Hisaaya 48:6 - Kifuliiru

⁶ Ngiisi byo nꞌgagwanwa namùkengula, mwanabiyiyuvwirwa, byebino, bikola mu koleka. «Aahago! Kituma kiki mutangabiyemeera? Buno, ngola ngamùyereka ibihyahya. Ee! Kundu bishubi bishamiri, ngaki mùmenyeesa byo.

Hisaaya 48:6 ပူးပေါင်းရင်းမြစ်များ

Zaburi 107:43

Yaga magambo, ngiisi úli mu ba mwitegeereza, akizi gayitoneesa kwo. Anakizi sobaanura ngiisi kwo Nahano ali mu kizi kundana mu kati koꞌbwemeere.

Zaburi 119:13

Bwo keera watumenyeesa zo, ngakizi ziyikoomereza-koomereza.

Hisaaya 21:10

E Bahisiraheeri, mukahuulwa nga ngano, mwanayeluulwa. Kundu kwokwo, mukiri bandu baani. Kwoku, hali indumwa yo Nahano woꞌbushobozi bwoshi andumiri. Ee! Ali Rurema waꞌBahisiraheeri.

Hisaaya 42:20

«E Bahisiraheeri! Kundu keera mukabonaga amagambo mingi, si mutagatwaziizi kiri neꞌhiniini. Na kundu amatwiri giinyu gayigusiri, si ndaabyo muli mu tami yuvwa.»

Hisaaya 42:8

«Niehe nie Nahano. Yiryo iziina, liri lyeꞌmwani naaho! Ubulangashane bwani, ndagabushangiira noꞌgundi yeshi. Ndanâye leke ubwivuge bwani buhaabwe imigisi.

Hisaaya 42:9

Lolagi! Ngiisi byo nꞌgagwanwa nadeta, keera byakoleka. Na buno, ngola mu menyeesa ibihyahya. Ee! Ngola mu mùganuulira byo, bítazi koleka.»

Hisaaya 43:19

Lolagi! Ngolaga ngaagira igambo lihyahya. Na buno, likola mu boneka. Ka mutalibwini? Iyo munda mwiꞌshamba, ngaabera yeꞌnjira, ninahingiise mweꞌnyiiji.

Hisaaya 48:7

Byohe, bitali bya keera. Si lyo bikiri mu koleka. Halinde zeene buno, mutazindi biyuvwa. Ku yukwo, mutangadeta mbu: “Nanga! Tukoli biyiji!”

Yeremiya 2:31

Yemwe bandu ba zeene! Nie Nahano, nie wakyula. Aaho! Mundegage amatwiri. Ka ndi mu teera abandu ikyoba, nga úli mu lenga mwiꞌshamba, kandi iri ngeꞌkihugo íkiyidisiri mweꞌkihulu namudidi? Si muli baana baani! Aahago! Kituma kiki mugweti mugaadeta: “Leero buno, tugagenda ngiisi ho tuloziizi. Tutagaki kugalukira!”

Yeremiya 33:3

“Mukizi ndabaaza! Naani, ngakizi mùyitaba. Na ngizi mùbwira amagambo gaꞌkahebuuza, kundu gashuba mabishe.”

Yeremiya 50:2

«Mukizi menyeesa ibinyamahanga indumwa, buzira kubibisha umwazi. Muyimusagye irembera, mu kubamenyeesa kwaꞌBababeeri bagwatwa imbira. Imigisi yabo igateezibwa ishoni, halinde inavungulwe. Iyo migisi yabo Beeri, na Merodaaki, igateteerwa, inahuumirwe bweneene.

Hamoosi 3:6

Ikibuga, iri kyangadihirizibwa mu kaaya, abandu baamwo bali mu yami yoboha. Kwokwo, noꞌbuhanya, butangagwata akaaya, Nahano átazi kyula.

Mika 6:9

Iri mwangaba mulyagagi bitegeereza, mugasimbaha Nahano! Ikyanya akola agaahana, mukizi múbiika kwoꞌbutwaze. Izu lyage ligweti ligaberangira mu kaaya keꞌYerusaleemu kwokuno:

Mataayo 10:27

Ngiisi byo ngweti ngamùbwirira mu kihulu, mukizi bidetera mu mulengeerwe. Na ngiisi byo mukayuvwa mu buhwehwe, mubidetere ku katwe keꞌnyumba, mu kuyiberekaania.

Yohana 15:15

«Ndakiri mu mùbuuza bakozi. Mukuba, ikyanya nahamwabo ali mu gira igambo, umukozi atali mu limenya. Haliko, ngola mu mùbuuza biira baani. Mukuba, byoshi byo nꞌgayuvwa imwa Daata, keera nꞌgamùmenyeesa byo.

Mikolezi 1:8

«Kundu kwokwo, Umutima Mweru gugayiji beera hiꞌgulu liinyu, halinde munalonge ubushobozi. Munakizi ndangira ubumasi i Yerusaleemu, na mu poroveesi yoshi yeꞌBuyahudi, na mu yeꞌSamariya, halinde ukuhikiza ku mbeka yeꞌkihugo.»

1 Bakorindo 2:9

Biri nga kwo biyandisirwi kwokuno: «Ibyaꞌbandu batazindi bona, batanazindi biyuvwa, batanazindi bisalira kwo, byebyo byo Rurema keera akagwanwa ateganulira ngiisi ábamúkuuziri.»

Bwigule 1:19

«Kwokwo, yibi byo ugweti ugaabona, ubiyandike. Ibya buno, na íbyâye yije.

Bwigule 4:1

Ha nyuma, nanalangiiza, nanabona mwiꞌgulu, ulwivi lukola luyigule. Nanayuvwa lirya izu írikadihiriza nga lyeꞌkibuga. Lirya izu, lyanashubi mbwira: «Uyijage ino munda, gira nguyereke ngiisi íbigaki koleka!»