Hisaaya 47:8 - Kifuliiru

⁸ Yuvwagwa! Buno, we gweti ugayisimiisa mu byaꞌmagala! Uki vwagariiri, iri unayihaya kwokuno: “Ha nyuma lyani, ndaaye gundi! Ndâye be namufwiri, ndanâye fwirwe naꞌbaana!”

Hisaaya 47:8 ပူးပေါင်းရင်းမြစ်များ

Hisaaya 14:14

Nganungeera hiꞌgulu lyeꞌkibungu, halinde mbe nga Rurema yenyene, úli hiꞌgulu lya byoshi.”

Hisaaya 32:11

E bakazi, kundu muki jeberiiri, ndaanabyo muhahiiri, si mukwiriiri mulengage mweꞌkinyukura. Aaho! Mukaturure ibyambalwa biinyu, munakenyere amasuuzu, mu kuyerekana kwo mukoli jengiirwi.

Hisaaya 32:9

E bamaawe, si muyamiri mujeberiiri, ndaanabyo muhahiiri! Aaho! Muyimukage, mundege amatwiri.

Hisaaya 45:18

Nahano Rurema, ye kabumba igulu, neꞌkihugo, anabisikamya. Na íbitumiri akagiraga kwokwo, kutali mbu kituule kimaata. Nanga, maashi! Si akabumba abandu kwo bakituule mwo, anadetaga kwokuno: «Nie Nahano, ndaanaye gundi.

Hisaaya 45:5

Niehe, nie Nahano. Ndaanaye gundi Rurema úli ho. Kundu utâli nyiji, si ngweti ngakusikamya.

Hisaaya 45:6

Kwokwo lyaꞌbandu booshi balongaga ukumenya kwo hatayimbwa gundi Rurema, ukulyokera isheere halinde imuga. Niehe naaho, nie Nahano, ndaanaye gundi.

Hisaaya 47:10

«Kundu ugweti ugayifunda mu bitali nga byo, utayobohiri, unagweti ugayihaya, mbu: “Si ndaaye úmbwini!” Yehee! Ubwenge bwawe noꞌbumenyi bwawe, si bikoli kutebiri. Binagweti bigakulabiza, mu kukudeteesa, ti: “Ndi niehe naaho. Ndaanaye gundi ye twangageranwa!”

Yeremiya 49:31

«Yabo bandu baki jeberiiri mu kati koꞌmutuula. Aaho! Yimukagi, tugendi bashereeza. Yabo bandu, batuuziri haabo-haabo. Akaaya kaabo, katahiiti inyiivi, kandi iri migaliro.

Yeremiya 50:11

«E Bababeeri, ikyanya mukagendi shahula abandu baani ibindu, mwanaba mukoli shambiiri bweneene. Mwanasimba-simba nga nyana íri mu ndagiriro. Izu liinyu, likola nga lyeꞌfiizi yeꞌfwarasi.

Yeremiya 51:53

Akaaya keꞌBabeeri, kundu kanganunga halinde mwiꞌgulu, banagire mbu basikamye inzitiro zaako, zibe ngomu, halikago ngaki balungikira abagoma, bagendi kashereeza.» Kwokwo, kwo Nahano adesiri.

Hezekyeri 16:49

Uyo Soodoma naꞌbanyere, ubuligo bwabo bwâli bwobu: ikyanya bâli kizi gashaanirwa ibyokulya, banatondeere ukuyikangaata, batanaki twaze ukukizi tabaala abakeni na ábatashobwiri.

Hezekyeri 28:2

«E mwana woꞌmundu, ubwire mwami weꞌTiiro kwo nie Rurema Nahamwabo nadetaga kwokuno: “Si ugweti ugayikangaata bweneene, iri unayihaya, ti: ‘Niehe nie woꞌkuyikumbwa! Ngoli bwatiiri ku kitumbi kya íbiri mu yikumbwa, kinali ha kati keꞌnyaaja.’ Kundu ugweti ugayidundulika kwo we woꞌkuyikumbwa, si ulyagagi mundu ngana, utanali wa kunyigereera.

Hezekyeri 30:9

Ku yikyo kyanya, ngalungika indumwa, zigendi kanga Abahendyopiya. Kundu bagweti bagayihenda, kwo baki tuuziri mu kati koꞌmutuula, haliko ikyanya Abamiisiri bagaminikwa, nabo bagalenga mwoꞌmusisi. Ee! Yulwo lusiku, ukuhika, lugaahika ngana!”

Danyeri 11:36

«“Uyo mwami agakizi gira nga ngiisi kwo aloziizi. Agakizi yikuza, mu kudeta kwo ye himiri ngiisi íbiyimbwa ho, íbiri mu yikumbwa. Kiri na Rurema úli hiꞌgulu lya byoshi, agakizi mútuka, mu kukizi deta íbitali nga byo. Uyo mwami agakizi genduukirwa, halinde ku kyanya uburaakari bwa Rurema bugaaba keera bwakoleka. Mukuba, ngiisi íbikashungikwa, bikwaniini bikoleke.

Danyeri 4:22

Ugayimulwa mu bandu, unagendi tuula kuguma neꞌnyamiishwa. Neꞌyo munda, ugakizi lya ubwasi nga ngaavu. Ikimi kinakizi lyoka mwiꞌgulu, kinakulovye. Ugaahisa imyaka irinda uli kwokwo, halinde unayiji kebukwa kwo Rurema ye riiri hiꞌgulu lya byoshi. Ye na gweti ubushobozi hiꞌgulu lyaꞌmaami gooshi. Yehe, ali mu yimika ngiisi ye aloziizi.

