Hisaaya 48:11 - Kifuliiru

¹¹ Na íbitumiri nꞌgagira kwokwo, biri hiꞌgulu lyani nienyene, gira ndayiji gwanwa natukwa. Kiri noꞌbulangashane bwani, ndangabushangiira neꞌmizimu.»

Hisaaya 48:11 ပူးပေါင်းရင်းမြစ်များ

Hisaaya 42:8

«Niehe nie Nahano. Yiryo iziina, liri lyeꞌmwani naaho! Ubulangashane bwani, ndagabushangiira noꞌgundi yeshi. Ndanâye leke ubwivuge bwani buhaabwe imigisi.

Hezekyeri 20:9

Haliko, nanaleka ukugira kwokwo, gira iziina lyani litayiji kengeera lyagayirizibwa mu bandu beꞌgindi milala bo batuliinwi. Mukuba, yabo bandu bakayibonera ngiisi kwo nꞌgayitanga mu Bahisiraheeri, ku kyanya nꞌgabahulusa mu kihugo kyeꞌMiisiri.

Hezekyeri 20:14

«Halikago, nanashubi shiginya ukubahaniiriza, gira iziina lyani litayiji kengeera lyagayirizibwa mu binyamahanga. Mukuba, bikayibonera ngiisi kwo nꞌgahulusa Abahisiraheeri mu kihugo kyeꞌMiisiri.

Hisaaya 37:35

Ngalanga kano kaaya, na ngakize, hiꞌgulu lyoꞌlushaagwa lwani, na hiꞌgulu lyoꞌmukozi wani Dahudi.»

Hezekyeri 20:22

«Kundu kwokwo, nanashubi shiginya ukubahana, gira iziina lyani litayiji kengeera lyagayirizibwa mu binyamahanga. Mukuba, bikayibonera ngiisi kwo nꞌgahulusa Abahisiraheeri mu kihugo kyeꞌMiisiri.

1 Samweri 12:22

«Bwo Nahano ahiiti iziina lya kahebuuza, atagamùjanda. Si agakizi mùgira mube bandu baage. Kwokwo, kwo asiimiri.

Hisaaya 43:25

Kundu kwokwo, yibyo byaha biinyu, ndi mu bihotola. Ee! Keera nꞌganabikoga, ndanâye ki shubi bikengeera. Mukuba, kwokwo kwo nꞌgashungika nienyene.

Yeremiya 14:7

Abandu bakola mu yigaya, ti: «E Nahano, íbitumiri twagooka kwokuno, biri hiꞌgulu lyeꞌbyaha biitu. Mukuba, tukoli kuhubiiri, naꞌmahube giitu galuguusiri imbere lyawe. Kundu kwokwo, ugirage ututabaale we kongwa, halinde iziina lyawe likizi lumbuuka!

Hezekyeri 20:44

«Ikyanya ngamùgalulira mwo, bitagaaba mbu bwo mukwaniini imbere lyani, kandi iri mbu bwo muli mu kizi gira ibitanzimisiizi. Haliko, bigaaba kwokwo, liꞌziina lyani likizi gingikwa, halinde abandu bamenye kwo nie Nahano.» Kwokwo, kwo Rurema Nahamwinyu adesiri.

Hezekyeri 20:39

«E Bahisiraheeri, nie Rurema Nahamwinyu ngweti ngaadeta kwokuno: Mugendererage ngana noꞌkukizi yikumba imigisi yinyu. Haliko, hagaatama munashubi nzimbaha, mutanaki shubi ndeeza ishoni, mu kutanga amatuulo giinyu imweꞌmigisi.

Barumi 2:24

Biri nga kwo biyandisirwi, ti: «Mwe Bayahudi, mwe mutumiri iziina lya Rurema ligweti ligashembuulwa mu bandu beꞌgindi milala.»

Yohana 5:23

Kwokwo, lyaꞌbandu booshi bakizi simbaha Umwana wage, nga kwo basimbahiri Yishe. Haliko, iri umundu angaba atasimbahiragi Umwana wage, iri na Yishe, atakiri mu músimbaha. Mukuba, uyo Yishe ye kamútuma.

Hisaaya 52:5

Aahago! Kituma kiki muki gweti mugatindimazibwa kandi? Si abagoma biinyu bakiri mu mùhonyoleza! Bayamiri bali mu jambuura iziina lyani ubwakya-ubwayira. Kwokwo, kwo nie Nahano ndesiri.

Hisaaya 48:5

Yaga magambo, nꞌgagwanwa namùmenyeesa go, gátazi koleka. Kwokwo lyo mutalonge ukuyiji deta: “Yaga gooshi, imigisi yani, ye gweti igagagira. Irya migisi yani yo nꞌgabaaja mu biti, neꞌgindi yo nꞌgatula mu byuma, yo ikagashungika.”

Zaburi 25:11

Kwokwo, e Nahano, bwaꞌmabi gaani gali mingi, ungogage kwiꞌziina lyawe.

Zaburi 106:8

Kundu kwokwo, Nahano anakizi yerekana ubushobozi bwage bweꞌkitangaaza, mu kukiza abandu baage, gira iziina lyage likizi gingikwa.

Zaburi 115:1

E Nahano, tutali twe tukwaniini ukulonga ulushaagwa. Si wehe we lukwaniini. Mukuba, we mwija, unali mwemeera.

Hisaaya 48:9

Kundu ngwasirwi noꞌbute, ngatee buhoohya. Ngweti ngamùnogera, ndayami mùminika, gira lyaꞌbandu balonga ukunyivuga.

Danyeri 9:17

«“E Rurema Nahamwitu! Inyumba yawe nyeeru, ikola mu siba. Na bwo ndi mukozi wawe, ngweti ngakutakira. Kwokwo, yaga mahuuno gaani, ukizi gayuvwiriza, unashubi kizi tutabaala.

Zaburi 25:7

E Nahano, kundu nâli kizi huna mu busore bwani, nanakizi yifunda mu byaha, haliko utakizi ki bikengeera. Si uli mwija! Aaho! Ikyanya ugakizi ngengeera, kube naaho mu kati koꞌrukundo lwawe.

Hezekyeri 36:22

«Kwokwo yabo Bahisiraheeri, ugendi babwira kwo nie Rurema Nahamwinyu nadetaga kwokuno: Ikyanya mwâli kizi genda mu mahanga, mwanakizi gayiriza iziina lyani. Kundu kwokwo, niehe ngakizi lisimbahiisa. Iri nangaba ngaagira kwokwo, kutagaaba hiꞌgulu liinyu, si kugaaba hiꞌgulu lyani.