Hisaaya 5:12 - Kifuliiru

¹² Ikyanya bali mu kizi yilala mu bitali nga byo, bali mu ba bashambiiri, mu kukizi ziha ikinubi, neꞌnzeeze, banalase neꞌngoma, neꞌmiteera-teera. Kundu kwokwo, ngiisi byo Nahano ali mu kizi gira, batabitwaziizi. Kiri na yenyene, batanamútwaziizi.

Hisaaya 5:12 ပူးပေါင်းရင်းမြစ်များ

Ndondeko 31:27

Kituma kikagi ukanyongoloka, wanandeba? Si utakammenyeesa, gira nguseezere mu kati koꞌbushambaale, mu kukulakiza ingoma, neꞌnanga.

2 Samweri 19:35

Uyo Barizilaayi, ti: «E mwami, ndaki hiiti isiku nyingi hano mu kihugo. Kutagi kwo twangaki gendanwa i Yerusaleemu?

Hayubu 34:27

Mukuba, bakajanda ukumúkulikira, batanagweti bagamútwaza.

Zaburi 28:5

Kundu uli mu kola ku bushobozi bwawe, si boohe, batali mu kutwaza. Ku yukwo, ugabanyanyaga haashi nga nyumba njaaja. Utanâye shubi bayinamula.

Hisaaya 22:13

Haliko, lolagi buno! Si muki gweti mugashambaala, iri munayilala mu bitalaalwe! Munakiri mu baaga ingaavu neꞌbibuzi, munalye inyama, iri munanywa neꞌdivaayi. Munakiri mu deta, ti: «Tukizi lya, iri tunanywa! Si kusheezi tugaafwa!»

Hisaaya 24:8

Ingoma zitakiri mu laka. Noꞌlujongo lwaꞌbanabitalaalwe keera lwamala. Kiri neꞌnzeeze zitakiri mu zihwa ku bushambaale.

Hisaaya 29:1

Yayewe imwawe, e Yerusaleemu! Ulyagagi kaaya ka mwami Dahudi, neꞌsiku zaawe ngulu ziyamiri zigenderiiri umwaka ku gundi.

Hisaaya 5:19

Si bakola mu naakira Rurema kwokuno: «E Nahano, uvwarukage! Ngiisi byo ukatulagaania, ubigirage, gira tubiyibonere. Bwo uli Mutaluule waꞌBahisiraheeri, ukwizagye ishungi zaawe, gira nyiitu tuzimenye.»

Hisaaya 56:12

Bali mu kizi kemana kwokuno: «Yijagi, tugendi looza idivaayi. Tugendi laluka amaavu geꞌngangu. Kwokwo kwo tugaagira, kiri na kusheezi. Si kusheezi lyo tugashambaala ingingwe.»

Hezekyeri 26:13

Ehee! Ukuyimba kugaamala, kiri noꞌkulasa ibinanda.

Danyeri 5:23

Si keera ukayikuza, mu kuhagana na Nahano, anali ye tuuziri mwiꞌgulu! Kiri na birya bikombe íbikalyosibwa mu nyumba ya Rurema, wabiyabiira, wanabinywera mweꞌdivaayi mwe naꞌbatwali baawe, na bakaawe, naꞌbandi bakazi baawe beꞌmbuga. «Na kwakundi, wanakizi huuza imigisi, kundu ikatuulwa mu harija, na mu nooro, na mu miringa, na mu byuma. Igindi yâli baajirwi mu biti, na mu mabuye. Wanakizi gihuuza, kundu itali mu bona, itanali mu yuvwa, ndaanakyo kindu kyo iyiji. Utanali mu twaza Rurema, kundu ye fumbiiti ubulamu bwawe mu maboko gaage, ye nayiji ngiisi kwo akushungikiiri.

Luka 16:19

«Hâli riiri mugale muguma, úwâli kizi yisimiisa mu bindu byage, anâli kizi yilimbiisa neꞌmirondo miija yeꞌkituku-tuku.

1 Bakorindo 14:7

Kiri neꞌbirugu íbitali mwoꞌbugumaana, nga muteera-teera kandi iri ululanga, iri batangabilasa bwija, umundu atangamenya ulwimbo lwo bagweti bagaalasa.

Yuda 1:12

Ikyanya muli mu shangiira ibyokulya mu kati koꞌrukundo, yabo banakuhambwa bali mu mùyifunda mwo buzira shoni. Banabe tushembo mu kati kiinyu. Balyagagi bangere babi, banagweti bagayihahalira boonyene. Banali nga bibungu biiru íbiri mu yehuulwa iyo munda neꞌyo munda, buzira kulyoka mweꞌnvula. Banali nga biti íbikoli hangaliiri. Bitali kweꞌbitumbwe, keera byanakuulwa.

1 Samweri 12:24

Kwokwo, mukizi simbaha Nahano. Munakizi múkolera ku mutima gwinyu gwoshi. Munakizi kengeera ibitangaaza byo âli kizi mùgirira.