Hisaaya 42:3 - Kifuliiru

³ Ikyanya isanga likoli gingiiri, atagalidongoola. Neꞌkyanya itara likola mu fwifwitira, atagalizimya. Agayihangaana, halinde abandu balonge ukuli kwabo.

Hisaaya 42:3 ပူးပေါင်းရင်းမြစ်များ

Zaburi 147:3

Ngiisi ábali mu ba bavunisiri imitima, ali mu bakania yo. Neꞌnguma zaabo, anazishweke.

Zaburi 54:5

Si ibinyamahanga bigweti bigandeera! Balyagagi balangi bweneene, banaloziizi ukunyita. Yabo bandu, batatwaziizi Rurema.

Zaburi 94:15

Imaaja zaabo, zigashubi twibwa mu kati koꞌkuli. Ngiisi bandu boꞌkuli, bagakizi zikulikira.

Zaburi 96:13

Mukuba, ye gayiji twa imaaja zaꞌbandu booshi mu kihugo. Ee! Ngiisi ábatuuziri mu kihugo, agayiji twa imaaja zaabo ku njira íkwaniini, na mu kati koꞌkuli.

Zaburi 98:9

Ee! Yibyo byoshi bikizi yimbira Nahano, bwo agayiji twa imaaja za ábali mu kihugo. Yizo maaja, agakizi zitwira ábali mu kihugo nga kwo bibakwaniini, mu kati koꞌkuli.

Hisaaya 2:4

Yibyo binyamahanga, Nahano agakizi bihambuula, halinde banatuule mu kati koꞌmutuula. Ingooti zaabyo, zigaatulwa mweꞌfuka zoꞌkuhinga. Kiri naꞌmatumu, gagaatulwa mweꞌmigushu. Ndaagwo mulala úgugaki gendi lwisa ugwabo, batanâye ki yikomereze kwiꞌzibo.

Hisaaya 40:11

Balya bandu baage, ali mu balanga, nga kwoꞌmungere ali mu langa ulukuuli lweꞌbibuzi. Ali mu kizi batengetera mu maboko gaage. Bali nga byanabuzi, bwo batuuziri hoofi-hoofi noꞌmutima gwage. Ngiisi ibibuzi íbikiri mu yoza, ali mu birongoora ku butuudu.

Hisaaya 42:2

Uyo mukozi wani atagakizi banda akashiba, kandi iri kuyamiza. Izu lyage, ndaaye úgaliyuvwa mu njira.

Hisaaya 50:10

Mu kati kiinyu, nyandagi úyobohiri Nahano, anabe asimbahiri umukozi wage? Iri wangaba ukiri mu genda mu kihulu buzira itara, ugire ukizi yihega ku Nahano Rurema, unamúbiike kwoꞌmulangaaliro.

Hisaaya 50:4

Nahano Rurema akanjoboleesa ukudeta ku njiri íkwaniini. Kwokwo, ikyanya abandu bali mu ba bakoli luhiri, ndi mu bakania indege. Ngiisi shesheezi, Nahano ali mu zindukiri nvyula, ananyereke ngiisi kwo aloziizi.

Hisaaya 63:1

Hali ikikalage íkiri mu lyoka i Bosira, mu kihugo kyeꞌHedoomu. Agweti aganooka-nooka, anayambiiti ikanju lyeꞌbitorotonde bidukula. Aahago! Uyo kikalage ali nyandi? Nahano ashuvya: «Nie kikalage. Nie mu kizi deta íbikwaniini. Mukuba nie shobwiri ukumùkiza.»

Hisaaya 66:2

Yibyo byoshi, ka ndali nienyene nie kabibumba? Ee! Birya byoshi, biri byeꞌmwani.» Nahano adetaga na kwokuno: «Umundu úli mu nzimiisa naaho, ali ulya mutuudu, anabe anzimbahiri. Ikyanya ndi mu múbwira igambo, anayami lishishikala kwo.

Hisaaya 9:7

Nahano akatumira beene Yakobo indumwa yoꞌkubakengula.

Yeremiya 31:25

Ngiisi ábakoli luhiri, ngakizi bahembulula. Na ábakoli vunisiri indege, ngashubi basikamya.

Hezekyeri 34:16

«Ikyanya bigakizi yangaara-yangaara, binabe bikoli teeresiri, ngakizi gendi bishakula, halinde na mbigalukire i kaaya. Neꞌkyanya bigakizi vunika, ngakizi bibuka. Neꞌkyanya bigaaba bikoli jehusiri, ngabikania indege. Halikago, ngiisi íbishishiri, binabe biki kaniri, byohe, ngabishereeza. Na bwo ndi mungere, ngakizi bilanga byoshi ku njira íkwaniini.

Mika 7:9

Nâli gweti ngayifunda mu byaha imbere lya Nahano, kyanatuma agandakarira. Kundu kwokwo, agaki mbulanira imbere lyaꞌbatwi beꞌmaaja. Ee! Agandeetera ngiisi íbingwaniini. Hanatame, anandwale mu mulengeerwe, halinde na mbone ngiisi kwo angololera íbihengamiri.

Mataayo 11:28

«Muyijage imwani mweshi, mwe mukoli zidohiirwi, munakoli luhiri! Naani ngamùluhuula.

Mataayo 12:20

Isanga írikoli gingiiri, atagalidongoola. Niꞌtara, iri lyangaba likoli fwifwitiiri, atagalizimya. Agayihangaana, halinde íbikwaniini bibe byo bigaahima.

Yohana 20:27

Anabwira Tomaasi, ti: «Lola hano mu bigasha byani! Unahumage mwo noꞌmunwe gwawe. Ugolole noꞌkuboko, gira uyihumire na mu lubavu. Utakizi ki hizaanwa! Si unyemeere!»

Yohana 5:30

«Niehe, ndaakyo kindu kyo njobwiri ukugira ha lwani. Kiri neꞌkyanya ndi mu twa imaaja, ndi mu zitwa naaho, nga kwo nabwirwa. Ku yukwo yizo maaja, ndi mu zitwa mu kati koꞌkuli. Ndagweti ngalooza ukugira ubulooze bwani. Si ndi mu looza ukugira ubulooze bwa Rurema, bwo ye kanduma.

Bwigule 19:11

Ha nyuma, nanabonaga igulu likoli yanuusiri. Hanaboneka ifwarasi yeꞌkitare. Na úwâli gishoniri kwo, ali mu buuzibwa Mwemeera, na WoꞌKuli. Uyo, ali mu koleesa ukuli mu kutwa imaaja, na mu kugira izibo.