Hisaaya 48:9 - Kifuliiru

⁹ Kundu ngwasirwi noꞌbute, ngatee buhoohya. Ngweti ngamùnogera, ndayami mùminika, gira lyaꞌbandu balonga ukunyivuga.

Hisaaya 48:9 ပူးပေါင်းရင်းမြစ်များ

Zaburi 106:8

Kundu kwokwo, Nahano anakizi yerekana ubushobozi bwage bweꞌkitangaaza, mu kukiza abandu baage, gira iziina lyage likizi gingikwa.

Zaburi 143:11

E Nahano, ungize halinde iziina lyawe likizi huuzibwa. Ugire íbikwaniini, mu kundyosa mu malibu.

Zaburi 25:11

Kwokwo, e Nahano, bwaꞌmabi gaani gali mingi, ungogage kwiꞌziina lyawe.

Zaburi 78:38

Kundu Rurema âli barakariiri, si akakizi yihangirira ku bute bwage, atanaki baminika. Ee! Âli bakejeriiri, anakizi bakoga ibyaha.

Zaburi 79:9

E Rurema, Lukiza witu, ututabaale, we kongwa, halinde wenyene ukizi gingikwa. Utukoge ibyaha biitu, unatuguluule, halinde iziina lyawe likizi yivugwa.

Migani 19:11

Umwitegeereza atali mu raakara duba-duba. Atali mu twaza amahube, kyo kitumiri bali mu múgingika.

Hisaaya 30:18

Kundu kwokwo, Nahano ali Rurema woꞌkuli. Analoziizi ukumùgirira amiija, noꞌkumùyuvwirwa indengeerwa. Bahiriirwi booshi ábamúlangaliiri.

Hisaaya 37:35

Ngalanga kano kaaya, na ngakize, hiꞌgulu lyoꞌlushaagwa lwani, na hiꞌgulu lyoꞌmukozi wani Dahudi.»

Hisaaya 43:25

Kundu kwokwo, yibyo byaha biinyu, ndi mu bihotola. Ee! Keera nꞌganabikoga, ndanâye ki shubi bikengeera. Mukuba, kwokwo kwo nꞌgashungika nienyene.

Hisaaya 48:11

Na íbitumiri nꞌgagira kwokwo, biri hiꞌgulu lyani nienyene, gira ndayiji gwanwa natukwa. Kiri noꞌbulangashane bwani, ndangabushangiira neꞌmizimu.»

Hisaaya 65:8

Nahano adetaga kwokuno: «Umundu, nga angagwana umuzabibu úguhiiri, abandu batangadeta mbu gushereezibwe. Mukuba, gugaki kandwa mweꞌdivaayi nunu. Kwo na kwokwo, ndagaki shereeza abakozi baani lwoshi-lwoshi.

Yeremiya 14:7

Abandu bakola mu yigaya, ti: «E Nahano, íbitumiri twagooka kwokuno, biri hiꞌgulu lyeꞌbyaha biitu. Mukuba, tukoli kuhubiiri, naꞌmahube giitu galuguusiri imbere lyawe. Kundu kwokwo, ugirage ututabaale we kongwa, halinde iziina lyawe likizi lumbuuka!

Hezekyeri 20:14

«Halikago, nanashubi shiginya ukubahaniiriza, gira iziina lyani litayiji kengeera lyagayirizibwa mu binyamahanga. Mukuba, bikayibonera ngiisi kwo nꞌgahulusa Abahisiraheeri mu kihugo kyeꞌMiisiri.

Hezekyeri 20:22

«Kundu kwokwo, nanashubi shiginya ukubahana, gira iziina lyani litayiji kengeera lyagayirizibwa mu binyamahanga. Mukuba, bikayibonera ngiisi kwo nꞌgahulusa Abahisiraheeri mu kihugo kyeꞌMiisiri.

Hezekyeri 20:44

«Ikyanya ngamùgalulira mwo, bitagaaba mbu bwo mukwaniini imbere lyani, kandi iri mbu bwo muli mu kizi gira ibitanzimisiizi. Haliko, bigaaba kwokwo, liꞌziina lyani likizi gingikwa, halinde abandu bamenye kwo nie Nahano.» Kwokwo, kwo Rurema Nahamwinyu adesiri.

Hezekyeri 20:9

Haliko, nanaleka ukugira kwokwo, gira iziina lyani litayiji kengeera lyagayirizibwa mu bandu beꞌgindi milala bo batuliinwi. Mukuba, yabo bandu bakayibonera ngiisi kwo nꞌgayitanga mu Bahisiraheeri, ku kyanya nꞌgabahulusa mu kihugo kyeꞌMiisiri.

Hezekyeri 36:21

Yiryo iziina lyani, kundu bâli kizi ligayiriza mu binyamahanga, haliko niehe, nâli kizi lihahala.

Yoshwa 7:9

Abakaanani, kuguma naꞌbatuulaga booshi ba mu kino kihugo, mango bayuvwa kwokwo, bagayami tusokanana, banatuminike tweshi. Aaho! Kutagi kwo ugaki yerekana kwiꞌziina lyawe liri noꞌbushobozi?»

1 Samweri 12:22

«Bwo Nahano ahiiti iziina lya kahebuuza, atagamùjanda. Si agakizi mùgira mube bandu baage. Kwokwo, kwo asiimiri.