Hisaaya 47:7 - Kifuliiru

⁷ Wâli kizi yihaya kwokuno: “Niehe, nyamiri ndi mugoli.” Utâli zaazi kebukwa, mbu uyisalize ku byâye be.

Hisaaya 47:7 ပူးပေါင်းရင်းမြစ်များ

Kulyoka 7:23

Mwami anagalukira mu kajumiro. Yibyo byoshi, kundu bikakoleka, atanabitwaza.

Hisaaya 42:25

Kyo kikatuma agaturakarira bweneene, anatuleka tuyogogozibwe mwiꞌzibo lyeꞌngunguula. Uburaakari bwage butusokaniini nga ngulumira. Kundu kwokwo, tutazi sobanukirwa. Yubwo buraakari, kundu bukahambiri tujigiivya, si tutaki butwaziizi.

Hisaaya 47:5

«Haliko wehe, e kaaya keꞌBabeeri! Utâye ki buuzibwe Mugoli waꞌmaami. Si ukizi bwatalaga mu kihulu, buzira kudeta.

Hisaaya 57:1

Abandu ábakwaniini imbere lya Rurema, ikyanya bali mu fwa, abandu batakiri mu yitoneesa hiꞌgulu lyabo. Ndaanaye úsobanukiirwi kwo bakafwa, lyo batayiji libuuka.

Hisaaya 57:11

Aahago! Mukoli yobohiri nyandi, halinde mukizi mbwira ikinyoma? Kituma kiki mutakiri mu ndwaza, kandi iri ukungengeera? Ngeeka mutakiri mu nzimbaha, bwo ngola kyanya ndi munyerere!

Yeremiya 5:31

Abaleevi bagweti bagatanga ubuleevi bweꞌkinyoma. Kiri naꞌbagingi bakola mu kizi yihahalira boonyene naaho. Aahabi! Amabi mwene yago, abandu baani bakoli bwini kwo go gakwaniini. Halikago, ku kyanya kyeꞌmberuuka, kutagi bâye gire?»

Kimombo 1:9

Kundu ibitalaalwe byage byâli kizi múkululira umwama, si atâli kizi gutwaza. Kyanatuma agayiyulubaza bweneene. Kwokwo, ikyanya akayihongoleka haashi, ndaaye úkayiji múholeeza. Akolaga mu yinginga Nahano, ti: «E Nahano, langiiza ngiisi kwo nalonga ubuhanya! Si abagoma keera bambima!»

Hezekyeri 28:2

«E mwana woꞌmundu, ubwire mwami weꞌTiiro kwo nie Rurema Nahamwabo nadetaga kwokuno: “Si ugweti ugayikangaata bweneene, iri unayihaya, ti: ‘Niehe nie woꞌkuyikumbwa! Ngoli bwatiiri ku kitumbi kya íbiri mu yikumbwa, kinali ha kati keꞌnyaaja.’ Kundu ugweti ugayidundulika kwo we woꞌkuyikumbwa, si ulyagagi mundu ngana, utanali wa kunyigereera.

Hezekyeri 29:3

Umúbwire kwo nie Rurema Nahamwinyu nadetaga kwokuno: E mwami weꞌMiisiri! Ngolaga mugoma wawe. Si ukola nga ngoona ígwejiri mu lwiji Niire! Unagweti ugayikangaata, ti: Luno lwiji luli lweꞌmwani! Mukuba nie kalubiika kwo lube ho.

Hezekyeri 7:2

«E mwana woꞌmundu, Rurema Nahamwitu abwira Abahisiraheeri kwokuno: Kikola kyanya kyeꞌmberuuka! Ee! Amahanga gooshi gahika ku mbeka!

Danyeri 4:29

Ukolaga ugayimulwa mu bandu, unagendi tuula mu kishuka kuguma neꞌnyamiishwa. Unakizi lya ubwasi nga ngaavu. Ugaahisa imyaka irinda uli kwokwo, halinde unakebukwe kwo Rurema ye riiri hiꞌgulu lya byoshi. Ye na gweti ubushobozi hiꞌgulu lyaꞌmaami gooshi, anali mu yimika ngiisi ye aloziizi.»

Danyeri 4:4

Kwokwo, balya banamaleere banayija kuguma naꞌbalozi, naꞌbanabwenge beꞌndonde, na ábali mu banda imbuko. Yabo booshi, nanabalotololera birya birooto. Kundu kwokwo, ndaaye kiri noꞌmuguma wabo úkahasha ukumbwira umugeeza gwabyo.

Bukengeeze 32:29

Báki be bitegeereza, nga ábali mu sobanukirwa. Bangamenyiri ngiisi kwo bagaahera.

Bwigule 18:7

Nga kwo kâli kizi yidundulika bweneene mu kanyabungaka keꞌbindu bingi, kwo na kwokwo kube kwo mugakayogogoza, iri munakajengeeza. Mu mutima gwako, kagweti kaganina kwokuno: “Niehe, nie mwami-kazi. Ngoli gangaziizi! Ndali namufwiri, ndanâye lire ku kimombo.”