Danyeri 4:27

iri anayidundulika, ti: «Niehe nie mwami! Ala yaka kaaya keꞌBabeeri! Ka ndali nie kakayubaka, gira kabe kaaya kaani kahamu ko ngatuula mwo? Nꞌgakayubaka ku njira yoꞌbuhagarusi bwani. Naꞌkalimbi kaako, ngizi longa mwoꞌbulangashane bweneene!»

Danyeri 4:30

Haaho-haaho, lirya igambo lyanayami kolekaga. Ulya mwami anayimulwa mu bandu, anakizi gendi lya ubwasi nga ngaavu. Amagala gaage ganakizi loba neꞌkimi ukulyoka mwiꞌgulu. Umushaku gwage gwanalaaha nga mashala ga nyunda. Neꞌnyunu zaage zanalaaha, nga za kanyuni.

Danyeri 4:4

Kwokwo, balya banamaleere banayija kuguma naꞌbalozi, naꞌbanabwenge beꞌndonde, na ábali mu banda imbuko. Yabo booshi, nanabalotololera birya birooto. Kundu kwokwo, ndaaye kiri noꞌmuguma wabo úkahasha ukumbwira umugeeza gwabyo.

Danyeri 5:23

Si keera ukayikuza, mu kuhagana na Nahano, anali ye tuuziri mwiꞌgulu! Kiri na birya bikombe íbikalyosibwa mu nyumba ya Rurema, wabiyabiira, wanabinywera mweꞌdivaayi mwe naꞌbatwali baawe, na bakaawe, naꞌbandi bakazi baawe beꞌmbuga. «Na kwakundi, wanakizi huuza imigisi, kundu ikatuulwa mu harija, na mu nooro, na mu miringa, na mu byuma. Igindi yâli baajirwi mu biti, na mu mabuye. Wanakizi gihuuza, kundu itali mu bona, itanali mu yuvwa, ndaanakyo kindu kyo iyiji. Utanali mu twaza Rurema, kundu ye fumbiiti ubulamu bwawe mu maboko gaage, ye nayiji ngiisi kwo akushungikiiri.

Danyeri 5:30

Mu bwobulya bushigi, Berishaaza mwami weꞌBabeeri anayitwa.

Nahumu 1:10

Yabo bagoma bagaaba nga ábakoli lalusiri, banakizi bambaajira, banajigimbe nga kishungu-shungu kyumu kyeꞌmigenge, banasiriire lwoshi-lwoshi.

Nahumu 3:4

E Ninaawi! Ushuba bulambe woꞌmukazi! Ushubi gweti ugalungumirwa, iri unakoleesa amaleere gaawe. Keera ukashweka abandu beꞌbihugo bingi, mu busambani bwawe, na mu bulozi bwawe.

Habakuki 1:7

Yabo Bababeeri, bayijikiini kwo bali balangi, banali mu leeza abandu mweꞌkinyukura. Bali mu gira ngiisi kwo baloziizi, buzira kutwaza ugundi mundu.

Sefaniya 2:15

Yako kaaya keꞌNinaawi, abandu bâli katuuziri mwo ku malega, na mu butoge. Bâli kizi deta, ti: «E balya, si twe tushubi sumbiri abandi bandu booshi!» Aaho! Kuti kuno ukolaga mushaka unakoli ba igomberano lyeꞌnyamiishwa! Ikyanya abandu bagakizi lenga yaho, bagakizi kuhonyoleza, iri banashagania amaboko, mu kukushekeereza.

2 Batesaloniki 2:4

Uyo nangora-mabi, agahangirira ngiisi byaꞌbandu bali mu yikumba, na ngiisi byo bali mu haruura kwo bamungu. Agayihaya kwo ye mukulu wabyo. Agayigogombeka kiri na mu nyumba ya Rurema, iri anayihaya kwo ye Rurema yenyene.

Batwi beꞌmaaja 18:27

Birya bindu byo Mika akatuliisa, beene Daani banabitwala, banatwala noꞌlya mugingi úwâli kizi múkolera. Ha nyuma, banagendi teera kirya kihugo kyeꞌLahishi. Na kundu abatuulaga baamwo bâli yituliiri mu kati koꞌbutoge, na buzira luhahalizi, haliko banabaminika booshi ku ngooti. Kiri naꞌkaaya kaabo, banakajigiivya.

Batwi beꞌmaaja 18:7

Yabo bandu kwo bali bataanu, banalyoka yaho, banagenda i Lahishi, banagwana yaꞌbandu batuudu, na bazira luhahalizi lwoshi. Yabo bandu, bâli tuuziri mu butoge, nga bandu beꞌSidooni. Na mu yikyo kihugo kyabo kyoshi, mutâli riiri umukakazo gwoshi, kandi iri ikiteero kyaꞌbagoma. Na bweꞌkihugo kyabo kyâli riiri neꞌnagiira, kyanatuma bagaaba bagale bweneene. Kundu kwokwo, bâli tuuziri hala naꞌbandu beꞌSidooni, ndaanabo bandi bandu bo bâli komberiinwi.