu Rurema ye kabalema, si atakiri mu baholeeza. Kundu ali Mulemi wabo, atakiri mu bayuvwirwa indengeerwa.

Hisaaya 3:1

Lolagi! Ibindu bya mu kihugo kyeꞌBuyuda, kiri neꞌbya mu kaaya keꞌYerusaleemu, Nahano Rurema woꞌbushobozi bwoshi, agaki bisivya. Abandu batanaki be noꞌbulyo bwoꞌkulonga ibyokulya, kandi iri miiji.

Hisaaya 3:3

kandi iri abakulu baꞌbasirikaani, kandi iri abakulu boꞌtwaya, kandi iri abahanuuzi, kandi iri abanamaleere, kandi iri abafumu ba kaminuuza.

Hisaaya 44:19

Mu kati kaabo, si ndaaye mwenge kandi iri mwitegeereza, úwangayisaliza, ti: «Ishaali nguma, nꞌgazitwana, nanaziyokya mweꞌmikate. Neꞌzindi nanaziyokya mweꞌnyama, nanagilya. Na ízikasigalaga, nanazibaaja mweꞌkyagaza kyoꞌmugisi. Yoho wee! Si ulushaali úlusigiiri, lwolwo, lwo ngweti ngayikumba!»

Hisaaya 49:21

Ugakizi yibuuza: “Yaba baana booshi, nyandagi úkabambeereza? Si nâli jengiirwi, nanakizi yuvwa akahumbwe? Nâli koli hungiiri mu mahanga, nanâli sigiiri kiguli-guuli. Aahago! Yabo baana booshi, nyandi úkabalera? Si nâli riiri niengwa! Aaho! Bashaaziri hayagi?”»

Hisaaya 65:13

«Ku yukwo, nie Nahano Rurema, nadetaga kwokuno: Ku kyanya abakozi baani bagalonga ibyokulya neꞌbinywebwa, haliko mwehe kwo muli bandu babi, mugaaba muki shalisiri, iri munanyotiirwi. Abakozi baani bagakizi ba bashambiiri, haliko mwehe, munabe mujojobiiri.

Yeremiya 14:18

Ikyanya ndi mu genda mu mbingiro, ndi mu gwana mweꞌbirunda bya ábakayitwa neꞌngooti. Neꞌkyanya ndi mu yingira mu kaaya kahamu na ngwane mwaꞌbandi, bakola mu fwa niꞌshali. Kiri naꞌbaleevi naꞌbagingi, keera bakatwalwa hala mu mahanga go batayiji.”»

Yeremiya 14:3

Ikyanya abakulu bali mu tuma abakozi baabo, kwo bagendi vwoma amiiji, bali mu gwana ibirigo bikamiri ngenene. Kinatume bagagalukana ibirugu bimaata, bakoli yinamiri. Ee! Ishoni zinabagwate, banagire mbu bayibishe amalanga.

Yeremiya 8:7

Akabangarara kayiji-yiji ikyanya kyoꞌkubunga. Kiri niꞌhumba, naꞌkalembe-rembe, noꞌtushuta, nabyo biyiji ikyanya kyo biri mu bunga kwo. Halikago, yabo bandu baani boohe, batayiji byo Nahamwabo aloziizi.

Kimombo 4:9

Balya bandu, ho bangafwa noꞌmwena, buli bwija bayitwe ku ngooti. Ikyanya umundu ali mu fwa noꞌmwena, ali mu fwifwitira luto-luto, mu kubula byo agaalya.

Hezekyeri 7:12

Ikyanya keera kyahikaga! Ee! Lulya lusiku lukoli yegiiri. Umuguzi, mutamúleke mbu ashambaale. Umudandaza naye, atakwaniini ajengeerwe. Si yabo booshi, uburaakari bwani bugabatibukira kwo.

Hosheya 4:6

Na íbitumiri abandu baani bakoli gweti bagashereezibwa, bwo babuziri ubumenyi. E bagingi! Bwo mulahiiri ukummenya, naani ngalahira kwo mutakiri bandu baani. Na bwo mutaki twaziizi imaaja za Rurema winyu, naani ndagaki twaza abaana biinyu.

Hamoosi 8:13

«Yulwo lusiku, abanyere, kundu bagaaba banonosiri, inyoota igabayandabusa. Igayandabusa kiri neꞌmisore mitabana kwakundi.

Luka 19:44

Balya bagoma bagakuhongolera haashi. Ndaanalyo ibuye írigasigala ku lyabo. Kiri na ábakutuuziri mwo, nabo bagabindikwa! Mukuba, ikyanya Rurema akakuleetera ubukize, utakakimenya!»

Barumi 1:28

Aahago! Bwo bakalahira ukumenya Rurema nga ngiisi kwo ali, kyanatuma naye agabaleka bakizi kulikira inzaliro zaabo ízisherebiiri, halinde banakizi yifunda mu bitali nga byo.

2 Peturu 3:5

Kundu kwokwo, bali mu yiyibagiza kwo yaho keera Rurema akabumba igulu neꞌkihugo ku njira yoꞌkukyula kwo bibe ho. Ee! Akabilyosa mu miiji. Kuli ku njira yaꞌmiiji kwo akabibumba.